الشاعر الشيخ محمد بن راشد بن مهنا النعيمي

[عبدالله النعيمي]

محمد بن راشد بن مهنا النعيمي (1886-1996 ميلادية)

كان صغيرا عندما توفيّ والده فرحل مع والدته من البحرين إلى أخواله آل شهوان من بني هاجر عند جده الامير ناصر بن خليل ال شهوان (راعي البويضا) في قطر.ثم عاد شابا ليستقر في المملكة العربيه السعوديه.يتذكر والده.. وحالة نعيم (وهي قريته) في البحرين مسقط رأسه.. كان والده ذا شأن في قبيلته فهو سيّدها.. وكعادة ذوي السؤدد والرياسة كان مجلسه هو ملاذ الملهوف وطالب العون وكل ضيف وعابر سبيل
الشيخ راشد بن مهنا النعيمي من أشهر وأكبر تجار اللؤلؤ في المحرق، وشيخ قبيلة النعيم وعمدة أهالي حالة النعيم والمقدم من أهلها، وكان على صلة وثيقة بحاكم البلاد آنذاك الشيخ عيسى بن علي آل خليفة، كما أنه من المقربين لديه، يستشيره في أمور الحكم والسياسية، ويأخذ برأيه ومشورته، وكذلك كان الحال مع نجله صاحب العظمة الشيخ حمد بن عيسى آل خليفة، والشيخ عبد الله بن عيسى آل خليفة. اشتهر الشيخ راشد بكرمه في ديرته حالة نعيم وفي أرجاء المحرق، حيث يشير البعض إلى أنه كان باذلاً أمواله للفقراء والأيتام والأرامل والضعفاء، من أهل بلده ومن غير أهل بلده، كما أنه محب للعلوم والمعارف. وقد كانت له مساهمات لبناء بعض المدارس العلمية لتدريس العلوم الشرعية. ويشير البعض إلى أنه كان من أهل الثراء وصاحب أموال كثيرة. كما أن لديه عدداً كبيراً من الخدام والأتباع والرجال في حالة نعيم وفي غيرها.
رغم المدّة القصيرة التي عايش فيها والده.. إلا أنها كانت كافية ليتعلّق الولد بوالده.وبمجلسه العامر وقريته الصغيرة ويحفظهم في أعماق أعماقه.تعلق قلبه بوالده وبالقرية التي عاش فيها طفولته.. لذلك كان من الطبيعي أن يؤثر فيه ذلك الترحال من بلد لآخر حتى لكأنه عاش غريبا في كل أرض ينزل عليها وفي كل دار يحل فيها.لعب كل ذلك دورا في نهجه الشعري عندما شكّل البيت الأول في أول قصيدة له فكان شعره لا يخلو من تلك المؤثرات التي حفرت في قلبه وعايشته حتى وفاته (1996).
تلك الدار أو الحاله (حالة نعيم) لم تكن لتغب عن باله أبدا لذلك كانت الوجه الآخر لقصائده :
ياشيخ مازحنا عن الدار بالعمد **** ذا شان دورات الزمان النكوبي

وفي قصيدة أخرى :
على رسم خط هبّه النود واختفى **** ظلما ولاادرى عن ضحاها وليلها
على اثار خلان الصفا منقع الوفا **** عربان ونجوع تقافا رحيلها
تقافوا وخلوني مع ظول غلمه **** ومعهم على عسر الليالي وميلها
((فلا همّني دنيا ولا حسّني بهم **** سوى ديرة ذهبوا مناعير جيلها))كانت تلك الدار تدور كالفلك في مخيلته... فكلما هم بكتابة قصيدة كانت الدار هي محورها.. أو على الأقل هي الطرف البارز فيها..
في جل قصائد محمد بن راشد النعيمي حسرة على ذلك الزمان وعلى رجاله الذين تركوه ليصبح غريبا بعدهم لا غريب دار فقط بل غريب أزمان وأوضاع !!!!
عشعشت حالة نعيم في ذاكرته... لم تفارقه لحظة واحده.. ففيها فتح عينيه على مجالس الرجال.. وفيها عاش طفولته ولمس شيئا من شيم الرجال وعاداتهم التي تغيّرت.. ولم تعد كما هي. لم يكن محمد بن راشد النعيمي بالشاعر العادي........ أبدا
فقصائده لا تظهره كذلك بل تقف به على درجة مساواة لفحول الشعرا النبط في الجزيرة العربية والمطّلع على قصائده يرى فيها ما يؤهله لذلك..
في قصائد النعيمي قوة في الصياغة وقدرة على التأثير ولا نبالغ حين نقول أن اللهجة الوسطى التي انتهجها لكتابة قصائده كانت مفتاحه للولوج إلى قلوب المتلقين..
ربما لم ينتهج النعيمي ذلك النهج عامدا.. بل جاء تلقائيا من تأثير البيئة الحضرية عليه فكانت هي لهجته دون أن تختفي لهجة البادية التي كانت تظهر من بين السطور إذا سلّمنا جدلا أنها لم تكن في الواجهة.
كذلك تبيّن قصائده مدى وعيه وإلمامه بأمور شتى قد تغيب عن شعراء كثر من معاصريه هذه أبيات من قصيدته في فلسطين وهنا يتجلّى وعي الشاعر فالقصيدة رغم قدمها إلا أنها تحاكي حاضرنا السياسي ولا تحتاج إلى تعليق أكثر من هذا :
خايل فلسطين العروبة تلاوي **** قيد العنا.. من بين شامت وعذال
تشدي طريح باول الخيل هاوي ** عليه بارود المعادين ينهال
عقب الزناقه واني الحيل ثاوي *** كسير ساقينٍ عليه العدو حال
واسمع لها في كل ليله غناوي *** كل على (حيفا) تغنــّى بالاقوال
((واللي على حقـّه يرز النعاوي **** يقبل حلول الصلح عن خيبة الفال))
شاعر بهذا الحجم كان لا بد من دراسته.. وكان لا بد من أن يقيّم تقييما صحيحا ليأخذ مكانته الحقيقية.. ولكن !!
لم يكن للشعر النبطي حظا وافرا في رواته.. فلم يجد رواة ثقاة ونقادا محايدين لذلك ظهر الشعر النبطي بصورة لم تكن هي المأمولة.. فقد غاب عن التاريخ الشعري كثير من شعراءه دون أن يجدوا من يكلّف نفسه عناء إنقاذ مايمكن إنقاذه.... حتى أنك تجد شعراء فحول لم يحفظ الرواة من قصائدهم إلا القليل بينما بقية قصائدهم طواها الدهر وشرب عليها النسيان !!!!!!!!!.
محمد بن راشد النعيمي من أولئك الشعراء الذين للأسف لم تحفظ قصائدهم ولم يسجل منها إلا البعض بينما راحت قصائده الأخرى بل وأكثر تاريخه الشعري دون أن يدوّنه أحد...
توفي الشاعر محمد بن راشد النعيمي عام 1996م في المنطقة الشرقية من المملكة العربية السعودية.. وانتهى بنهايته جيل الشعراء العظام ممن كان لهم الفضل في إحياء الشعر النبطي واستمراريته.. عاصر من كبار الشعراء عمير بن عفيشه ولحدان الكبيسي وناصر النجدي والسديري.... وغيرهم.
أطلال حالة نعيم : محمد بن راشد النعيمي شاعر مخضرم عاصر أكثر من جيل من الشعراء... عايش تطور أو (تدهور) القصيدة النبطية منذ ولادته وحتى وفاته.. وقف ذات مساء بقريته التي غادرها صغيرا.. وعاد إليها ليجدها أطلالا.. يتذكر كيف كانت ؟؟؟ وكيف صارت ؟؟؟ صوت الهاون في مجلس والده يهزّ القرية داعيا للقهوة.. أصوات الأطفال وضحكاتهم تحلق في السماء.. ولكنها الآن................................. صمت مطبق......... وموت سرمدي !!!!! في موقف كهذا قد يخلق شاعر...... أو قد يبعث الشعر في غير الشاعر... فكيف لو كان الواقف على الأطلال هو محمد بن راشد النعيمي وكانت الأطلال.............هي حالة نعيم !!!!!!!!!!!!!!!!.

