الشاعر والراوي القدير عبدالعزيز ال حمد العريني .. أقرب لاهنت [الأرشيف]

مشاهدة النسخة كاملة : الشاعر والراوي القدير عبدالعزيز ال حمد العريني .. أقرب لاهنت

محمد الأسمري

10-04-2006, 04:27 AM

سلام تسليمة وفاء من شاعرٍ علمه وكاد= للشاعر البطران والمعنى على سطح القمر
قم يالعريني وانت شاعر صيته ايطوف البلاد= الليل توه زان والمعنى على سطح القمر

محمد ال مهيد

11-04-2006, 12:26 AM

سلام تسليمة وفاء من شاعرٍ علمه وكاد
للشاعر البطران والمعنى على سطح القمر
قم يالعريني وانت شاعر صيته ايطوف البلاد
الليل توه زان والمعنى على سطح القمر

الله الله عليك يامحمد

بانتظار الشاعر عبد العزيز

سجلووووووو متابعتي

اخوك محمد

محمد الأسمري

11-04-2006, 02:39 AM

احب يا ال مهيد

صح بدنك

ولاهنت شاكر مرورك يالقمر

وين أبوسعود أبطاء ولا ضنتي عنده خبر

فهيد العامري

13-04-2006, 12:25 AM

تحياتي يا ابا حسن ..
واتمنى أن يكون اللقاء مليء بالمتعة والفائدة
نحن بانتظار الأديب العريني ...

ولكما أجمل التحايا !!!

محمد ال مهيد

13-04-2006, 01:06 AM

عطووه خبر لازلناا بالانتظار

صالح الشمري

08-05-2006, 04:29 PM

السلام عليكم

صح لسانك يالأسمري

وننتظر العريني يشعللها

وانا ابي اصفط بجنب ال مهيد
تروووني متابع بارك الله فيكم

عاشووووووو الشعار

عبدالعزيز ال حمد

25-05-2006, 05:54 PM

سلام تسليمة وفاء من شاعرٍ علمه وكاد= للشاعر البطران والمعنى على سطح القمر
قم يالعريني وانت شاعر صيته ايطوف البلاد= الليل توه زان والمعنى على سطح القمر
ياسلام ياسلام ياسلام
صححححححححححح لساااااااااااااانك ياشاعرنا
الكبير محمد الاسمري والمعذرة على التاخير
ماعندي خبر الا هل حين جعلك تسلم

لكن استلم طال عمرك

يامرحبا ترحيبتن تبعد عن العين الرقاد = ياشاعر الميدان والمعنى على سطح القمر
يالاسمري مابين وبينك صباح ولاهجاد = من ماضي الازمان والمعنى على سطح القمر

عبدالعزيز ال حمد

25-05-2006, 05:57 PM

بيض الله وجيكم جميعا يالنشاما على المرور والحقيقة المعذرة ثم المعذرة على التاخير
وانا بينت عذري ويشرفني اشوف الوجيه السفرة في هذه المحاورة وان شاء الله نجيب انا والشاعر المبدع محمد الاسمري ما ينال على رضاكم

لكم مني جزيل الشكر والتقدير

عبدالعزيز ال حمد

25-05-2006, 05:57 PM

محمد الأسمري

26-05-2006, 03:14 AM

لاهنت يا أبو سعود ووالله أن مافيك شك

انت أستاذ وكلنا نستفيد ونتعلم منك

لاهنت ولو انه راح وقتها ..

لكن عذر الرجال غيابها

وانت جيت .. وأستلم لاهنت

الك البقا يالشاعر اللي راح روحت قوم عاد = ياشاعر السبعان والمعنى على سطح القمر
قالولي انك شاعرٍ دايم تهيم بكل واد=تداحم الضلعان والمعنى على سطح القمر

عبدالعزيز ال حمد

26-05-2006, 10:09 PM

الاخ العزيزالشاعر الكبير محمد الاسمري
بيض الله وجهك على كلامك وردك الوافي
وانا لم اصل لهذه المرحلة التي وصفتني بها وانت قدها وقدود يالقرم
واستلم بيض الله وجهك

يالاسمري عندي علوم لك قديمات اجداد = تمشي مع الركبان والمعنى على سطح القمر
ياصاحبي نتبع مطيح السيل في وسط البلاد =وازاحم العربان والمعنى على سطح القمر

عبدالعزيز ال حمد

26-05-2006, 10:32 PM

والصف يالربع نبي حماس
الله لايهينكم

محمد الأسمري

27-05-2006, 02:38 AM

كفو كفو يالذرب

وانشهد انك تستاهل

أسلم .. وأستلم لاهنت

حي العلوم اللي تجينا من ضمير ومن فؤاد=اعجل بها يا فلان والمعنى على سطح القمر
واحذر مطيح السيل لا يرميك في عين السواد= أهل الفعول اتبان والمعنى على سطح القمر

