وسام التميز لابيات من شعر اعضاء منتدى منابع

[جمال العتيبي]

http://galbk.jeeran.com/2004-07-13-124432.gif

اخواني/ اخواتي الاعزاء

هنا ابيات شعر لشعراء وشاعرات منتدانا استحقت وسام التميز

ونيابة عن ادارة المنابع

ساتولى وضع هذه الابيات في هذا الموضوع

اتمنى التوفيق في اختياراتي

ولكم جزيل الشكر


http://www.w6w.net/album/35/w6w20050420034328bae38661.gif

[جمال العتيبي]

بدر غازي

كنت أفكـــر فيك كيـف
......... اسكبــك وانســـاب فيك
آه يالـــــدرب الكفيــف
.........مــآت حلــمي في يديك
مارضيت إني اشوفه؟
......... الله لايرضــى عليــــــك

[جمال العتيبي]

خالد القحطاني

الوكاد المشاعر كاس والجـرح دلـّه
قهوني من جروحك سم مبغي دواك

واترك القلب عنّك قلبي في ذمة الله
مات مات وتكفّن واندفن في ثـراك

[جمال العتيبي]

سحايب دمع

على كثر الجروح اللي بقلبي وخافقـي مشتـاق
ضواني ليلـي وقلبـي تحـزّم ثـورة أشواقـه
_
صرخت بداخلي صرخه تلوذ الـروح بالأعمـاق
تموت الصرخة بجوفي وهـو غايـب بأعماقـه
_
تجول بخاطري كلمه تبـاري دمعـة الأحـداق
تغارق صوتي بدمعي بوقت(ن) جفّـت أحداقـه

[جمال العتيبي]

سعد المسعودي

بيني وبينـك سولـف القـال والقيـل

* * * لين أخلفوا بالقول بيني وبينـك

ناس ٍ هدفهم بـس قطـع المواصيـل

* * * هذا حصل واليوم ويني ووينك

صدقـت فينـا ناقلـيـن الزنابـيـل

* * * اللي تشيل الهرج ومتورسلينك

[جمال العتيبي]

شيخة الشيخات


أقصيتـنـي .. وقـرّبـت ( الأشـبــاح ) !
لـي مكرهـم بالخبـث .. ( مفـضـوح ) !!

وقلدتنـي .. مــن هـجـرك اوشــاح ..!
واسكنتـنـي .. مــن ويـلـي اسـفـوح !

وثـقـت لــي طـعـنـات .. الارمـــاح
وخلـيـتـنـي .. ( أون ) مــذبــوح ..!

[جمال العتيبي]

عايد المحلبي

انا والليـل والدمعـه ومـر الوقـت والأيـام
تعاهدنا نعيش اصحاب من صدك وهجرانـك

تماديتـي كثيـر ولا بقالـى فالغـرام احـلام
هدمتي كل حلـمٍ يفـرح الخاطـر بعنوانـك

حسافه فيك ضني خاب وانافي نظرتـي قـدام
خذلتي كل ضني لين طحت بحظـي اوزانـك

[جمال العتيبي]

نوض سدير

ضاع حلمي يا حبيبي في هواك وفـالغرام
ابتديـنـا بالمحـبـة وانتهيـنـا بـالـغـدر
بعد ما جازيت قلبي بالصـدود وبالمـلام
انتهت قصـة هوانـا واصبحـت هـم وكـدر
وانتهينا يا حبيبي واعذر اللي فيـك هـام
و انجرح قلب ٍ يـودك كـان لحلامـك مقـر
انتهى حلمي وباقي خافق ٍ أصبح حطـام
كم ضحكت من الطموح وكم كوانـي بالقهـر

[جمال العتيبي]

انكسارات النخيل


امر وانا بالطوع مانـي بمجبـور
لاجلك سحاب الود يهطـل بردهـا

معك حياتي كلها افراح وسـرور
والنفس نالت في غرامك سعدهـا

ان قلت احبك اسفرت دنيتي نـور
وان قلتها روحي تناسـت نكدهـا

[جمال العتيبي]

سعد العصيمي

بعد الخلاااف وبعد ضيقه بثر ضيقه
رسايل الشوق تمسح جرح الاعماقي

غنى لك القلـب واهتـزت معاليقـه
حزن وفرح واختلط حبري بالاوراقي

يا خذ بي الصوووت تغريبه وتشريقه
وأن قلت احبك ترى مخلفت ميثاقـي

[جمال العتيبي]