مريت تالي اليوم بين الصلاتيـن=دار غدت لـي بالمثايـل شحينـه
دار الفحل نور المحل ريف الادنين=ستر القصور النايفات الحصينـه
ديرة أبوي وخلـة لـي مصافيـن=ظنينتـي يـوم ان لكـل ظنينـه
والفتها ولف الصغـار الصديقيـن=واحبهـا حـب المصلـي لدينـه
وعلمي بها وقت مضى قبل ذلحين=دار وديرهـا كثـيـر قطيـنـه
لجت مساييره وصوت الهواويـن=تشدي نهـار فيـه عيـد وزينـه
واليوم ما فيها سوى ناعب البيـن=وما عاد من تالي لجاويـد عينـه
يا سين يا ديرة لجاويد يـا سيـن=كم خاطر عقب الفـرح تبشعينـه
يا شوفت الله كم غدا لك من الزين=ويا دار هو وقت مضى تذكرينـه
يا درو أنا بانشدك وين المحبيـن=وانتي بعلـم صـار لا تجحدينـه
حيين هم لو تحت الاجداث جاثيـن=هم يسمعون الصوت لو سافهينـه
هل يسمعون الصوت والا بعيديـن=معشر هلي يا دار ويـن اتهقينـه
قالت لي اشبح وانظر الحال بالعين=دوك الرسوم المسملات الحزينـه
كن الحيا ما مرهـا دور عاميـن=مـره ولا بالخيـر مـرة سنينـه
يا كيف تنشدني وانا بي نياشيـن=شوف الشنايـع للقلـوب الفطينـة
لا تنشد المأخوذ من حالـة الشيـن=دليل حالـه واضـح فـي جبينـه
واللي تخبره من عصور مزاميـن=راعي العنايـا والعطايـا الثمينـه
اللي على قـدره تعـز البزاريـن=والقن واللي في العـرب داشرينـه
وان حفت الحافـة بربـع مجنيـن=يبغون من ظيم الليالـي السكينـة
فك الوسر من راعي العسر والدين=جابر كسر عانيه متعـب قرينـه
هذاك يا ريف الحشـا والنظريـن=حال الثرى يا شيخ بينـي وبينـه
قلت اسكتي يا دار بالـك تظجيـن=وطي حزين الصوت لا ترفعينـه
عيني بكت يا دار قبل أن تحاكيـن=يـا دار باقـي السـد لا تبحثينـه
غير اصبري صبر الكرام المعيدين=صبري على شوف الطنا والغبينه
يا كعبة الوفاد في العسـر والليـن=يا شن بظمر الجوف لو تفهمينـه
العذر يا داري انكانـك تعذريـن=والعفو يا الحاله من اللـي تبينـه
العسر شين وعقل خطلان الايدين=وما هاش من لا له عضود تعينـه
وما يشهر الشامي بليـا جناحيـن=ويش خانـة الجيـد بليـا يمينـه
حار النظر يا دار من به تظنيـن=ظن الجميل اللـي مـرادك تبينـه
اللي يثمن حـق شكـواك ويعيـن=ويفك عقل من عضـودي متينـه
قالت حمد ما غير زبن المخيفيـن=هديب شيـال الحمـول الرزينـه
هذا الذي شادت بذكـره دياويـن=زبن اللهيف وريف خاطر زبينـه
هذا مصب نهور شـط الفراتيـن=ما هوب غرف بالدلـي والمكينـه
يصبح به الشرب المولى بساتيـن=ويخضر به روض نشاش عرينه
وعندي على قولي شهود وبراهين=ولا خير في قول سـراف يقينـه
قلت اسمعي يا دار ياللـي تقوليـن=تبغيـن كسـاب الثنـا وتعنينـه
هيا معي يمه على الفـور تكفيـن=نركب بمشهود الحلايـا الحسينـه
شف الغوا طرزه ثمـان وثلاثيـن=عون الوليف الـي تذكـر خدينـه
لا من فهق منه الوعر والرفاعيـن=وانحنى وبان الضلع قد هو وزينه
ناتي من الرسته على كسرة يميـن=وننصا القصور النايفات المبينـه
يم الصخير وشفـك اللـي تمنيـن=هذا هـواك وبـد مـا تاصلينـه
نو معروفه عم الأقصى والادنيـن=هـذا نعرفـه والمـلا خابرينـه
ان جاد فإن الجود له من قديميـن=ومد على غيـر الوفـا لا تبينـه
وان كان شح فحضك اللي تعرفين=طوره وميل الحـظ مـا تجهلينـه



المصدر http://ar.wikipedia.org/wiki/%D8%A7%D9%84%D8%B4%D8%A7%D8%B9%D8%B1_%D9%85%D8%AD% D9%85%D8%AF_%D8%A8%D9%86_%D8%B1%D8%A7%D8%B4%D8%AF_ %D8%A8%D9%86_%D9%85%D9%87%D9%86%D8%A7_%D8%A2%D9%84 _%D9%85%D9%87%D9%86%D8%A7_%D8%A7%D9%84%D9%86%D8%B9 %D9%8A%D9%85%D9%8A ويكابيديا

[عبدالله النعيمي]

ما كان لي في بدع الامثال رغبه=لولا الخوى اللي زما البعد دونـه
اللي نخايل كـل يـوم الدربـه=والكل منـا ملهياتـه اشطونـه
ومهما نفكر في نزوحه وقربـه=حقه من الواجب علينا نصونـه
خوينـا معنـا برايـه وقلـبـه=وان غاب شخصه وصلنا تيلفونه
عبد الله الفندى وحن نفتخـر بـه=نذكر وفـاه وغيرنـا يذكرونـه
واللي جعلنا راس مالـه وكسبـه=حقه علينا مـا نخيـب اظنونـه
الاجواد قالوا تملك الحر شربـه=واللاش قالوا ملح زادك يخونـه
وقالوا بعد للطيب زرع وتربـه=والطيب حن زرعه وحنا زبونه
وزرع يفك الوجه من كل كربـه=والزرع الاخر ما يوفي اديونـه
خلو لنا الاجـداد سلـم ورتبـه=والامجاد سلم اجدودهم يتبعونـه
والمرجله ما هي هوايه وطربـه=المرجله حمـل اثقـال اوزونـه
حمل ثقيل يتعب اللي نهض بـه=ولو كان حيد وشايبـات امتونـه
ولو كان حيد وضاري قد دهل به=اهديب شيـال الـروا والمؤنـه
والمرجله كود على اللاش صعبه=ما جابها اللي يرتضي بالمهونـه
واللي يقول الهون قسمه وكتبـه=هذا الجبان اللي لنـا يوصفونـه
وانصحك من ذا لا تشد الظهر به=عزى لعينن في رجـاه مغبونـه
واياك من ذا النوع لا تحتزم بـه=راسه وساسه للـردى يجذبونـه
خويك وعونك دام دنياك خصبه=ودامه يحصل ما تعضه اسنونـه
ولادبرت دنياك لا تغتبـط بـه=تراه اول من تفـارق اضعونـه
ويا حيسفي يا هي مصيبه ونكبه=ان كان فـي خلاننـا ذالنمونـه

[عبدالله النعيمي]

سـلام يـا وارث مراسيـم وسلـوم=بيت على ساس الثنا صلب وصحيح
بيت الذرى بيت السخا بيت شغمـوم=بيت الجماله في الليالـي الشحاشيـح
بيت مـن السابـق عواديـه داهـوم=زبن المخيف ومبرك الضمر الفيـح
بيت حمى سوره صناديـد وقـروم=من يوم عصر المارتـي والقداديـح
يا شيخ يـا فكـاك عسـر ومبهـوم=عقد الروا لو معجـزات الزحازيـح
من جوبة الظهران عند الضحى اليوم=خذنا على الممشى صحيح وتصريح
جيتك على قطما الجناحيـن زيـزوم=سـرب البعيـد مدنيـات التناتيـح
ترهي على الفايت بنوهات وعـزوم=وتلحق سحاب خف به عاصف الريح
تشدي لفرخ في السما كسـر الحـوم=وانحى على صوت الدعا والتلاويـح
انحت على خط على الراد منضـوم=على الساحة الجردا على رقة السيـح
على سفح واحـات وميـدان تعلـوم=ومدهال سمر مدرعـات مصافيـح
وخلافهـا دنيـت ظافـي وملمـوم=غض التواير دمث الاسيات ومريـح
اسمر حمر يبدي بموجـات وسهـوم=بين الخضار ورونق الزرق والشيح
عليه القرنتي فـوق الآلات مرشـوم=وما داره الحرفـي بسـود المفاتيـح
يوم انتهض زعل من القير مزحـوم=يزنف كما يزنف زعول التماسيـح
احمى وكنه من على القـاع بيقـوم=وقمت اذكر الله من عيون المشافيـح
طاف المدر والخيس وانحاز لحـزوم=ارض الرفاع وزاميات الصحاصيح
دار بها اللافـى عزيـز ومكـروم=يمة قصور فـي النـزاوه لحاليـح
ونصينا الرفيع اللي على القاع مزموم=قصر زهى لون الزهر والمصابيـح
جيناك يا من للرجا قصـد وحلـوم=قلب جرع ضيـم الليالـي قراطيـح
جاني نباك وفرج الصـدر وهمـوم=ليل سرى صوت الرثـا والنواويـح
جابوا نباك اصحاب واجناب من قوم=وطرشان من شتى الشعوب النوازيح
قالوا توفى كعبـة الجـود مرحـوم=مرحوم يا رمز العـلا والمطاميـح
والحر مات وخلف الحـر صـاروم=وذا ماكر عش الحـرار الجواريـح
شقر حفيف طيارها رمـع وهجـوم=شنع الضرايب من حـداد الكواشيـح
قالوا تـول والـي العهـد مرسـوم=حامل اختام الشيخ مهـر وتصحيـح
امر من الحاكـم صريـح ومفهـوم=وصية من والـي الامـر ترشيـح
الا يا عريب البيت يامـن لنـا دوم=نرجيك رجوى المتعبيـن الكواديـح
حق علـي بحكـم مجنـاك ملـزوم=افضي عليك اسرار شكواي وابيـح
مريت يا عيسـى بـلاد لنـا يـوم=يوم البخت عـدل ولا بـه سواميـح
يوم الدهر من صوبها عدل ونجـوم=غدرا سماها واضحـات مضاويـح
كانت كما روض من الوبل ماسـوم=فيـه الخزامـى كاسـى المساطيـح
وكانت وكان مراحها مرح وعمـوم=وسكانهـا سمـح الوجيـه المفاليـح
أهل الصحون اللي بها غصب الكوم=ومجالـس مـا غلقـت بالمفاتـيـح
هم الند يوم الضد له نـد وخصـوم=وهم العد لى قل الثمد والنضاضيـح
نعيميـة لاسلافهـم مجـد ورسـوم=على ماض التاريخ بيض مواضيـح
لأهل الذكا علم حـوى درس دبلـوم=ولأهل الثنا غرق صعيب المشاويـح
ربعك إلى حلت بالاوطـان مقسـوم=لي ثقل المحزم عـروض المشابيـح
يوم الهدايا ضربهـا كـز ولطـوم=هدف السيوف المرهفـات المدابيـح
ويوم العمار بسوقها يطـرح السـوم=ودلالها ينخى هل الـزود ويصيـح
ويوم الصعوب حمولها حذفت كـوم=وعود على الحمله جمـال طحاطيـح
جمال الرجال اللي لهم كار وسلـوم=عض النواجذ في سنع هبـة الريـح
اقوله ومثلـي قالـه البـدو وعمـوم=الحضـر سكـان المـدر والفلاليـح
ولا خير في قول على الحق مزعوم=قولـى وكـاد وبيناتـى مواضيـح

