أبيات لم تكتمل

[محمد الفرحان]

.

.

أبيات متواضعة :

كتبت في فترات متفرقة

ربما أكملتها قصيدة في يوم

من الأيام

[محمد الفرحان]

.


فلي جديلك وانثري صفحة الليل = واحكي عن اللي شاغلك في حياتك

[محمد الفرحان]

لاينشغل بالك وانا حي موجود = اجيك لو طالت بعيد المسافات

[محمد الفرحان]

http://www.talal-alrasheed.com/image/medad.jpg


يابوي ليتك وسط دنياي موجود = وانا بدالك بالقبور الظليمة

العيد قّرب وانت يابوي مفقود = وانا ترى بذا العيد قصة اليمة

[محمد الفرحان]

هلابك ياقديم الشوق هلابك في منابعنا = عدد مالاح برق في سماه وهلت امطاره

[محمد الفرحان]

.

.


عشرين عام(ن) مضت ياشاطي الدمام = واليوم حل الفراق وحان توديعك

فيك المحبة وماضي العمر والايام = حلفت ياشاطي الدمام مابيعك

[محمد الفرحان]

مساء الكلمة الحلوة / مسى الريشة بيد فنان =مسى ليل القصيد اللي يذوب بريحة عطورك


مساء الورد والنرجس / مساء العزف والالحان = مساءٍ يستمد النور من نورك وبلورك


مسى الاشواق واللهفة / مساء العاشق الولهان = مساءٍ مايليق الابطلاتك وبحضورك

مساء محمد الشاعر / مساء محمد الفرحان = مساء محمد اللي ضاع عمره والسبب جورك

[محمد الفرحان]

.

.


فاقد وصالك يالفلا ياعسى خير = عساك بالصحة واتم السلامة

[محمد الفرحان]

.

.

ذوقك وطيبك ووقفاتك مع الفررحان = اشياء لاتشترى برخيص اوغالي

لنك كريم واصيل وداخلك انسان = طبع الوفا فيك من اول ومن تالي

.

.

[محمد الفرحان]

.

.


ابوك يذبح اطيب الضان للضيف = وانتي ذبحتيني بنظرة عيونك


وابوك ريف الضيف واللي شكا الحيف = وانتي بخيلة سايقة لي جنونك ...


.

.

[محمد الفرحان]

.

.

تعال بقهر بك عذابات الايام = تعال سكِن رجفة الشوق فيني



تعال ريًح خافقٍ منك منظام = تعال واسكن بين رمشي وعيني

.

.

[محمد الفرحان]

.

.

ابرحل عن مكانٍ مابقى له داخلي تذكار = وبحمل ( سلة اوجاعي ) بحاضرها وماضيها ..

.

.

[محمد الفرحان]

.

.

فاقد حنان الام من عشرة اعوام = ومابه بهذا الكون من يحتويني

[محمد الفرحان]

.

.


تعال ابقهر بك عذاب الليالي = تعال واسكِن بين الاهداب والعين

[محمد الفرحان]

.

.

النصر هو النصر لو كان ماكان = الليث ماياكل معيشة معاهم ..

لو جابوا بروستد وخمسين بلطان = ولو جابوا الجمهور ويا عشاهم

.

.

[محمد الفرحان]

.

.

برفع شعار الحب في وجه الاحقاد = وبحاول اشري حقد الانسان بالطيب

[محمد الفرحان]

.

.

العطر هو اكبر محرك للاحساس = يمكن لان العطر يشبه قصيدة!

في حضرته تنتابني ثورة انفاس = وفي حضرته اكتب قصيدة جديدة

.

.

[محمد الفرحان]

.

.

في ( امتحان ) الحب مالك ( اجابات )= نتيجتك ( راسب ) بلا ( دور ثاني ) ..

[محمد الفرحان]

.

.





الصبح في قربك فضاءات للبوح = ووقتٍ مناسب للشعر والقصيدة


وفي غيبتك صبحي يتيمٍ ومجروح = ويعجز هجوسي عن قصيدة جديدة

.

.

[محمد الفرحان]

.

.

ابيات تويترية :




الصبح بوجودك قصايد وتغريد = وفي غيبتك همٍ وحيرة و ‎‫#هشتاق‬ (https://twitter.com/#!/search/%23هشتاق)‏ ...


خفي علي شوي ياباشة الغيد = وخفي على قلب امتلى حب واشواق

.

[محمد الفرحان]

.

.


اتعس طفل / اتعس رجل / اتعس انسان = اللي بهااللحظة تشاهد قصيده

البعض يعتقده على الاسم فرحان = مايدري ان الهم قطع وريده!