عبدالعزيز ال حمد

27-05-2006, 02:57 AM

ياسلام ياسلام
صح لساااااااااااااانك اخي العزيز
وبيض الله وجهك يالنشمي
وماعليك زود
واستلم طال عمرك

قالو لي ان الربع يدفن داخلة ذات العماد = في داخل النقيان والمعنى على سطح القمر
ياصاحبي حنا طمعنا فالمطية والشداد = غصب على العدوان والمعنى على سطح القمر

محمد الأسمري

27-05-2006, 03:15 AM

طيب طيب

أستلم لاهنت

انته تناظر للبعيد ومنت سبقا الجياد=لا تزعل الفرسان والمعنى على سطح القمر
مطمعك ذا الليلة صعب وانته على قبرك تقاد= ياشاعر البدوان والمعنى على سطح القمر

عبدالعزيز ال حمد

27-05-2006, 03:28 AM

ههههههههههههههههههههههههههههه
ياسلام ياسلام
صح لسااااااااااااانك يابو حميد

واستلم استلم

الي يبي صيد العرب ياراعي الطالة يصاد = ترا السان احصان والمعنى على سطح القمر

ياكبرها ياعبرها دنيا العجايب والجهاد = صار الولد فسقان والمعنى على سطح القمر

محمد الأسمري

27-05-2006, 03:40 AM

:)

طيب طيب يا ابو سعود

اسمع لاهنت

راعي البساتين ابتلش والوقت زل ابلا حصاد=يا طالب الغفران والمعنى على سطح القمر
لو نلتفت لك يالعريني ضعت في وسط المزاد= لا تبخص الميزان والمعنى على سطح القمر

عبدالعزيز ال حمد

27-05-2006, 03:55 AM

ياسلام ياسلام

صح لسانك واستلم

يالاسمري حنا نعرف الحر ونعرف البراد = لاثور الدخان والمعنى على سطح القمر
بالك تهقوا فالجبال الثابته خل العناد = مير ادحر الشيطان والمعنى على سطح القمر

محمد بن دحيلان

27-05-2006, 03:57 AM

عبد العزيز ال حمد

محمد الاسمري

صحت ابدانكم متابعينكم

محمد الأسمري

27-05-2006, 04:09 AM

انت تعرف ولا تعرف وخذ كلامي بأعتماد= للبندقة نيشان والمعنى على سطح القمر

أسمع اسمع

انته مع أهل المعرفة ولا مع الهانم وداد=جاوب بلا نقصان والمعنى على سطح القمر

محمد الأسمري

27-05-2006, 04:11 AM

اررررحب يا بن دحيلان

والله ان ترحب يالقرم

حياك وحيا نباك ..

ايه تكفى بالصفوف

عبدالعزيز ال حمد

27-05-2006, 04:42 AM

طيب طيب

استلم استلم
ايا العقول الصاحيه وايا عقولٍ من جماد = ياماكل الجرفان والمعنى على سطح القمر

واستلم استلم
عقلك تأثر بالبرامج صرت من أسرة جراد = بين الغنم والضان والمعنى على سطح القمر

عبدالعزيز ال حمد

27-05-2006, 04:42 AM

ارحب يابو مطلق حياك الله تحية المطر وشرفنا حضورك

تحياتي لك

محمد الأسمري

27-05-2006, 04:55 AM

الله الله

اسمع أسمع

وين انت رايح يا ولد .. لا تنثر بعينك رماد= ضاعت بك القيفان والمعنى على سطح القمر
قلبك رعاعه يالسبيعي وقف بيوم الطراد=يا عود ابو دخان والمعنى على سطح القمر

عبدالعزيز ال حمد

27-05-2006, 05:01 AM

الله الله
طيب طيب

ترا الصباخ المالحة ما طلعت ورد وزباد = لو صابها الودان والمعنى على سطح القمر

صابتك فلونزا الطيور ولانفع فيك المضاد =منشور فيك اعلان والمعنى على سطح القمر

عبدالعزيز ال حمد

27-05-2006, 05:03 AM

عدد الأعضـــــاء الذي يتصفحون هذا الموضوع : 8 (3 عضـــــــو و 5 ضيف)
عبدالعزيز ال حمد, محمد الأسمري, محمد بن دحيلان

كل عضوا عن 1000 وكل ضيف عن 500 مئة

وش رايكم في كلامي يابو حميد ويابو مطلق
هههههههههههههههههههههههههههه

محمد الأسمري

27-05-2006, 05:08 AM

ههههههههههههههه

يجيب الله خير وانا أخوك ..

اجل ماعاد الا

صح لسانك يالوافي .. ابنام لي ساعة :) قبل الدوام .. <----- عز الله داومنا

أشهد أنك حزل واللعب معك نوماس

شاعر كبير .. وافتخر باني لعبت معه يوم من الأيام

دام عزك ولك كل التقدير

وشكري موصول لأبو مطلق على حضوره الغالي ..