[عبدالله النعيمي]

يـا تـل قلبـي تـل محـال عـدي=حل القطيـن وفوقـه البـدو نـزال
عد علـى الشـاوي بعيـد مصـدي=وفي القيظ للهامـل مـرب ومدهـال
يـا ونتـي ونـة ضعيـف وعـدي=مظهـود مضيـوم جـداه التويـال
حقه مصيب ومن هـل الحـق ردي=وعداه من هـو لا تـدار ولا سـال
لا شق جيب الثوب مـا لـه مقـدي=ولا بني عـم لهـم فـي وضـلال
شاف الخصيصة من حلالـه تشـدي=عنده ومـن دونـه طوابيـر وادوال
وبي وجد راعـي ثـروة مستسـدي=من بيت خير وماكره ماكـر رجـال
حاتـم زمانـه فـي زمانـه يعـدي=حيـد الحمـل المستجيريـن نـقـال
تقاصـرت اشيـاه نــد ونــدي=ند من العصبـة ونـد مـن المـال
قد هو ضعيف فـي القرايـا يكـدي=وعـزى المضيـوم تلجـا بالانـذال
وبي وجد راعي هجمة مـا تحـدي=يرعى بها عشب المصانع والاسهـال
عشايـر فيهـا الفحـل مستـهـدي=لو يضرب المختار من بينهن عـال
غاروا عليـه جمـوع قـوم تسـدي=مطلاع عين الشمس في حالة الحـال
واقفوا عليهـا فـوق خيـل تخـدي=الناير اللي صابهـا رعـب وجفـال
شاف الزرج من دونهـا مجرهـدي=وامسى يرد بصوته الصفق والجـال
ما ينفـع المأخـوذ لـو قـال يـدي=ولا تنفع الشكوى على غيـر رجـال
كون الـذي عنـد التوالـي يـردي=واللي يفدي دون عرضه بمـا نـال
اشكي على من شاع صيتـه وعـدي=اللي معيـد وماضيـات لـه افعـال
يا حمود حرق ذارف الدمـع خـدي=والى جحدت السد في الصدر ما احتال
لا حيـل لا حيلـه ولا منـه بـدي=وانا اشهد ان عشرة لجانيب غربـال
علمي بهـم يـوم الرحايـل تـردي=عقب المقيـظ ومنتويـن بالاشمـال
يا جاهل درب الهـوى لـك مقـدي=انظر سليكة واحـد جـرب الحـال
الحـب خلانـي مطيـع لـضـدي=مثل القبيض إلي عليه العـدو مـال
يا سعد مـن دونـه جمـوع تهـدي=وتوصلـه غايـة تمانيـه ويـنـال

[عبدالله النعيمي]

الله من ليل طويل سهرته =افكر واحقق بمابي ولسباب
واسباب مابي من نظام درسته =درس(ن) لجا في خاطري عادني شاب
ما اسب انا المبلي ولا احب مقته=واسب من يجفى العواني ولنساب
ما ني بمن ينسى ضميرة وسمته=قليل فود وللمخاليق سباب
احب انا الطيب وما قيل قلته =وقبلي يقولونه بني عم واجناب
ابو ذياب محمد لا عدمته=يا قل تلقى عينته بين لقراب
قالو كريم وقلت بالعين شفته=ما حط للدنيا مقادير وحساب
وقالوا نزيه وقلت قدني عرفته =ما هو بنمام ولا هو بكذاب
و قالوا اديب وقلت هذا لمسته =محسوب في حفظ التواريخ لكتاب
اوفى خوي في الحياة اختبرته =تالي الرجى لا صك ناب(ن) على ناب
ابو ذياب محمد جعل وقته=يغنيه من فضل الردي مترع الساب
شرب الصرا موت على القلب سكته=والموت احلى من رجى الاش لو طاب
اللاش لاش و ما ورا اللاش ربته =ينسى الجميل ويجزي الطيب بعتاب
وان طاب يوم ما يوفي بسته =حده سبوع ويفضحك بين لصحاب
مفهوم وادي الملح مازاف نبته=والحر ما يملي صميله بمغراب
يا بو ذياب الوقت لغز(ن) او نكته=يوم معه غلقه ويوم به اعصاب
و يوم يشيب الراس من طول صمته =يوم صديق ويوم خاين وحراب
اركب مقاصيف الرجا فوق تخته =او انزل مطاليق يفكون لنشاب
فكاكه القاله بحزم(ن) وثبته=عند اللقى يوم الوغا قطع الارقاب
خذوها وضوح الشمس ما هي بغته =و ماهي بفتوى جماعات و احزاب

[عبدالله النعيمي]

يامرحباً ياسعيدماناض واسفر=في مدلهم ٍ ريف الكوس يغريه
عم الوطن كله ومن ديمهامطر=سيل ملا روضه وفيض بواديه
اوعد مايكتب ويذكر وينشر=فيذمة التاريخ عدله ومخطيه
تاريخ عصراً كنه اليوم ما مر=ولولا تقاليدهولولا مباديه
جزا الله ذاك الجيل وايامه الغر=لطف الكريموطيب الله مثاويه
واقطعك ياوقت ٍ به الطيب ماسر=وقت ٍ عدوه فيالملا من يصافيه
لاتستعيب اللاش لو بار وانكر=هذا الردى طبعالردى مايخليه
هذا الزمان اللي الى راد يقدر=يدمر بيوت العزوالكوخ يبنيه
هذا الزمان وغدر الايام اخطر=كم فرقت مابينغالي وغاليه
الى جيت بنسى ماضي الوقت واصبر=واريح قلب ٍماتهيت مناويه
جابت لي الدنيا تواعيض وعبر=تشقي السفيه وطيبالعقل تبكيه
دنيا وراها الكيد والمكر والغدر=تدفن حليفالود والصبح ترثيه
دنيا سقتني المر والملح والصبر=واللي معه ربالمخاليق ينجيه
والله لولا ونة ٍ تفضح السر=واخاف لاينقال ذالعود وش فيه
لايح صيحة واحد ٍ صايبه ضر=نسي الوقار وشققالجيب بيديه
واصيح وارفع عالي الصوت واجهر=وابيح المكنونمن عذر قاصيه
ياسعيد ياترثة الاجاويد ياحر=يابينن بعد النظرذي خطاوية
انت ابن عمي يابن علاق واضمر=انك اليمين العضدوانك تساوية
كم لي وانا ياسعيد من صوبك انطر=ذا القافوالمندوب واللي معنيه
يابن حسن من يم الاحداث تذكر=وقت جميله مايكافي مساويه
تقول في ذا الوقت كل تنثر=وكل ٍ خويه حاربهمايدانيه
احد ٍ طغاة المال قام ايتكبر=والله علم منمصدره وين ياتيه
واحدٍ يهين النفس ويقول مجبر=لاجل العيال اللييبونه يسويه
وهذا الذي فعله بك اليوم اثر=اللي سعى يمالاهانه برجليه
ياسعيد لاتشره على من تجبر=لوكنت له اقرب قريبٍ تواليه
بعض العرب في طلعته مايقدر=لين الليالي بسودالايام ترميه
خله وخل اللي بدنياه مغتر=خله ولابد اللياليتربيه
وهذا الكبر دربه مطبات وحفر=درب تشابه فيالمخاطر عواديه
الكبر ذنب وحامل الكبر يحشر=وسط الجحيم وشاهدالذنب راعيه
وما عاد تنفع توبته لو تغفر=طوي الكتاب وقسمالحق واليه
وياسعيد تنشدني وتبقيني اخبر= تاريخ عصر ٍسابقتني لياليه
العذر ياريف المساير ما احضر تاريخ عصر ٍ مالحقته ولا ادريه
الا كلام الناس والناس محور =ذاك الزمان وكلجيل ٍ نشى فيه
ياسعيد تمدح لابتك وانت تشعر=انك تقول الصدقوالحق تعنيه
قولك وكاد وكل ماقلت يخبر=فغله شهوده والقبايلتزكيه
انعيم لا احتر الثرى والسماء احتر=وبارالضمين وضيع الوجه معطيه
ركبوا على مثل السراحين ضمر=قيس اللطراد ونازحالبعد تدنيه
يردون حوض الموت في اليوم الاحمر=يوم علىالتاريخ يفرض تحديه
نفخر بجدان ٍ بنوا المجد الاكبر=مجد لهم يابنحسن فاخروا فيه
حنا علينا نبني المجد الاخر=مجد ٍ لنا حنا على الساس نعليه
وهذا يبي ناس ٍ يحذفون لغتر=لي جاهم المضهوديزهم دناويه
ربع ٍ مناعير ٍ لهم كار وقدر=تنجي حريز الموت من قبل تسميه