محمد الاسمري

مساء الورد والجوري وزهر الفل ووصالك
مساء الشوق للضمه.. مسا يعلن لك أشواقي
طرالي هاجس الذكرى بظلمة ليلي الحالك
وجيتك ناسي(ن) همي مشيت ولا أتعبت ساقي
خذتني نشوة أشواقي على شاط البحر جالك
وفليت العلوم اللي خفت لك داخل أعماقي

[جمال العتيبي]

خليل المطيري

ليه الألم يشعل من الحزن نيران
ليه الألم يظهر بـلاوي مخفـاه

ليه الألم دمعه شكت منه الأعيان
ليه الألم يرقد على القلب واضناه

ليه الألم جرحه من الهم مليـان
ليه الألم ما يعطي العلـم مبـداه

[جمال العتيبي]

بخيتان اليامي

فيه المديح أن صار للمدح سيـره
وفيه الرثاء لي فارق البيت غاليـه

وفيه الحماس أن ثار بالرأس غيره
لي جاء عدو الدين نبعـد هقاويـه

وفيه الوفاء أذا لفـا مـن نجيـره
وقومٍ بـلا جيـره حطبهـا تخليـه

وفيـه الـردود بقافيـه مستنيـره
تجاوب اللي مرسل القاف وش فيه

وفيـه العلـوم الطيبـه والمريـره
ويابخت من طيب المعاني تخاويـه

[جمال العتيبي]

دانة الجوف

ماكنت أصدق يوم تبعد اراضيك
..................وماكنت أصدق يوم افقد مزاحك
تركتني اشكي غيابك// وأبْكيـــك
.................. حرمتني قربك وصافي قراحك
تعال قلبي ماتعوّد يخليك
.................... وعيت عيوني لا تخلّي سراحك
تعال ضم أنفاس صدرٍ يناديك
....................تعال داويني وضمّد جراحك

[جمال العتيبي]

عبدالله حاشم الشمري

من يذكر الأرمله واطفالها ايتـام جـوع
ناموا وقاموا وهم تحـت انتظـار اليـدام
حسيت بي شي يشبههم ..وياهـو يلـوع
واغرقت حالي غضب في ملح بحر الملام
واستشهدت من وجع صدري قوافل جموع
وعزيت نفسي .. لأن :أصل العزا للكرام

[جمال العتيبي]

مقبل الهذيل السرحاني

بعض خلق الله تراها سالكه درب الدنـاءه
يهتني الها الكرى دام قلبي فـي احتـراق
ويشهد الله ماخذوا من خبثهم غير الاعاءه
لاهم اللي اكسبوني وارتضوا درب النفاق
جيتهم مدة يمينـي تملـي الدنيـا نقـاءه
مالقيت الا جحود ٍ تدعمه نيـة شقـاق

[جمال العتيبي]

ذعار بن محمد

بسـم الله ابـدا والليـالـي مدابـيـر
محصي البشر محصي الجبال الرواسي

هـذي قصيـده كاملـه للمناعـيـر
ان كـان للفرحـان ولا الدبـاااسـي

رفقة شرف بالطيب من دون تقصيـر
القـا بهـم لاشـك نومـاس راسـي

لازم حضوري يكون لاجيتهم " غير "
العب قوافي شعر " والعـب اساسـي

[جمال العتيبي]

متعب ال حشيان

وانا ابدوي(ن)تعزوى (ب) اعذبه واحتمـا=لاثار دخـان عدوانـي سطعـت وبديـت

اشرب قراح المشاعـر لاتنامـى الضمـا=واهـج بيبـان خفّّاقـي ولاقلـت لـيـت

مليـت اجامـل واعددهـا نجـوم السمـا=مليت اسامح وانا اللي من جروحي رويت

[جمال العتيبي]

ونين

دمعات عيني في المحاجر تونّي
ياليل ياويلي من الحب ويلاه

النفس ضاقت و الدموع ذرفنّي
محدٍ يسلّي القلب و الحال يبراه

يتّمني حبه.. نور وجهه حضنّي
والكل يهديبي مجوع ضراياه

الهم يقسى والفرح هاجرنّي
خذاه قبره مابقى غير هالآه

[جمال العتيبي]