ولمن تابعنا ولو بصمت

عبدالعزيز ال حمد

27-05-2006, 05:13 AM

بيض الله وجهك ياشاعرنا الكبير والفخر لي طال عمرك
والحقيقة اني استمتعت بالعب معك وانت من الرجال الي نعتز بمعرفتهم
واشكرك على اريحيتك وصفا نفسك ولاهنت لاهنت يالقرم
ولنا ان شاء الله لقاء ثاني

تحياتي وتقديري لك وللجميع

عبدالعزيز ال حمد

27-05-2006, 05:13 AM

عبدالعزيز ال حمد

27-05-2006, 05:20 AM

محمد الاسمري
سلام تسليمة وفاء من شاعرٍ علمه وكاد
للشاعر البطران والمعنى على سطح القمر
قم يالعريني وانت شاعر صيته ايطوف البلاد
الليل توه زان والمعنى على سطح القمر

عبدالعزيز ال حمد
يامرحبا ترحيبتن تبعد عـن العيـن الرقـاد
ياشاعر الميدان والمعنى على سطح القمـر
يالاسمري مابين وبينـك صبـاح ولاهجـاد
من ماضي الازمان والمعنى على سطح القمر

محمد الاسمري
الك البقا يالشاعر اللي راح روحت قوم عاد
ياشاعر السبعان والمعنى على سطح القمر
قالولي انك شاعرٍ دايـم تهيـم بكـل واد
تداحم الضلعان والمعنى على سطح القمـر

عبدالعزيز ال حمد
يالاسمري عندي علوم لك قديمـات اجـداد
تمشي مع الركبان والمعنى على سطح القمر
ياصاحبي نتبع مطيح السيل في وسط البلاد
وازاحم العربان والمعنى على سطح القمـر

محمد الاسمري
حي العلوم اللي تجينا من ضمير ومن فـؤاد
اعجل بها يا فلان والمعنى على سطح القمر
واحذر مطيح السيل لا يرميك في عين السواد
أهل الفعول اتبان والمعنى على سطح القمر

عبدالعزيز ال حمد
قالو لي ان الربع يدفـن داخلـة ذات العمـاد
في داخل النقيان والمعنى على سطـح القمـر
ياصاحبي حنـا طمعنـا فالمطيـة والشـداد
غصب على العدوان والمعنى على سطح القمر

محمد الاسمري
انته تناظر للبعيـد ومنـت سبقـا الجيـاد
لا تزعل الفرسان والمعنى على سطح القمر
مطمعك ذا الليلة صعب وانته على قبرك تقاد
ياشاعر البدوان والمعنى على سطح القمـر

عبدالعزيز ال حمد
الي يبي صيد العرب ياراعي الطالة يصـاد
ترا السان احصان والمعنى على سطح القمر
ياكبرها ياعبرها دنيـا العجايـب والجهـاد
صار الولد فسقان والمعنى على سطح القمر

محمد الاسمري
راعي البساتين ابتلش والوقت زل ابلا حصاد
يا طالب الغفران والمعنى على سطح القمـر
لو نلتفت لك يالعريني ضعت في وسط المزاد
لا تبخص الميزان والمعنى على سطح القمر

عبدالعزيز ال حمد
يالاسمري حنا نعرف الحر ونعرف البـراد
لاثور الدخان والمعنى على سطـح القمـر
بالك تهقوا فالجبـال الثابتـه خـل العنـاد
مير ادحر الشيطان والمعنى على سطح القمر

محمد الاسمري

انت تعرف ولا تعرف وخذ كلامي بأعتماد
للبندقة نيشان والمعنى على سطح القمر
أسمع اسمع

انته مع أهل المعرفة ولا مع الهانـم وداد
جاوب بلا نقصان والمعنى على سطح القمر

عبدالعزيز ال حمد
ايا العقول الصاحيه وايا عقولٍ مـن جمـاد
ياماكل الجرفان والمعنى على سطح القمـر
عقلك تأثر بالبرامج صرت من أسرة جراد
بين الغنم والضان والمعنى على سطح القمر

محمد الاسمري
وين انت رايح يا ولد .. لا تنثر بعينك رماد
ضاعت بك القيفان والمعنى على سطح القمر
قلبك رعاعه يالسبيعي وقف بيـوم الطـراد
يا عود ابو دخان والمعنى على سطح القمر

عبدالعزيز ال حمد
ترا الصباخ المالحة ما طلعت ورد وزبـاد
لو صابها الودان والمعنى على سطح القمر
صابتك فلونزا الطيور ولانفع فيك المضـاد
منشور فيك اعلان والمعنى على سطح القمر

تحياتي

محمد الأسمري

28-05-2006, 12:26 AM

تلم يمينك يالذرب

انشهد انك كفيت ووفيت

مجهود .. مميز

عوايدك الطيب ياراعيها

لك كل التقدير