[عبدالله النعيمي]

يا شيخ يا قايد رجال المسيره =لاعلى مقام للرجال القديرين
نهجت طرق الشامخات العسيره =منهاج العليا وساع الميادين
وبنيت صعبات المنال المثيره= في نهضت البحرين لاجيال وسنين
يا ديم وسمي مزونه غزيزه=وبله حقوق وعم خلق كثيرن
عم الوطن مدنه وريفه ونيره =واحيا النجوع اللي من سنين مسمين
اهنيك عيد عم الافراد خيره=من واقع الحاضر وتاريخ ماضين
تاريخ حامين الجواد العثيره=الى قبلوا ذولا وذولاك مقفين
في ساعة بين الهوايا خطيرة=بين النمش والسيف ومصارع البين
يوم قبل كونه يجيهم نذيره=ويوم يجي غره وهم مرجهنين
ويوم به الجيد يجنب قصيره=لاحال دونه لابسين التوامين
ولا دبرت قحص الرمك مستذيره=من لاهب البارود قدم المعادين
وضاعت اعلوم مهاوين الصغيره=فرسان احلام العذارى مزايين
وما عد كون منجبن الاخيره=فرسان قوم في الحروب معروفين
حماية الساقه نهار الكسيره=اكبار على حفظ الكرامه غيورين
اعتوب لهم وجه وجاه وجيره=ودار عليها من قديم معين
خليفية عاداتهم كف المغيره=ذخيرت المضهود خطلان الايدين
اخوان نجلا ما خذوها بريرة=باعوا العمار بدون سوم وتثمين
من خلفوا حكم وسلم وسيره=وشيخ ذرى الملهوف زبن المخيفين
شيخ كريم اخلاقه المستنيره=فيها الوفا والحلم والحزم واللين
باقول قول غايته وتعبيره=قول يمثل غاية الحق والدين
ما الحر الــلا من تحرر ضميره=ومن قال قول الصدق للحق تبين
عيسى انا لي في بلاده عشيرة=ودار وطاها من عناها الامرين
حالة انعيم ودار من لي ذخيرة=ذخيرتي ربعي بني العم الادنين
راحت بهم سود الليالي الشريرة=والاخيار لو ماتوا بالذكار حيين
من عقبهم صارت علينا قصيره=ولو حن كفوا لكننا ويننا وين
اضحكت منازلهم على الحي عيره=يبغي يعود امجادهم والعسر شين
العسر عوق مدورين الستيره=المستحين اللي على العز ضارين
والعسر يخلف جيدين البصيره=ومن قال ماله قاطعوه المحبين
ستين عام والليالي مريره=وامر منها يوم صرنا فريقين
حتى نشى عيسى وخص الجزيره=بالفزعه الي بينت شوفت العين
فزعه ودافعها شهامه وغيره= ومن حاص ماله بين مونه وتموين
جاب الايدين الماهره والخبيره=تسرم وتبني باهضات المثامين
وقامت من الضفه على البر ديره==مدينة ما مثلها في البلادين
مدينة باسم المداين جديره=الزوارها واللي عليها مقيمين
فيها الحدائق كل بيت حضيره=ومتخالف نور الزهر والبساتين
ومن مد شيخ ما يمد الحقيره=جتنا هبه ما هي بحسب القوانين
ولاجات من قرم قصيره خشيره=ومن بيت ناس بالمروه حريين
يا بوحمد ما هي بمنكم كثيره=ياما علينا من جميل لكم دين
وانت الحرى بفزعة المستجيرة=ياجابر كسر الكرار العزيزين
وهذا الوفا ما يملك الحر غيره=مبداه واضح بس ناسه قليلين
وهذا الكرم طبع النفوس الكبيره= طبع يكلف واجدات الملاين
ويابوحمد ما بين الايام خيره= مادام تاليها الفنى لو بعد حين
ويبقى الجميل بطيبين السريره=خلان عازات الزمان الوفين

[عبدالله النعيمي]

سلام يا نهاض على راية المجد=لعلى مقام بالوقار مهيوبي
يا ابن الكرام كبار الاذكار لاعد=تاريخ احداث الدهر والخطوبي
هل السامة العليا هل الحل والعقد=اللي لهم سلم المروة دروبي
ما هوب واجد لاتعليت مسند=وساع النهايا للنحايا قطوبي
ابوك من يغني الفقارين ويمد= جزل العطا غيث اللهيف الطلوبي
دمث الجناب القاصده غض وان ضد=للمعتدي فض غليط غضوبي
حر من العليا حراويه وابعد=من صيد صياد الزهيد الهروبي
وبلعون يا ترثة لجاويد لك جد=هذاك ستر مخضبات الكعوبي
هذاك من صيته على اليوم للحد=بأقصى الشمال وشرق غرب وجنوبي
عيسى الى وصل الحكا كلمة الجد=حامي الصخيف ام الحوار الحدوبي
حامي عقاب الحاينه حامي الحرد=حامي الورى يوم الخفيف مغلوبي
يوم المثولث واشهب الملح يركد=وينقاد من بطن الوطى له لهوبي
عج سحابة مكدم اللون مسود=نو سنا برقة سرى له شبوبي
الى اعتلى قبا من الخيل مقود=شيخ يعرضها الخطر والعطوبي
تلحق وحبل عنانها يركب الخد=ربدا سناد للشكايم جذوبي
عاداتها تحدا على الموت وترد= الى خفت الحلبة خفاف القلوبي
واما انت ياشيال حمل الملهد=يا ذا الحبيب اللي نباك محبوبي
ياحاكمي بالأمس واليوم والغد= ويوم العضيلة يا مفرج كروبي
ياشيخ ما جيتك على شان مقصد=دنيا ولالي في طرفكم انبوبي
تسعة عشر عام وانا عنك منلد=وقلبي لطاريكم زهوف طروبي
وانتم لنا خل قديم على ود=ونعيم عضو من عضاك محسوبي
وحبي لكم ما فيه لوم ولا نقد=انتم هلي عزي وعنزة شعوبي
وانتم هل الدين القديمين واشهد=ان الوفا حق علينا وجوبي
الطيب دين ما بين الاجواد ويرد= وفا الدين كله كامل ومحسوبي
ولاينكر المعروف رجل ولا جند=الا مقاصيف الرجا والسلوبي
ضعف النفوس الواطيه والمقعد=اللي يعدون الزهايد كسوبي
والا المنافق راعي الكيد والحقد=في الوجه له وجهن ووجهن كذوبي
مثل البهيمة ما تربح ولا تسد=الا ان يغذيها العلف والشروبي
عذراء وتكرم للعشاشيق مرقد=تلعب على الحبلين رقطا لسوبي
سلمان يا ريف المواجيف يا عد=عد جباه من النزول معروبي
ما كل من ودعت الاسرار له سد= وما كل خل في النوايب ينوبي
حنا عيال الي تحت جابر الخد= ربعك ومقدم دولتك في الحروبي
عصامية ما نطلب المد من حد=الا انت يا مقدم رجال العتوبي
والخير الي دايم الدوم يعبد=الله علام الخفا والغيوبي
ياشيخ ما زحنا من الدار بالعمد=ذا شان دورات الزمن النكوبي
الا نهمت الحر والحر ما رد =ذا صنع طراد العزوم التلوبي
وذا صنع راعي قالتن حظها صد=تقاصرت اشياه نوب ونوبي
نوب من الدنيا ونوب من البد=ونوبن بصوبن والروابع بصوبي
يشدي الحيد بيده حامي الكد=من كثر ما شل الحمول مغصوبي
حيد صبور قاسي لحقه البد=واحفاه من سوج المسامة ضروبي
ولو بالخيار وحكم الاقدار باليد=ماكان زار الخير بيت العزوبي
وبيت الثنا والخير والي بهم بد= جمال الحمول معفيين الصعوبي
راحوا من الديرة فراقين وبدد=وتربة منازلهم عفاها الهبوبي
لكنها قسمة وما قسم للعبد=ما عنه لو هو بالحروز محجوبي
واسلم حماك الله يا حامي الحرد=وعساك دومن بالوقار مهيوبي

