***

المبدعة ضوى قطر طالما أمتعتنا

بروعة تصاميمها  و جمال أفكار تلك التصاميم

وقد أخترنا لكم هذا  التصميم الجميل الذي يحمل

أسم غالي علينا و هو منابع أدبية

التصميم

كما حظينا بلقاء ممتع و مهم لجميع المصممين

مع المبدعة ضوى قطر

فإليكم اللقاء

برأيك مالذي يحتاجه الشخص ليكون مصمم ؟

يحتاج اول شي للخيال..اي شخص بغض النظر عن مصمم او غيره يحتاج انه يكون خيالي شوي لكن الفرق ان المصمم يكون خيالي بزياده عن اللزوم لانه يترجم الواقع اللي يشوفه او الفكره اللي تمر براسه الى تصميم باستخدام عناصر مختلفه..ممكن يكون التصميم ثابت باستخدام برامج التصاميم الثابته مثل الفوتوشوب او متحرك باستخدام برامج التصاميم المتحركه مثل الفلاش والسويش ويحتاج الى شي ثاني وهو الذوق باختيار الالوان الملائمه لجو التصميم واللي ممكن توصل للغير فكرته بشكل مناسب

هل إستخدام الفلاتر و الصور و الفرش في التصميم يقلل من حجم المصمم ؟

يعتمد على مدى استخدامه لهم يعني لو كان التصميم كله شغل فلاتر وصور جاهزه ما صار الشخص مصمم ممكن اي شخص ماله اي خبره بالتصميم لكن عنده خبره بالبرنامج انه ينفذ هالحركات في دقايق يحتاج المصمم للصور والفلاتر لكن بالحد المعقول لاضفاء الجو المناسب عالتصميم لتوصيل الفكره لكن هذا ما يلغي من ضروره اعتماد الشخص على شغله الخاص واستخدام مؤثراته الخاصه في التصميم يعني تعتبر الصور والفلاتر شي ثانوي في التصميم وليس اساسي لان المصمم ممكن يبتدي في التصميم من الصفر بدون ولاشي

 ضوى قطر .. أحكي لنا خطوة بخطوة .. كيف أحترفتي التصميم ببرنامج بالفوتوشوب ؟

كانت البدايه فضول لمعرفة البرنامج من خلال احدى الصديقات اللي كانت تشتغل عليه ودخلت دوره تعلمني اساسيات الفوتوشوب بس كانت غير مفيده بالمره بعد الدوره اعتمدت على بعض المواقع وعلى فضولي لين عرفت بعض التقنيات الاساس كان حب تعلم هالبرنامج فقط بس لحد الحين ماوصلت مرحلة الاحتراف توني في الالف باء

 ماهي البرامج الي تستخدمينها بجانب الفوتوشوب ؟

حالياً ولا برنامج مع اني جربت الفلاش والسويش بس ما حسيته معبر وسهل مثل الفوتوشوب وكانوا محتاجين تفرغ كامل مني

بس ان شاء الله ناويه انتقل لمرحله ثانيه واجرب حظي مع برنامج اخر

ومشكورين عاللقاء