مشعل العبدالله

تشرق الشمس وتغيب / ويشرق الحب ويجيـك
والمسافـة لهفتيـن / وخطوتـيـن ٍ تتبـعـك
ليلـة الفرحـة تغـنّـت بالـمـوده تحتـريـك
والغـلا نبـره تهـادت فـي رحابـة مسمعـك
تلبس البسمه مكانـي / وآقـف بدربـك ابيـك
والمَـح العشـق يتفجـر / يـا حلاتـه منبعـك
انتي أمّيَز بين ذيك / وبين ذيـك / وبيـن ذيـك
انتي اللي لامشيتي مـا سآلنـا مـن معـك..!!

[جمال العتيبي]

دموع الورد

في مبادئنا طقـوس ٍ واجمـل المبـدأ عفـاف
وفي جوارحنا خفوق ٍ ترجمت صدقـه حـروف


للبستانين السحايب تمحـي افصـول الجفـاف
وللمشاعر حس شاعر نبض من قلب ٍ عطـوف


وللتباشير النواظـر تحتضـن معنـى وقـاف
وللتفاسيـر المحانـي تحتويهـا دون خـوف


لو هـدب عينـي تمـرّد واستلـذ ّ الاعتـراف
بنكره واعلـن جمـوده واتحجـج بالوصـوف


رف ّ جفن وفز قلب ٍ ..واجه الـدرب التفـاف
والاحاسيس اغلبتني رغـم أسـوار الحلـوف

[جمال العتيبي]

سعود بادي

ذبل .. ورد الغـرام .. اللـي بصـدري .. قاعـه .. الخفـاق "
" ونشـف .. دم الليالـي .. مـن عنـى البـعـد .. وتحريـهـا
كفوفك .. يالسراب .. أضمت عـروق .. ويبسـت .. الأوراق "
" صحـى .. جمـر الحقيقـة .. والمشـاعـر .. وش يهديـهـا
عساني .. ماصغر .. بعيـنٍ لهـا ركـب الغـلا .. ..ينسـاق "
" يصبحهـا .. مــن الـشـوق .. وعبـيـره .. مايمسيـهـا
عساني .. من غروب .. الشمس .. اليمـا حـزت .. الاشـراق "
" بكونـة .. نجـمـةٍ .. تسـهـر .. ليالـيـة .. وتضويـهـا

[جمال العتيبي]

عبدالله بن راجس

لك في خفوقي ياحيا تـي مواريـد
.........ولك في عيونـي نظـرة واقعيـه

وانت السعاده والسعـاده مقاصيـد
..........اتعبت رجلي بين روحـه وجيـه

يا ما تعب منهـا رجـال صناديـد
..........من لوعة الحرمـان دايـم شقيـه

تعبت ابيّن لك عن الصـد واعيـد
..........وانا عزومي في وصالـك قويـه

[جمال العتيبي]

فيصل المريسي

احـبـك . اكـرهـك. ابغـيـك. كــذا ولا كــذا خـسـران
ولاجــلــك يـنـكـسـر قـلـبــي يـقـبــل ايــــد سـجـانــه
انـا اول مـن سكـن قلبـك وشيـد مـن غـلاك اوطـان
وانا اصـدق مـن عـرف قلبـك وخابـر كـل جدرانـه
الا مـنــي تغـربـتـك وصـــرت الاســــم والـعـنــوان
حـرام الحـب فـي غـيـرك واعـيـش بنـقـس عنـوانـه
بـرغـم البـعـد والـقـسـوه وشـــوق يـذبــح الـوجــدان
عـلـشـانـك ابـتـحـمـل عـــــذاب الـبــعــد واحــزانـــه

[جمال العتيبي]

فهد الدباسي

مثل نور(ن) ينبلـج بعـد الظـلام = و أثر نـوره هـو بدايـة سهرتـي


في بحر حبك أنـا عشـت الهيـام = و بـوجودك صرت احس بضحكتي


و عقبك أنتي انتهى عنـدي الكـلام = و صرت حاير في مسيـرة دنيتـي


إبـوجودك ارتقـي فـوق الغمـام = و ارتشف احلـى دقايـق سكرتـي


في عيونك كنت أسهـر ثـم أنـام = و كان طيفك من يخـاوي وحدتـي


كنت أبادلك احترامـك بـاحتـرام = و كنت أشوفك فتنتـي يـا قمرتـي

[جمال العتيبي]