[عبدالله النعيمي]

في مدح الشيخ محمد بن سلمان الخليفة

سلام يا شيخ عليك الهقاوي=وما جور يا شيخ لنا في وظلال
يا نادرن حرن فصيلة نداوي= فرخن يسوي فبرق الريش الاهوال
هام العلا دونه تضيع الحراوي=وكم قصروا دونه مشاكيل ورجال
المرجله ما عانقت كل هاوي=ومهورها تاتي عضيلات وثقال
عليك علقت الرجـا والمناوي=ولولاك ما قلت المعاني والامثال
يا شيخ انا مانيب غمر هواوي=ولالى مع الخفرات قلب ولا بال
ولا شاعر بين القبايل مراوي=ولا سمت وجهي في الرجا عند الانذال
ولا سالت مخلوق بشي يساوي=لاطامع دنيا ولا طالب مال
الى عدت يا محمد فهيم وراوي=ما يلتزم لألزمة كون رجال
جدي على جدك لزيم مخاوي=وحق الخوي عند المطاليق له حال
ولا ينكر المعروف كون الزناوي=ولا ردين هافي الجد والخال
بيتك لنا في حزة العسر ياوي=وام لنا دارك وحنا لها عيال
خذينا بها وقت سقاه السناوي=من مدلهم حامي الودق همال
ومن مدكم نلنا كبار العطاوي=عطايا محب من سجاياه لجزال
اصايل تاتي لشيخ هداوي=وخناجر طمس عليها الذهب سال
وهايب كريم ما وراها ملاوي= تاتي سخا ما هيب شفعان واسوال
من مدح شيخ ظاري بالعناوي=يفخر بها التالي وتفخر بها اجيال
عيسى الي اركبوا ظهور العلاوي=ولا حملن قطيهن شهب الاذيال
ولا شفت العين الخصيم المناوي=وما عاد من وجه المعادي تنصال
لازل من الاول مروق عراوي=والحرد حاديها من الخلف خيال
ولا وقف الغر الحسين السحاوي= يزهم على التالي قديمين الافعال
نعيمية حرز السرب في البلاوي=واخوان نجلا عند زوغات الاذهال
خليفية ما ينقلون الهراوي=اسلاحهم شرفن قصيرات وطوال
لاكن وصف اصواتهم والعزاوي=اسود غاب صوتها زلزل الجال
كبار تحدا عاتيات غذاوي=من صوتها ينحاز وحش الخلا ذال
حل المثارا يوم كشف الغطاوي=وكل على مقدور فعله وما نال
احد تقند له دلال القهاوي=واحد الى صبت يعدا الفنجال
هذا الفخر ما هوب دز الشكاوي=يم مجلس حاميه قانون وادوال
والى بغينا يا محمد نساوي=من جيلنا الاول الى جيلنا التال
المرجلة ما هي درس وحكاوي=لاعاد ما في الثوب علم ورجال
كب الردي لو هو اديب وحاوي=منه تزول النفس والطبع ما زال
والمال ما يعلي طموح الدناوي=مكتف الشيمة بقيدين وعقال
وما يدرك العليا بخيل قصاوي=ولا يقطع الفرجه مسير التهسال
والمجد ما يبينه كون القراوي=والا سيوف الهند في كفوف الابطال
كذالك المديون ما هوب ناوي=يدار وفا دين مباديه الاهمال
ومن لا يعد الحد للضد غاوي=ومن لا يعيل اردوه في القبر عيال
خايل فلسطين العروبة تلاوي=قيد العنا من بين شامت وعذال
تشدي طريح باول الهيج هاوي=عليه بارود المعادين ينهال
عقب الزناقة واني الحيل ثاوي=كسير ساقين عليه العدو حال
واسمع لها في كل ليل غناوي=وكل على حيفا تغنا بالاقوال
واللي على حقه يرز النعاوي=يقبل حلول الصلح عن خيبة الفال

[عبدالله النعيمي]

قصيدة قالها الشاعر في الشيخ زايد بن سلطان ال نهيان غفر الله له

يابن الكرام ويا بن حماية التال=الى اهتز من لفح القهر كل قاسي
يا شيخ جيتك ما علي مطلب حال=ولا من الفقر المنوخ اقاسي
جيتك امسلم حق تقدير واجلال=واسمح اوضح دافعي بالتماسي
جذبني صدى صيتك غدى لي على البال=ومنين ما فكرت لي هو احساسي
احب انا الطيب وطاريه واسال=منه واجي له من بعيد المراسي
واقول جزلات المعاني والامثال=في حق خطلان الايدين بحماسي
ولا اقول في غير المكارم تغازل=ولا بيع من ذمة ضميري الناسي
حيشاي من هدم البخت على سبت المال= وحيشاي من طبع النفوس الغلاسي
اقول الوكاد الحق والحق ينقال=ورزقي على محي الهشيم اليباسي
ولولاك قرم وفي الملازيم رجال=ماقلتها لو هي على قطع راسي
يا بن الكرام ويا بن ذربين الافعال=يا رمز بيت ساد مجده وناسي
بيت لكم ناست سنينه ولا زال=ارسوم مجده راسخات رواسي
بيت ذكر مجده تواريخ الاجيال=منه الزعيم ومنه حنك اسياسي
ومنه نهار الكون للعمر بذال=ومنه الاديب الفاهم الدبلوماسي
ومن عادها بالرمح رجلي وخيال=تقود قوم في المعارك قواسي
قوم على نوش المعادين دهال=بظهور عوص مزمنات العناسي
ياما شعب من هجمت دونها حال=مسود ديجور الدجا والغلاسي
وكم قرب من نازح دونه الال =خبن وجنه مبعدات الماسي
وكم قطعوهن فرجة الخوف زرفال=وكم بلمن وهروجهم بالهماسي
وكم جيد جاله من الغد ولوال=عقب التبسم بدل الضحك ياسي
الى عدن يشدن مقاسيم الاجال=لاجن مرتكب الخطا والماسي
ماعاد له من شافع كون الاعمال=لو قال قول اللي من الحق ناسي
يا شيخ هاذولا الى قلت الابطال=يوم العنايا والمنايا تقاسي
الي لهم في تالي الجيش محوال=لا اقفن خفيفات المزاهب اكداسي
وذولا هلك وانت الخلف وانت الامال=شعب خذا منك الدليل اغتباسي
وبالعون يا زايد مسميك ما عال= يا زايد الامه بعدل امواسي
سويت حق للارمال والاطفال= وفكيت اسر امكتفين الافلاسي
وبنيت دور العلم والعلم مدخال=سبل الحياة ونور ظلم الاعماسي
ودربت جيش في وغا الهوش كتال=اذعار من في هام راسه انحاسي
جيش شعاره شارة الموت في الحال=كله ولا القدر المقدس يداسي
والدار في عصرك لها نور واقبال=اقبال عذرى في ليالي العراسي
شقرا فتاة حذفت رث الاسمال=ولبست من المطوى اجداد المكاسي
وردية ورد عليه الندى سال=وعلمك بلون الورد والعصر ماسي
ويا بوخليفة عمر الايام لو طال=العمر فيها شبه غفوة انعاسي
والخلق فيها بين نازل ورحال=ويبقى الجميل الي غرسته غراسي
يبقى الجميل بجيد الذات والخال=واما الملفق مال بحره اقياسي
خوى الرخا يا شيخ لو قال ما قال=في الضيق ما تلقا خوى الدهاسي
عمر الصبخ ما صار به في وظلال=الملح ملح وما لقاعه مساسي

[عبدالله النعيمي]