[محمد الفرحان]

.

.

ماكتب قصيدي لجل شهرة وجمهور = ودي قصيدي بس : يلمس شعورك ..

[محمد الفرحان]

.

.


القلب يامشكاي مليان ضيقات = لكن اداري ضيقته بابتسامة

[محمد الفرحان]

.

.

ياسيدة يارايقة ياغريرة = الى هنا حدك : بلاش نتهور

تراني ادرى سمعتي والعشيرة = ولد حمولة /ملتزم ومتطور

.

[محمد الفرحان]

.

.

فقد الحكي اقسى من الفقر والجوع = واقسى من الدمعة بخد اليتيمة

.

[محمد الفرحان]

.

.


لولا التباين واختلاف المفاهيم = عشنا على هالارض نشبه بعضنا

[محمد الفرحان]

.

.


ولعتني بالحب واغرقتني فيه = وفي اصعب اللحظات تعلن رحيلك!

[محمد الفرحان]

.

.

يارب خفف ضيقتي وانكساري = مالي سوى لطفك يخفف همومي ..

.

[محمد الفرحان]

.

.


ادورك مالقاك واذا لقيتك = اشعر بفقدك وانتظر في تحريك


ياخي تعال اسكن ترى القلب بيتك =تاهت بي الخطوة وانا في حراويك

.

[محمد الفرحان]

.

.


بكتب على صدر الورق لك شجوني = وبكتب معاناتي معك انت بالذات

انت الوحيد اللي تساوي عيوني = وانت الوحيد اللي اعيشة معاناة

.

[محمد الفرحان]

.

.


لو شانت الدنيا بعيني فلا شنت = يامالك(ن) دنياي والقلب برفوق

في سالف الايام والعصر برهنت = ان الغلا والحب بالصدر معلوق

وانا معك وافي وقاسي ومالنت = بهديك قلب(ن) من عنا البعد محروق

.

.

[محمد الفرحان]

.

.

‏ الخبل مايعرف بشكله ولونه = الخبل يعرف لاهرج بالمجالس

[محمد الفرحان]

.

.

بودعك حان السفر ياغلاتي = مدري متانا بتواجه على خير . .

خــاص لابنتي الغالية : غلا

.

[محمد الفرحان]

.

.

مدري صباح الخير ولا مسا الخير = بس الاكيد اني الى الصبح صاحي ..

(ماغير اسلي هاجسي بالتفاكير) = متى تبين الشمس ويشرق صباحي

.

[محمد الفرحان]

.

.

ذكرتك يالغلا والحب طاريه ابد مامات = يرد القلب صوبك ذكر همساتك وآهاتك

على عهد الوفا باقي اصونه داخلي عبرات= اسوق العمر في دربك واضحي دون عبراتك

..

[محمد الفرحان]

.

.

ياروح روحي حطني في حناياك = على الاقل اعيش سيد زماني

[محمد الفرحان]

.

.

انا ابن اللي كريم يدين ومنصى لمن ضناه الحيف = ومداته على العالم صعيب الناس تحصيها

[محمد الفرحان]

.

.


يعيش الحب في صدري وانا محمد ابن فرحان= ولاعن حبي اتنازل ابد غصبٍ ولاطوعي.

[محمد الفرحان]

.

.

اخذي الرسايل والعطر والهدايا = ماعاد ابغى شي يربطك فيني ...

روحي وبرحل كلبونا ظمايا =اخذي جروح القلب ودموع عيني

.

[محمد الفرحان]

.

.

تطلع علي الشمس مانمت سهران = حكايتي بالليل ياهي حكاية ..

يضيع ليلي بين آهات واشجان = وبين القصيد وانتظار النهاية

.

.

[محمد الفرحان]

.

.

اعلنت انا العلم الاكيد بوفاتك = والله يعظم اجركم في وفاتي

يكفيني اني شي من ذكرياتك = وعيشي يقايا العمر مع ذكرياتي

..

[محمد الفرحان]

.

.


خليني ارحل واحمل طعوني بصمت = ماعاد فيني للمواجع بقايا

..

[محمد الفرحان]

.

.

الام هي نبع المشاعر والاحساس = الام فن المعرفة بالتعامل ..

اهي الحنان اللي بلاحد وقياس = وهي العطاء اللي بليا مقابل

..

[محمد الفرحان]

.

.



اقدر اغني لك قصيد ومواويل = واقدر اخلي منك قصة قصيدة


سوالف امك بالضحى واول الليل = اقدر اخليها قصيدة جديدة .

..

[محمد الفرحان]

.