يحيى ال بالحارث

ليتني ما قلت روحوا وخبّروها عـن هـواي
وليتني ما قلت بالله في (مساهـر)* حبّبوهـا
اااه لو عزّيت نفسي قبل ادور عـن شقـاي
يوم قالوا لـي (فلانـه) قلـت بالله غيروهـا
كنت احسب انها تدوّر بالمحبة عـن رضـاي
واحسب انها هاويتني يـوم اهلهـا خيّروهـا
يوم قالـوا لـي تبيـك قلـت هـذا مبتغـاي
علّموها كيف صارت وسـط قلبـي علّموهـا
وفهّموها شلون طبعي وكيف يفرق عن سواي
وحلّفوهـا مـا تخلينـي لحالـي حلّفـوهـا

[جمال العتيبي]

طالب الحربي

على ذاكـ الصـباح اللـي يسمــونه صبــاح النــور

أجــيه بليل ....ساكت والسـؤال يلمنـي حـيــــره !!

..
أجـيه \ وعمـري الباقي من ايامي.. 3 ..عـصــور

بعــلـم الغـيب (طبـعا) لكن انــي بانـحرق غــيره


..
تحايلت الزمــان \ وكل عثـــرات الزمـان دهـــور

أجـي للامـكنـه \ والامكنه \ غــنت بأسـاطيــره *

[جمال العتيبي]

عبد الرحمن سعد

ياللي سكنت القلب مـن دون"تحميـل
"متى"لموقعنـا"تـشـرف وتـاتــي
"عنوانكم"ماهوب"ياهو"و"هـتـمـيـل"
"عنوانكـم" روحـي وقلبـي وذاتـي
كم مرةٍ أرسلـت لـك عبر"الإيميـل"
وأدورك فـي "منتـداي" و"شـاتـي"
وأرسلت لك يازين"فيـلٍ "ورى"فيـل"
فيها الغلا والحـب يأغـلا أمنياتـي

[جمال العتيبي]

محمد بن مجدل

ألي سجـد لله علـى مرالازمـان
هذا حظيظ وراضين عنّه الـرب


والي عصي ربه ولاعنده ايمـان
هذا ضعيف وطول عمرة معـذب


القدس راحت والرياجيـل تنهـان
والشعب ضاع وكلها سبت العرّب

[جمال العتيبي]

http://www.arab7.com/up/file/1133894479517.jpg

[جمال العتيبي]

حنان ال فاضل

إن كان قصدك دمعتـي يـوم قفيـت
تـراه جرحـك قـال عنّـه تخـلـي

وان كان قصدك بيت شعري وما أبديت
ترى خفوقي ضاق فـي ثـوب كلـي

كم فوق صدر الشعر للضيـق غنيـت
وشقيت صدر الهـم وأطفيـت غلـي

يا صاحبي مثلي عن العيـب خطيـت
أنا حروفـي شمـس والنـور ظلـي

[جمال العتيبي]

سكون

مثل/ نجم السما ساهر على صدر السما مانعد

كــ/ذلك تشبـع غروري ويطرب للهوى كــــاسي


مثل / موج البحر طاغي على سطح البحر ممتــد

كذا شوقي هدر مره وغيــًب (حضرتي )وناســـــي


مثل /ذاك النسيم اللى يلامس من بهـــــاه الخـــد

مثل ماتحضـر بوقتٍ جفــافــه هدد اغــراســــي

[جمال العتيبي]

محمد ال مهيد

واذاترضى انا بارضا واذاعاندت انـا باقسـا
كفـايـه مـاجـرى مـنـك حـيـاه الــذل مابيـهـا



حـيـاة(ن) مابـهـا عــزه..الا ياعلـهـا تـخـسـا
اموت وعزتي عليا ولا ارضى من يوطيهـا



حسبتك للهوى شمعه .حسبتك .للوفـا مرسـا
ولكن للاسـف بانـت مـواري كنـت مخفيهـا

[جمال العتيبي]

باسم الباهلي

ولاتقـول انصحونـي ذاك أمـرا ًًُ نكيـر
دام قانـع بوضعـك وش يفـيـد الـكـلام
.