في مدح الأمير محمد بن عبد العزيز بن عبد الرحمن آل سعود رحمه الله


عفا الله من عين تزايد هجيلها=وكبد لحاها الوجد يا عزتي لها
ونفس تقزيني على كلحزة=مثل الطموح اللي معيف حليلها
تجملت واخفيت السراير من العدى=ولحا الله دنياما توفي جميلها
دهتني بغاراتن على سر غفلة=وخذتني بقومن ما يذكر عقليها
دعتنيمشيحن بالمناضيم مولع=احب المثايل دائما وانتحى لها
اون حزن الصوت في ليلةالدجى=كما ونة المصغر بتالي عويلها
تداحم عباري في ضميري وتختلج =ودائي بنفسيوالعنا مستشيلها
ومعاني بيوت القاف بالصدر كنها=وردن على حوض تداحمضويلها
تخالف وتخلفني مقاصيد عنوها=كما تخلف الفرجة روابع دليلها
حداها ضليعالوجد من قاصى الحشا=وقلب عليه من الملايل طويلها
وعين قزت من لذة النومواصبحت=كما مزنة غرا حقوق مخيلها
ولا عاد في ما قدر الله حيله=ولا ينفع المخلوقنفس يبيلها
ولا ترفع الشكوى على غير طيب=معيد على شيل الثقيلة عميلها
كما حزةالضيقة الى قيل ردها=له الطيب الي عادته ينثني لها
جملها الى كبرت وثقلتوعومست=هل الراي وأعيت في النظر من يحيلها
حامي عقاب الحاينة لا غتشىالسماء=سحاب المثلوث والمشكوك مخيلها
ملاذى ومقصودى وذخري محمد= وجه الوجيه الليتذري دخليها
هل الجاني المجرم هل العطف والصخا=هل الجيرة اللي ما تخيبنزيلها
يا ولد سلطان الحرم معدن الكرم=عزوة هل العوجا وعنزة ثقيلها
جميلالنبا يا شيخ والذكر قادني=مع هقوتي بك يا منجي هزيلها
لجواد ذخر الروح فيالقالة اللتي=كودن على ولد الردي يعتبيلها
والاجواد للمظهر وصف الذي ورد=جبا عيلمعدن برادن مقيلها
والاجواد في البلوى ملاذن من البلاء=ملاذن ومن بعد المدى ينعنيلها
ولو اني على ساوي تعنيت انا صوبك=على حايلن يطوي الخريمة هذيلها
عمليةن شفالغوى بنت حرة= بعيد المدى لازرفلت ينطوي لها
صبور على المسرى جلود علىالقسى=معيدن على الشطة على ما يجي لها
تبوج الفضا لاصلب القيظ واحتمي=هجيرالفيافي وامرع الماء صميلها
تخازر بعين بالتواصيف كنها=عين الهنوف الي تخازرخليلها
لكن دونك يا ذرى الجار عاقني=عضيل النيا حمل كتوفي عضيلها
على رسم خطنهبه النود واختفى=ظلماء ولا ادري من ضحاها وليلها
على اثار خلان الصفا منقعالوفاء=عربان ونجوع تقافا رحيلها
تقافوا وخلوني مع ضول غلمة=ومعهم على عسرالليالي وميلها
فلا همني دنيا ولا حسني بها=سوى ديرةن ذهبوا مناعيرجيلها
دعتني احد النفس في مسلك العنا=يا سول نفس ثقل الاسر ميلها
فلوا عنوامقصودي سنع عيشه الغنى=تغانيت من يمنى كثير قليلها
ولكنني لو جدت ما ابريتذمة=عليها ديون ما يسادي كفيلها
ولا دين الا دين من ورثه العلا=ان كان له نفسطناها يشيلها
وانا فيك بالرجوا كما راجي الحيا=وسمن على صلبن نشاشن غميلها
انجدت فإن الجود لك سلم مذهب= والعود فرع من مغارس أصيلها
وان شح حظي ما شنيتك ولابعد=بازهم سوى اللي للاذايا يزيلها
الهي ومعبودي تعالى وخالقي=الخير اللي رحمته نرتجي لها

[عبدالله النعيمي]

والله لو باطيع قلبي وبرضيه=لا لا حي السرحان واعول عويله
واعدى المرقاب وارقا ابعاليه=واهيض اللي ما وطا الحزن ليله
واذكر المجروح ما كان ناسيه=جرح على غاليه ولا خليله
واجيب دمع جرح الخد جاريه=قد له ليالي مايوني هميله
بين الرجا والياس طالت لياليه=ومن بات مقطوع الرجا عزتي له
يا عين هاتي غالي الدمع هاتيه=هاتي غزير الدمع واسخي هجيله
كل على غالي يبيح بخافيه =لو كان ماله في المقادير حيله
لو كان كثر النوح ما هو بمحيه= النوح للمجروح يشفي غليله
يا عين وين اللي عليه المشاريه=اللي بفيه للمسير ظليله
بيت رفيع شامخات مبانيه=وخطار من شتى النحايا تجي له
مجالسه تزها من الزل غاليه=زهو الربيع ابنبت خطوى مسيلة
وراعيه من فوق الحراوي هقاوية=زبون حيد ثقل العسر ميله
وكم خير من طالب الدين يذريه= بالحوش من عقر البعيد ايعني له
واليا نصاه بغالي المال يفديه= وبالحال لاكبرت عليه العضيلة
غربت منه ناوي بارجع اتيه=واليا دعاني داعيه بنثني له
وعودت جيته وارفع الصوت وادعيه=وما شفت له من ساكن الحي زيلة
ابو مهنا ريف جاره وعانيه= ياقل من في الناس ياتي مثيله
ووكاد في اصله رجال تساويه= ويا شوفت الله وين راشد وجيله
دوجت في ديرانهم دوجة التيه=وعزي لمن تاهت روابع دليله
ياولله اللي فارق الحي من فيه=فرقا بها ما عاد تنفع وسيلة
وعزى لمثلي بيح الوجد خافيه=وجد على نجع تقافا رحيله
علمي بهم حي وساع نواحيه=اعيال عم كلهم من قبيلة
هذا ولد عمه وهذا ابنا اخيه=وهذا خوي في العرب ينتمي له
ربعه وهم بده ومن هم مباديه=خطلان الايدي في السنين المحيله
حق علينا سلمهم ما نخليه=وحنا باثرهم لو خطاهم طويله
وجدي عليهم وجد من مات غاليه=عقبه لذيذ النوم عيا يجي له
يدله شوي وباقي الوقت تبكيه=ذكراه بأيام مضت له جميله
يذكر امود له قريب مصافيه=امه وابوه الي صغير يشيله
او وجد من طالت ليالي مساريه=وامسى على صغو مشاش ثميله
في كنة المرزم حيام ضواميه=ذود مجاهيم خطاها ثقيلة
وده بورد العد والعد حاميه=حماية المظهور يوم الوهيلة
او وجد تفاق غدر به معاديه=خذوه بالغرات غدرن ادغيلة
جاله من الساقه غريم محافيه=ولزه بمفتوقن جروحه قتيله
غروه خوان العهد واسرقوا فيه= ويا ويل من رب البرايا كفيله
او وجد زراعن وطا السيل واديه= سيل عقب سيل حقوق مخيله
سيل جرف من عاتي الزرع عاصيه= شله ودمر ما غرس من فسيلة
وامسى يفكر بين حاضر وماضيه=واصبح يدور للوهد من يعيله
عليك ياشلال خلي ورافيه=يا بوي يا يمناي وين اغدى له
تركني على الدنيا وحيدن وأحاتيه=واسرار غاياته علي مستحيلة
عديت انا منه ومني معديه=القبر ليت القبر يأخذ بديله
وليته يشاكيني بهمه واشاكيه=وينهي ويامرني على ما يبي له
واطيع طاعة خادم البيت واليه=واجعل له النفس العزيزه ذليلة
ويالله ياللي له نصلي ونرجيه=يا عالم باسرار من يشتكي له
يا من عليه الرزق والكون بيديه=يا با العنايا والعطايا الجزيلة
ودعتك اللي في جوارك مخليه=بحماك يا حامي الوفا والفضيله
ارحم عزيز بالمعزه امضريه=ولولاك مالحق القرايب بنيله

[عبدالله النعيمي]

محمد بن راشد يسند على اخيه عرار بن عمير النعيمي والد الشاعر شبيب بن عرار الرمزاني

يا عرار يا بن عمير يامكرم الضيف= للحق والانصاف هاك اعترافي
اشهد شهاده لا مخافة ولا زيف=ان كثر مثلك ما علينا خلافي
يا بعد شبحك من اشبوح المقاصيف= قصار النظر واهل النفوس الضعافي
ويا بو عمير البارحة دك بي طيف= طيف سرى بي يم ذيك الفيافي
يم الوطن يم الاهل والمعاريف=ربعن لخطار المنارة ملافي
فخري وهم ذخري الا مسنى حيف=ربعي بني عمي مناجد أكتافي
رجالن تعد أفعالهم بالمواقيف=من عصر لول والسنين العجافي
امجادهم ما تنحصي بالتواصيف= ورجالهم في سلم الاجواد وافي
ويا بوعمير ان سلت عن حالتي كيف= إللي بحالي من عنا الوقت كافي
حالي كما حال أسعرن حاله صخيف=عوقه خطير ومال عوقه مشافي
قلبي يحب البر ما حب انا السيف=ومن المسلح صاب قلبي شعافي
احب روض ينبت السدر والريف= احب ذا يا عرار بين و خافي
واحب ونات القلوب المواليف=واحب صوت الورق والجو صافي
احب ذا واحب روس المشاريف=واحب من في باطن الارض غافي
أحبه وابيه وحال دونه صواديف=ومني خذاه الموت ما راح جافي
جعل الحيا يا عرار في الوسم والصيف=يسقي مرابيع وطاها الجفافي
منازل كانت لها ماضي شيف= واليوم هي رسم ذرته السوافي
مداهيل غزلان ترب الطفا طيف=غدران ريضان الرياض النظافي
سود العيون مضمرات السراجيف=قد عانسن برد الشتا والهيافي
بنات بدو يبكلن المشانيف= والخرج والساحة جواد السنافي
وخوات من يوم الوغى يروى السيف= لعيون من قرنه على المتن ظافي
وبنات من يثنى خلاف المواجيف= حامي عقاب الحاينات الحوافي
مشروبهن من در صهبن مشاعيف=در العطوف اللي من الديد دافي
ما صنفوا نوعه هل السوق تصنيف = وما حط رسمه في المجلة صحافي
وماكولهن حمل العياد المهاديف=شقر العذوق اللي قموعه صخافي
ماريته لو تتركه كشف ماحيف=قرى الطروش المنتوين الخفافي

