يامحمد الفرحان...ليه سعود بادي ازرق على ازرق !؟ [الأرشيف]

عادل السلطان

27-01-2006, 03:18 PM

/

\

السلام عليكم

سعود بادي .....علشانك ياخي مشرف ..ماتعطينا وجه .!! :cool:

اقرب وشغلك عندي .. :eek:

:

:

يامحمد الفرحان مع خالص الود

اسعود بادي لايق اكثر بالاسود

باللون الازرق صار متغطـرس ً جـدّ

مال الجروح الا الطبيب المداوي

يالا لا لا يالا لا ل القدايم والجداد= يالا لا لا يالا لا ل مع سعود اخبارها

يالا لا لا يالا لا ل في ربيع وفي جماد = يالا لا لا يالا لا ل ماذكرنا اسرارها

----------> ياخي اموت واعرف وش دخل الفرحان:confused:

محمد الفرحان

27-01-2006, 03:44 PM

.

.

ارحب ياعادل ويالله حيه

وين طبيت ؟

مالقيت الاسعود بادي ؟!

ابوبادي يستاهل الاحمر بس

ماعطانا وجه

عز الله رحت فيها ياعادل

وانا من الحين ماسك الصف ورى

ابوبادي

.

.

الليل الليل

عادل السلطان

27-01-2006, 03:47 PM

.

.

ارحب ياعادل ويالله حيه

وين طبيت ؟

مالقيت الاسعود بادي ؟!

ابوبادي يستاهل الاحمر بس

ماعطانا وجه

عز الله رحت فيها ياعادل

وانا من الحين ماسك الصف ورى

ابوبادي

.

.

الليل الليل

ههههههههههههه

شوف هو يستاهل الاحمر يستاهله يامحمد .. موت احمر / شمع احمر / خط احمر ....الخ ههههه

وبعدين ياخي عادي عادي اساسا معنوياتي مرتفعه مادام فهد الدباسي معي :D

يامحمد راجع البريد للضروره :cool:

سعود بادي

27-01-2006, 03:52 PM

.
.
اشلون وش دخل الفرحان يوم رحت باشتري جبن اليوم أدور غير اللي جانا في سيل الرسايل مالقيت كل الجبن من عندهم وش سويت طلعت من عند البقال ألعن في الفرحان وش دخله مدري .
ياحبني لك يالفرحان والله من غلاك ولاتصدق ياقلبي
المهم انت ملقوف ياعادل والله يعيني عليك وملاحظ هاليومين متولجني محاورة وش السالفه قايلين لك اني يناصيب والا وشو المهم الله يعينك مدري العكس .

.
.
.
يامرحبا ياصاحبي والتحيات /////// من قلب مخلصلك صراحه ومن ذات /////// أنت اكثر اللي يعرفون الخفيات ////////// ما للجروح الا الطبيب المداوي ،،،،،
.
.
يالا لا لا يالا لال ياهل الرأي السداد
.............................. يالا لا لا يالا لال للفعـول اكبـاراها
يالا لا لا يالا لا ل فالهداد وفالطراد
.............................. يالا لا لا يالا لا ل ماتبووور أحرارها
.
.
.
.
.
.
.
.
.

سعود بادي

27-01-2006, 03:57 PM

.
.
محمد الفرحان
كفشتنا وانا أقول من اول ماهوداري مقيل
الله يعينا واعذرنا واناخوك هالملقوف والله لو أطاوعه ليحججني في بيروت
بازن في الدباسي وانا مضبط الامور مع الدباسي البارح توهق ماعليك بس
هلابك ياغالي وابرك الحزات ..
تواجدك شرف
.
.
.
.