ولاتحـرّى عطايـا مــن يـديـن الفقـيـر
والبخيـل إن طلبتـه ماعطـاك اهتـمـام
.

صـح مابالمحبـة يـوم نعـشـق مشـيـر
لانـه القـلـب حـاكـم والقضـيـة غــرام
.

[جمال العتيبي]

الاخوه الاعزاء اتمنى ان اكون وفقت في اختياراتي

فالجميل كثير والرائع اكثر واعدكم بالاجتهاد اكثر

لانتقاء الجميل من باقي المشاركات للاخوه الشعراء والشاعرات


كل عمل لابد من وجود تقصير به ارجو مسامحتكم عن تقصيري

اخوكم

[ونين]

اخي جمال العتيبي

ابارك لك بالاشراف بما فيها من صعوبة

و اتمنى لك كل التوفيق يا رب

و الموضوع بأكمله جميل و يحث الشاعر على الابداع المتواصل

تحياتي

اختك ونين

[سعد المسعودي]

شاعرنا الراقي ومشرفنا القدير : جمال العتيبي

ألف مبروك لأدبيات منابع فيك !!

وألف مبروك لك بالإشراف !!

وألف شكر على جهودك الرائدة !!!

وكل عام وأنت بخير !!

أخوك الدائم : الحرالأشقر

[فهد الدباسي]

جمال العتيبي


ألف شكر لك على هذا الموضوع الجميل



اختيارات رائعة تشرفت بـ قراءتها


و تشرفت الـ منابع بـ احتوائها



لاهنت يا جمال

تقبل تحياتي

[مزون المحمد]

اختيارات مميزة لشعراء مميزين


شكراً لذائقتك الكريمة


جمال

لاهان حرفك الراقي


دمت بخير

[محمد ال مهيد]

الاخ الغالي جمال العتيبي

لك مني جزيل الشكر

على المجهوود الكبير

والاختيار الموفق

دمت بهذاا التاالق

اخوك محمد

[محمد الأسمري]

وافي يالوفي

لاهنت وانا اخوك على هالمجهود

والخير بقبالك

لك كل التقدير

[دانة الجوف]

جمال العتيبي


شعراء المنابع يستحقون فعلاً هذه الأوسمه


بكل جداره وإستحقاق ..

شكراً لهذا التتويج وشكراً لهذا الإنتقاء


الله يعطيك العافيه

[محمد الفرحان]

.

.

العزيز والغالي

جمال العتيبي

.

.

شكرا لهذا الجمال وهذا الإختيار والإنتقاء

لشعراء يندرج كل مايقدمون تحت مسمى

التميز وهذا حال كل شعراء ومبدعي المنابع

الأدبيه. .

.

.

دمت كماتحب وبإنتظار إكتمال هذه السلسله

.

.

تقبل فائق تقديري واحترامي

[إنكسارات النخيل]

جمال العتيبي

ألف شكر أخي الكريم

على هذا المجهود

الرائع الذي أسعدنا

كثيرا

وبالتوفيق الدائم أنشاء الله

[حنان آل فاضل]

جمال العتيبي

بارك الله فيك وفي جهودك

والف شكر لشخصك

وفكرك الواعي

دمت وافياا

[فواز المطيري]

جمـآل العتيبي .. //

جهود يآتي إليك الشكرُ من آجلها لـ يشـكرك ..

آختيارُ موفق ..
وذوقُ ُ رفيع ..
وآبيآتُ ُ حآزت على وسام منآبع ..

لآنهــا تستحـقُ ذلك ..


/


\


/







\

لك الود ..

[عبد الرحمن سعد]

أخوي جماااااااال
الف شكر على هذه الباقه الرائعه
من الابيات الشعريه الجميلة ذوق رائع وأختيار موفق
لك ودي وشكري

[التميميه]

ماشاء الله عليك

اختيارات جدا رائعه

وفكره حلوه

يعطيك العافيه يامشرفنا

[سعد العصيمي]

الغالي

جمال العتيبي

لاهنت يالغالي وبيض الله وجهك

اختيار جميل وموفق

يعطيك العافيه

دمت بخير

اخوك

[سعود بادي]

.
.
الرااائع / جمال العتيبي
مشاركه راقيه وموووضوع يستحق البقاء طويلاً هنا للإمانه
الف شكر لذوقك وحضووورك الجميل
.
.
.
.