.

تشتكين الدمع في وسط العيون = وتشتكين الهم في قلبك سكن!

شاف فيك الصبر والقلب الحنون = ويمكن انه مالقى يسكن وطن

..

[محمد الفرحان]

.

.

مداعبة لا اكثر :

.

.

وضعك ملخبط حيل في تالي الليل = بينك وبين النوم ثار وخصومة

وسط (التويتر) صايرة نجمة سهيل = واللي يتابع احرفك طار نومه

بعد العشا جوك دلال وفناجيل = دلة ورا دلة وقعدة وقومة

لين السهر خلى عيونك مداهيل = وان جيتنا للحق محدٍ يلومه

منهو يلومه بالعيون المظاليل = منهو يلومه لو صوب سهومه

يقوله اللي تابعك تابعك دون تضليل= يمزح معك دون يتعدى سلومه

..

[محمد الفرحان]

.

.

يمكن اعيش الفرح ذا الليل يانصر = ويمكن بتال الليل اصرف علاجات

يانصرنا يانصرنا ضاع بي عصر = وانا اتحرى واترجى بطولات.

..

[محمد الفرحان]

.

.



مخلوق اغرد قبل يوجد (تويتر) = شاعر وكاتب فذ ماني بعصفور


بين الاوادم خانتي(اوبريتر) = حرٍ نداوي ابدي الراي والشور

..

[محمد الفرحان]

.

.

اسامحك لني بكل البساطة = احتاج لوجودك ينور حياتي

..

[محمد الفرحان]

.

.

تفوز ولا تنهزم شي عادي = العالمية حيل صعبة قوية

غروك قالوا لك زعيم النوادي = ويابعد خطواتك عن العالمية

..

كامل التقدير والحب لكل هلالي

[محمد الفرحان]

.

.

الليل يسرقني يسحره ونجمه = والنوم متمرد على جفون عيني

هم وارق الله يعلم بحجمه = مبطي على هالحال تمضي سنيني

.
.

[محمد الفرحان]

.

.

لا تصدقيته : مهنته يبني اوهام = لا تصدقي همسه وقصة ضياعه

لا تصدقي لوعة حنينه والاحلام = لاتصدقي شاعر يروج بضاعة .

..

[محمد الفرحان]

.

.

احتاج احكي لك عن اليتم والجرح = يمكن تحس بداعي الشوق فيني

..

[محمد الفرحان]

.

.

في عينك اليمنى عذابات واحزان = وفي عينك اليسرى هموم الليالي

احكي همومك واشتكي لبن فرحان = اشكي على اللي بالخطر مايبالي

..

[محمد الفرحان]

.

.

في غيابك يالغلا احتاج روح = وقلب وافي بالحنان يعمني

لاتروح ارجوك خفف بي جروح = لاعني وجه الزمان وهمني

..

[محمد الفرحان]

.

.

اللسان حصان تقدر تلجمة = بس رمش العين نمام وفضوح

مايبي تفسير والا ترجمة = واضحٍ للكل غايات الوضوح

..

[محمد الفرحان]

.

.

اهداء للشاعرة :
الغريبة/شوق

فاقد وجودك حيل ياشوق هاليوم = الله يفرحني بشوف الغريبة

عسى السعادة خوتك دايم الدوم = والعافية دون احتياج الطبيبة

..

[محمد الفرحان]

.

.


الوله والشوق واسرار العيون = والحنين وماضيات الأمنيات

كلها اشياء منك يافتون = شكلت عندي شريط الذكريات
..

[محمد الفرحان]

.

.

شاعر وتاجر ماتجي ياجماعة = بضاعته شعر ومشاعر واحاسيس

..

[محمد الفرحان]

.

.

بطلع على سطح القمر واتحراك = يمكن تمرينه لانه شبيهك ..

..

[محمد الفرحان]

.

.

كتبت الحرف اغرد به واعبر عن شقا الفرحان = لقيت ان القلم عاجز يعبر عن معاناتي

كتبت احلى التغاريد وعزفت بأجمل الالحان = ولا وصلَت معاناتي ولا عبرت عن ذاتي

..

[محمد الفرحان]

.

.

عساه يشقى فـ الجحيم بعذابي = وعساه يلقى هم نفسٍ جريحة

اللي بغيباتي يحل اغتيابي = ماهو مقابلني لاجات الصريحة

..

[محمد الفرحان]

.

.

رجلا بنفسه واصلٍ للمعالي = ورجلا بشعرة رافعاته معانيه

ورجلِ بماله فوق فرش وزوالي = وكلٍ على دربه تدله خطاويه

..