[عبدالله النعيمي]

قالها الشاعر ردا على شاهين بن سعد العماري



يا هلا ما هزت النكبا فنود=ومرحبا ما ناح قمري الحمام
او عدد وحساب ذرات النفود=او عدد ما هل وبل من غمام
ألف ارحب وألف أهلي وألف ازود=بالف ترحيب والفين احترام
بالنضا وأهل النضا ورع وعود=وبالكتاب اللي هشم قلبي هشام
به شقاي وبه عناي وبه وجود=قلب مصيوبن شكا لي مستهام
فرحتي به ضجة بين القعود=من علو الراس الى حد البهام
قمت افكر واتذكر ثم اعود=واتوسل رافع السبع العظام
يرحم اللي بين منقوض اللحود=جاثمن في قاعة القبر الهيام
من سبب خشف المها ظافي الجعود=فوق متنه كنها ريش النعام
ويا نديبي دن قطاع الفدود=درعين يقطع فدافيد الخرام
واسمع الزغنين مبروم العضود =من ضنا ظبيان مرعوب همام
لاب لاركبي ولا شال الطرود=لا ولا وقف مع الجالب يسام
في الوسامي راتعن من كل عود=وان تردا الوقت زيد بالطعام
لين ساوا الحجز طفاح اللهود=والرحل عداه منبوز السنام
عيدهين لازمه رد الردود=زاهب بالشد لارد الولام
ومن على اللي ما يجي بالهود كود=كون تقبضه الصريمة والخطام
انحر الي فايضه يروي الورود=جال عد يروي الطرش الحيام
كامل الشارات عندي له شهود=في المروة والمخوة والمقام
واسع النوهات ما هوب معقود=والوفا والحلم من طبع الكرام
مثل صبار النضا حيد جلود=في النوايب لاغدا كرب الحزام
بن سعد شاهين مشفاقن ودود =تفرحك لقواه من قبل السلام
يشتكي لي من هوى طفل عنود=والعنا والحب في زرق الوشام
يشتكي ويقول ما فاد الكمود=صار طبي لي تعاويس وعدام
والهوى يا هل الهوى شيء يكود=ياسر الصنديد ويذل الهمام
ياسر الصنديد ويهين الفهود=واشهد ان راعي المودة ما يلام
فازعن له جيت فزعت الجنود=من بني عم يفكون الجهام
لابتي لي مثل سيف ومغمود=ولابغيت السيف سليته اشمام
ولابتي ذخري مثل عيطا سنود=من عناها في حماها ما يظام
واصلينه واصلينه بالحشود=لين ناخذ صاحبه عزرا عسام
وبا اشتكي له من جفا ترف الخدود=ذا رموشن كنها روس السهام
لا شبحني غبت من كل الوجود= وان شبحته همت في بحر الغرام
كني المجنون مهبول اذود=قلبي اللي ما سمع كثر الملام
في وليف سن بي سنة يهود= لا يخاف الله ولا يدرا الاثام
جاهل ومشوهة وأيضا حقود=وايني به مبتلي عشرين عام
ذي سواته ذي صفاته ذي وزود=ون عذلته زاد سرفن يا سلام
كم شكيت وكم بكيت وكم أرود=باب بيته في حلومي والمنام
اهتوي له في فوادي كل فود=واعتني بعنايته دوم الدوام
والحبيب مترس ولمه بعود=مخلف بي من صلاتي والصيام

[عبدالله النعيمي]

يا ركب يا مترحلين رحايل= علا كيم كومن كاالعياد نحايل
حراير تطوي الفيافي متونها=امناك يا ناوي تزور الخلايل
وساع مرافقهن جلال عضودهن=بتر الفخوذ مربعات ثمايل
هضع الرقاب وغرب ياكن وصفها=عكف السيوف المدبحات سلايل
سخاف المذارع ناحلات من العنا=ومن كثر سوباع الصفر والقوايل
قد عانسن سواج بالسير والسرا=وليل عنا برده ضرير وهايل
خذن في ربيع الحبل ستين ليلة=في جود وسمي قفته مخايل
لاظمها الراعي ولا صاعها الفحل=ترعا زماليق الحيا والجلايل
لين اتسن لي واستون لي على الهوى=وبدا لازم ما عنه عذر وحايل
ركبوهن اللي ضارين على الخلا= مداغيش ربع وافين الخصايل
ويا ركب عوجوا بالنضا وقم ساعة= با قوم واكتب للعسيري مثايل
ومن عقب ذا ياركب بامانة الذي=ما غير حكمه طايلن كل طايل
تنحروا بيت الوفا مبعد الجفا=بيت الثنا والحمد من عصر وايل
والى لفيتوا وجه ربعه ودنوته=الحيد شيال الحمول الثقايل
والله ما لومه ولا نيب ناقده= يومه يسب الوقت ويقول مايل
ويقول لي يا فلان لجواد كملوا=وما عاد من لجواد الا القلايل
ذهبوا يا بن راشد مناعير وقتنا= وقبورهم بين النصايب نثايل
لكنني با قول يا كاسب الثنا=ماحن يا شاهين الا قبايل
ومالطيب الا كاالسلف عند صاحبه=ولا ذخر الا في عيال حمايل
لحا الله من لا ينفع الطيب عنده=ومن لا يجازي بالحسان الجمايل
والى شفت في لجواد تاتي خلايفن=ترا كل تمر فيه حشوا ودايل
وذي رادة الله ربنا جل شانه=فكر بخلقه يا العسيري وخايل
لو كان من راد العلا يدرك العلا=كان المناوي كسبت كل فايل
ولولا ردي وجيدن بان فعله=ما كان بين الناس فرق ونفايل
رجل كما نجم تقدا به السرا=بر وبحر للسرا بالنوايل
عقاد راي الوفد لاجات حجة=حبال ما تغبي عليه الحبايل
ورجل طويل الباع قد هو مجربن=عطاياه من مد الولي جزايل
حماي في ثار ابن عمه وجيرته=يامن به الوالي عروض الحلايل
ورجل يحب المال والمال همته=وهوايته لم الذهب والحوايل
لا لذ له زادن ولا لذ له كرا=ولا يدري ان المال والعمر زايل
ورجل ضعيف القلب ما فيه حيلة=لا هام قدر ولا بد عنه سايل
همه هبابه عند مشطه وذروته=وهذا نعده من بنات العوايل
ورجل تسنعه المره عند شورها=وتحاكمه ظلم بليا دلايل
وتعاتب المسكين بامه ووالده=وتعيله لو كان ما هوب عايل
ويا بن سعد ما نيب قفاي ساقة=ذي قسمة اللي خصهم بالفضايل
فضل مرازقهم وحدد عمارهم= وكل حسابه بالعمل والفعايل

[عبدالله النعيمي]

مرثية الشاعر في صديقه شاهين بن سعد العماري



يا حي يا معلن عن الحال بعلوم= منك طعوني بين الاضلاع هاوين
أمر أجراه الله يا حي مقسوم=وبما قسم رب المخاليق راضين
يا عين نوحي لا تغضين بالنوم=نوحي ومن كثر البكاء لا تونين
اقطعك يا علم لفـا تالي اليوم=لا عاد علم السو فرقا المحبين
مرحوم مرحوم مرحوم=مرحوم يا شيال حمل المخلين
يا بيض ما يخفا على الله مكتوم=انحا قمرنا واختفا نوره الزين
ويا بيض نوحن بالعزاء وحزن(ن) دوم=وعليه جدد(ن) العزاء يا مزاين
وكاد في الدنيا مناعير وقروم=لاكن ما كل المناعير شاهين
يا والله الي حط في القبر شغموم=اشهد ويشهد نازح الناس الاقصين
ما ينجحد طيب وله ساس ورسوم= وفعايل حنا بها مستقرين
غيره الي جابوا ملاين وارقوم=صاروا انذال الناس بالمال طاغين
ومال بلا عز على صاحبه لوم=حتيش لو هم مالكين الملاين
وان كان في شرع العرب حق واسلوم=والناس باللي يفعل الطيب دارين
انا اشهد انه راعي الطيب مفهوم=وعندي على قولي شهود وبراهين
الى نزل حي غد الحي ما سوم=كن الدهر ما مر به سبحة سنين
وبيته لهاشال الخلا دائم الدوم=منصا الغريب ومدهل الربع الادنين
وخلاف ذا يا عزوتي يا حمد قوم=دن الحسين اللي زها كامل الزين
لونه زها زل على السيت منظوم= احمر خضر يعطي على الشمس لونين
فرد مسيره نوس كاالقوس مظموم= يلحق خفوق مقلمات الشياهين
من جوبة الثقبة ضحى اليوم ملزوم=بوصول ربع لي اعزاز وغالين
والى لفيت بنزل ذباحت الكوم=ربع على كبار الظواهر محامين
الأدم عمار ذرا كل مظيوم=جمال الحمول اللي على العسر قاسين
اعط الكتاب اللي بفحواه معلوم= احمد بن مبارك مراد المعنين
وقل له مهيضني هواجيس وهموم= وابغي اتصبر مير صبري الى وين
بيح عزا صدري عزا وجد مهضوم= عين تهل الدمع والناس غافين
وانا صاحبي يا احمد باذا الوقت معدوم= ليته يشوف وينظر الحال بالعين
حالي غدا من صرف الايام مزحوم= من سبة الخلان في حالة الشين
احسبت حظي في المناعير بيدوم=واحسبت كل الناس بالعهد وافين
اثر العرب فيهم مناعير ورخوم=واثر العرب فيهم سفيه ومسكين
واثر العرب فيهم شماميت وخصوم=ياتون بالحيله سوات الشياطين
اخترت بعد الدار نوهات واعزوم=وريحت نفسي يوم صاروا بعيدين
ولا حلل الله خلبة قربهم شوم=مثل الدهر ما ينصف الحق يومين