[عادل السلطان]

ألف شكر لك على هذا الموضوع الجميل



اختيارات رائعة تشرفت بـ قراءتها


و تشرفت الـ منابع بـ احتوائها



لاهنت يا جمال

تقبل تحياتي

[يحيى ال بالحارث]

اخوي جمال


الف شكر على هالموضوع القيم وعلى هالمجهود الجبار


شكرا شكرا يا جمال

اختيار موفق من شاعر يعرف يختار

تحياتي لك

[سليمان العقيل]

شكراً لهذا التتويج وشكراً لهذا الإنتقاء


الله يعطيك العافيه

[إيمان السعيد]

رائع التميز شيئ جميل

دمتم بود

[مشاعل ابراهيم]

يســـــــــــــمح لي الاخ جمال العتيبي آخذ دوره واكمل الموضوع :)

[محمد الفرحان]

.

.

كملي يامشاعل وكلنا

متابعين . .

[مشاعل ابراهيم]

الشــــــاعرة الراااااائعه ليـــــــان



ورثت جزل الشعر وأطيب معانيـه=من شايبٍ مرحوم ماغـاب زولـه
الله يجيـره والله إنـه يجـازيـه=بالجنـه العظمـى يخلـي نزولـه

[مشاعل ابراهيم]

للشاعر الراااااائع علي الاسمري



عندنا حُكْم الشريعة..والسيوف المصرميـة=عندنـا الأمـان قرّ..وغيرنـا مايسْتـقـرّا
عندنا دمعة بحَر..بسمة غدير..اغصون حيّة=عندنا صحرا..وساحل..سهْل وجبالٍ..وبـرَّا
عندنا صيف الجنوب..وموجة الغربي شفيّة=والربيع اشمال شرقي والنّفَـل بالريـح ذرّا
عندنا أبها..يكْفي أبها تِرْجِع الكهلة صبيّـة=عندنا..وش عندنا..كل الجمال اللّـي يطـرّا

[محمد الفرحان]

.

.

كانوا هنا

.

.

عشت معهم احلى الذكريات

انا من دعاهم وتعامل معهم

تقاسمنا خبزة الحرف والقصيد

لم يعد سوى الذكرى الطيبة

.

.



لا ادري كيف جذبني الشوق

الى هذا المتصفح في هذا

الوقت بالذات . . .

.

.

ليتهم يعودون وتعود منابع كما

كانت وافضل . . .

.

.


من يكمل ؟

.

.

[ذكراك للأبد]

اقتباس:
المشاركة الأصلية كتبت بواسطة محمد الفرحان http://www.mnab3.com/vb/mnab3-anwar-design/images/buttons/viewpost.gif (http://www.mnab3.com/vb/showthread.php?p=271599#post271599)
.

.

كانوا هنا

.

.

عشت معهم احلى الذكريات

انا من دعاهم وتعامل معهم

تقاسمنا خبزة الحرف والقصيد

لم يعد سوى الذكرى الطيبة

.

.



لا ادري كيف جذبني الشوق

الى هذا المتصفح في هذا

الوقت بالذات . . .

.

.

ليتهم يعودون وتعود منابع كما

كانت وافضل . . .

.

.


من يكمل ؟

.

.



أستاذ/محمد
كل الشكر لك لرفعك هذه الدرة هنا
كلمات وأحرف كلها عذوبة وتحمل بين معانيها جمالا لايضاهي.
ومن هنا أتقدم بالدعوة لكل هؤلاء الشعراء والشاعرات المبدعين
بالعودة مجددا لمنابع.
واسمح لي أستاذ/محمد بان أرجو منك أن تتكفل بدعوة من تعرف من هؤلاء للعودة هنا مجددا لأنك كنت ممن عايشهم هنا.
فمثلما فرحنا بعودتك إلينا ننتظر عودتهم بكل شوق.

[بروق السحايب]

التميز يفرض نفسه بكل وقت

دامتـ بهمـ منابعـ

[ضناني الشوق]

دنياي هزتها عـواصيـف ورياح
من عقب ماني فوقها جآآت فوقي

خسرت فيها راس مالي والأرباح
أيضا وضاعت من شقاها حقوقي

أطرد سراب ٍ من بعيد المدى لاح
وألحقت لكن ماحد ٍ له لحوقي