يسعد صباحك يا حبيبي

[عسافه]

يسعد صباحكم / مسائكم
جايبلكم اليوم واحدة من أجمل قصائد عبد الرحمن بن مساعد
أترككم مع القصيدة و أتمنى أن تنال إعجابكم
7
7
7

((يسعد صباحك يا حبيبي))
يسعد صباحك يا حبيبي،، حالي طيب
كل شي مثل اللي كان
المدامع ،، والمواجع
والأمان اللي اختفى لحظة غيابك
والليالي اللي مضت
مثل الليالي اللي مضت
الهم عازف
والدمع نازف
والعمر في غيبتك ،، ! حاير وخايف
حتى جراحك وسط قلبي مثل ماهي
وفي شفاهي باقي نفس الكلام اللي بقى،، آخر لقا
مثل مانت يا حبيب الروح شايف
كل شي مثل اللي كان
وحالي طيب
يسعد صباحك يا حبيبي
،،
هذا انت
كل ما ضاقتبي الدنيا ،، تغيب
وكل ما ضاقت بك الدنيا ،، تجيني
هذا انت
ان كساك الهم ،، صرت أوفى حبيب
وان نساك الهم،، تتباهى ب أنيني
مثل منت ،، دايم تجي في وقتك حبيبي
بعد ما وقتك يروح



يا آخر دموعي وشجوني
وأول إحساسي جروح
ما بقالي من عذابي يا حبيبي الا انت
وهذا انت يا حبيب الروح شايف
كل شي ،، مثل اللي كان
وحالي طيب
يسعد صباحك يا حبيبي

هذا ضي الصبح ؟ أو هو بعض نورك ؟!
هذا همس الورد ؟ أو دافي شعورك ؟!
منهو مثلك ؟في غرورك ؟!
جيت متأكد باسامح
راسم الطيبة ،، ملامح
ماهو بدري ؟ ؟
انت تدري
ما قتلني غيابك ،، اكثر من حضورك
أيه كان العمر داكن
ايه كان الهم ساكن
وقتي بعدك
بس أنا يا ضي عمري
كنت عودت الأماكن تألف بعادك وصدك
ياللي ما يرضيني ضعفك
ما ادري انثر فوق كتفك أغلى دمعي ،، او أردك

[قديم الشوق]

قصيدة رااائعة لشاعر رااائع

عسافه

أشكرك على هذا الإختيار الجميل

الله يعطيك ألف عافية

وتقبلي فاائق تقديري واحترامي

[عسافه]

مديرنا الفاضل/ قديم الشوق
الف شكر على روعة المرور هذا من ذوقك الراقي
تقديري واحترامي لك

[علي المبرد]

،،
هذا انت
كل ما ضاقتبي الدنيا ،، تغيب
وكل ما ضاقت بك الدنيا ،، تجيني
هذا انت
ان كساك الهم ،، صرت أوفى حبيب
وان نساك الهم،، تتباهى ب أنيني
مثل منت ،، دايم تجي في وقتك حبيبي
بعد ما وقتك يروح


قصيده رائعه وصح لسان شاعرها المبدع
وشكرا لك على النقل الجميل

شكرا لك

[عسافه]

علي المبرد


اشكرك على روعة التواجد

تقديري

[بقايا عاشق]

اشبعتي الفكر يا جميلة .

ممتع وجميل بكل حرف يكتبه

عسافه ../

شُكراً تتقاذف عليكِ حتى ترضين