[عبدالله النعيمي]

الشاعر يرثي صديقه سعدون بن مزيد الشمري

اليوم ضيق وكن بي زيغ وجنون=وان قيل لي اثبت قلت ما بي وثانه
خلوني ارفع عالي الصوت تكفون= كوده يهون من الفواد خفقانه
بي ونة الخنساء على ما يعدون= وبي حنة البكر الصخيف الظمانه
وبي الفراق اللي به الناس يدعون= الله لا يطول علينا زمانه
فرقا الصديق وهم واحزان وشطون وقلب تولاه الوله واستهانه
يا ونتي ونة ضعيف ومسجون=جرمه كبير وراعي الحكم دانه
ماله بني عم عن الحق يدون=ولا حلال يا خذونه ظمانه
وبي وجد من ضربة جواده ضحى الكون=في مدقل البارود والدم حانه
حالوا عليه اللي لهم ثار وديون=وما عاد في صد الخصيم استعانه
عليك يا اللي لي صديق ومظنون= اللي ملكني بالجمايل احسانه
في حفظ من له في جملة الناس يرجون= وبوداعه الله يا حبيبي وامانه
يا وجد حالي عقب فرقاك بلعون= شفت العوض عقبك قلال الفطانه
ناس بطول أيامهم ما يهرجون= الا على طاري الردي والعفانه
مثل النجس لاقارب الكلب ما عون= احق ما يلزم عليك غسلانه
وان كان في حب الهوى شك وظنون= وان كان حب البيض حب حبانه
وان كان قلب في هوى البيض مفتون= متولع باللي رهاف ثمانه
قلبي هواه اللي على الجار يثنون= اهل المروءة والشرف والديانه
واكره مخوة واحد نظرته دون= واعدها في حق نفسي خيانه
قرب الردي كالمشتري سلعة الهون=وخسران من حط الردى له خزنه
واحب رجل لا هرج ليه ما زون=وافخر بصامل هرجته واتزانه
وان قيل من هو قلت من له يدينون=ربع تحلوا بالذكاء والذهانه
حليف الوفا ريف المواجيف سعدون=حرا على العليا رفيع مكانه
المحتسي للمرجله كار وفنون= ما هوب فن مسجل الاسطوانه
فنه الى جاء له بني عم يبغون=منه الذرا والذاهبة في ظمانه
يفدي العزيز وغالي المال من دون= ربعه ويصدق ما نطق به لسانه
بالوعد ماثوق وبالعهد مضمون=ما ينثني عزمه وسيع بطانه
وفنه دلال كالزمرد لها لون= شقراء وبيضاء كانها القحويانه
تعبا الخطار من البعد ينصون= بيت على المشراف فوق الطمانه
راعيه من جده ورث قدر وديون=ونفس على جل الخساير معانه
وفنه هوى طفل من العيب مصيون= قريبة له بنت عمة اخوانه
غرنوق غصن في ذرى الظل مكنون= خطر عليه الى هب النسيم اميلانه
فيها من الريم العفر عنق وعيون=وخد كما برق الخريف المعانه
حديثها يغني عن الزاد ويكون=طب لقلب مزعته الحنانه

[عبدالله النعيمي]

عندما راى شاعرنا البرق تجاه دولة قطر نظم قصيدة قال فيها :


الليل طـال ونـوم عينـي جفاهـا=وعزي العين ٍ نقض الهجـر داهـا

تسعين ليل ٍ حاربـت لـذة الكـرى=وعشرين عام حاربت مـن نهاهـا

امست مع الذكرى على بارق ٍ سرى=باطـراف غـرى مدلهـم ٍ سماهـا

اخيله من الدوحه جنـوب ٍ مغـرب=و شمال ٍ الى الجوان جوده غشاهـا

سالت به الوديان والصلب والوطـى=والحجر ريضانـه تعـدت املاهـا

منازل بني عمـي عشايـر قبيلتـي=لعـل وبـل الديـم يـروي ثراهـا

دار ٍ لها من سالف العصـر ذمـه=زبن اللهيف وريف ضيـف ٍ لفاهـا

والى وزاهـا خيـر ٍ ضـده النيـا=حاديه مـن ضيـم الليالـي قساهـا

يلقى بها الا جواد فعـل ٍ ومنسـب=حمايلـن تـدرا القبايـل زراهــا

حما يل ٍ شرع القبايـل اسلومهـم=عزاز النفوس اللي جزيل ٍ سخاهـا

رجالهم رمز الملازيـم خيـر ن= هل الكـار الا ول عادتـه مانسـاهـا

كريم ٍ الى زرته وفي ٍ الـى انتـزح=ويمناه لو تملـك حـدوج ٍ عطاهـا

لجواد هم لجواد لـو قـل وجدهـم=والا جواد ماتحصي مثايـل وفاهـا

كم قيل في الا جواد من سالف الثنا=فنيـو ا اهلهـا والمعالـم نـراهـا

لجواد وصفو بنـدر ٍ وسـط غبـه=والا نذال ضيـح ٍ مايـذري ذراهـا

ولجواد ذخر الروح في حومة الوغى=ستر الفروع اللي عليهـم رجاهـا

يفدون غالي الروح في شان كلمـه=توفي بها بنـت العشيـره امراهـا

يالله يـارب السمـا عالـم الخفـا=يامنـزل سبـع ٍ وسبـع ٍ بنـاهـا

يـارب لا تكشـف للاجـواد غـره=ولا تلحـق الانـذال غايـة مناهـا

[قديم الشوق]

سيرة عطرة لشاعر علم ورمز شعري مبدع

وقصائد خالدة حملت جميع المعاني السامية بالإضافة إلى الجزالة في اللفظ والقوة في المعنى

وترواحت بين الحنين وبكاء الأطلال وتواجد فيها المديح بقوة ولم تخلو من الوجد والتوجد

رحم الله الشاعر الفحل / محمد بن راشد النعيمي وغفر له وتجاوز عنه

وجمعنا به في جنات عدن ٍ عند مليك مقتدر

أشكرك مشرفنا القدير على إيراد هذه السيرة العذبة الخالدة

الله يعطيك الف عاااافية

وتقبل فااائق تقديري واحترامي

[عبدالله النعيمي]

العفو طال عمرك .

[نداء الذات]

بارك الله فيك
والف شكر

دمت بخير

[بسكوته]

وكانت وكان مراحها مرح وعمـوم=وسكانهـا سمـح الوجيـه المفاليـح
أهل الصحون اللي بها غصب الكوم=ومجالـس مـا غلقـت بالمفاتـيـح
هم الند يوم الضد له نـد وخصـوم=وهم العد لى قل الثمد والنضاضيـح
نعيميـة لاسلافهـم مجـد ورسـوم=على ماض التاريخ بيض مواضيـح
لأهل الذكا علم حـوى درس دبلـوم=ولأهل الثنا غرق صعيب المشاويـح
ربعك إلى حلت بالاوطـان مقسـوم=لي ثقل المحزم عـروض المشابيـح
يوم الهدايا ضربهـا كـز ولطـوم=هدف السيوف المرهفـات المدابيـح
ويوم العمار بسوقها يطـرح السـوم=ودلالها ينخى هل الـزود ويصيـح\\

سلم الايادي
ويعطيك العافية

[بروق السحايب]

حار النظر يا دار من به تظنيـن=ظن الجميل اللـي مـرادك تبينـه

اللي يثمن حـق شكـواك ويعيـن=ويفك عقل من عضـودي متينـه

قالت حمد ما غير زبن المخيفيـن=هديب شيـال الحمـول الرزينـه

هذا الذي شادت بذكـره دياويـن=زبن اللهيف وريف خاطر زبينـه

هذا مصب نهور شـط الفراتيـن=ما هوب غرف بالدلـي والمكينـه

يصبح به الشرب المولى بساتيـن=ويخضر به روض نشاش عرينه

وعندي على قولي شهود وبراهين=ولا خير في قول سـراف يقينـه

...

..

.

عبدالله النعيمي

لك كل كلمات الشكر والتقدير على ما أتحفتنا به من سيرة عطرة لشاعر علم


.

.

تقبل مروري وتقديري

.