عادل السلطان

27-01-2006, 04:34 PM

ههههههههههههه
/

\

الك البقى ..والـجـذر لايـخـلـف الـنـبـت

تبـوح مــن ذاتـك..ونيـتـك فالـكبـت

مير الدعاوي فالاحـد تفضح السبت

مال الجروح الا الطبيب المداوي

/

\

يالا لا لا يالا لال عـقـب فـاز الاتـحــاد = يالا لا لا يالا لال روح دوّر غارهاا

يالا لا لا يالا لال الـعـزى لاهـل الـحـداد = يالا لا لا يالا لال فـي جـنـازة دارهـا

عادل السلطان

27-01-2006, 04:39 PM

ههههه

سعود ... ياخي ترى لو رحت وجيت مع فهد ....ترى انا اعرفه ياخي ومسوّي معه اتفاقيات وخريطة طريق سريع :D
وان بغيت الصدز ودّي احاورك كوره ياخي ..الكباري معك تمشي سلام سلام ---> طرى له السلومي

:rolleyes:

سعود بادي

27-01-2006, 04:50 PM

.
.
كباري الله من القسايم عند الكباري
طبعاً للي يفهوووون ...
انواع البواري
.
.
.
.
ابك انت ياعادل ملأ قلبك النوم ///////// وانا على خبرك من العام لليوم ///////// أكوسر الألحان وأغني اللوم
ما للجروح الا الطبيب المداوي
.
.
يالا لا لا يالا لال لايسيـل ولاجمـاد
....................... يالا لا لا يالا لال ويش عذره جارها
يالا لا لا يالا لال عقب حضر الاقتصاد
....................... يالا لا لا يالا لال من يفـك إحصارها
.
.
.
.

عادل السلطان

27-01-2006, 05:37 PM

.
.
ذكرتني بواري طريق الســلامه ;) .
.
.
.اذكرك عام العام جاء معك شيطـان

يـومك على الكسـرّات ضايق وطفشان

انسـى جـروح الـوقـت والـوقـت خـوّان

ومال الـجـروح الا الـطبـيـب الـمـداوي

/

\

يالا لا لا يالا لال كـل زرع ً لـه جـراد

....................... يالا لا لا يالا لال والـشـقـى فـااقـدارهـا

يالا لا لا يالا لال عـقـب مـاصـارت رمـاد

....................... يالا لا لا يالا لال كـيـف تشعـل نــارهـا

.

سعود بادي

27-01-2006, 06:50 PM

.
.
أثرك عندك يابيض الوجه حجه /////// جت قبل اقول اليوم لاحقك رجه ////// لكن هات العلم والباب فجه
وما للجروح الا الطبيب المداوي
.
.
.
يالا لا لا يالا لال من مضى مايستفاد
............................. يالا لا لا يالا لال فالصحف واحبارها
يالا لا لا يالا لال ياثمـود وقوم عاد
............................. يالا لا لا يالا لال للصهيـل مهـارها
.
.
.
.
.

فهد الدباسي

27-01-2006, 08:03 PM

ههههههههههههههههههه

و الله إنكم منتهين

الظاهر ان محمد مشغلك بـ المسجات حقت المقاطعة يا سعود

و الله يا عليك مزاج رايق ياسعود

صبح الجمعة رايح تشري جبن :D

عز الله إنك ماقصرت ياسعود البارح و من زود الوناسه حبيت الهندي حقكم :(

بس ترا عادل مبطي معي و الحب لـ الحبيب الأول من غير قصور بـ الحبيب الثاني

بس التوقيت هو المشكلة

بـ صفك يا عادل و خلنا ندق خشومهم;)

عويد المغيليث

27-01-2006, 08:11 PM

ااااااااااااااااااااااالله ااااااااااااااااااااااااااااالله
روعه روعه والله مبدعين الله يعطيكم العافيه
وانا ماسك الصف واستمتع بالابداع
لاهنتو جميعا

عادل السلطان

27-01-2006, 08:40 PM

.

ههههههههه

ياسعود بادي ... قلت لك فهد الدباسي ..بصفّي ياخي وعلى بالك يوم جلست معه البارح ضمنته :p

ماتعرف لـ فهد انت ..لي معه سياسه خاصه ماتخلى عاد من العربجه وتشخصية بنت البكار ههههه

-----> شخصية احمد الجعيد ..ايام المتوسطه :p .... هيا استلم استلم بس:cool:

لو جبت لك مرّيّ وقصّاص جرّه ؟

// بين الكواكب والفلك والمجرّه ؟

// برَهن حقيقة قـوم تغلب ومرّه

// مال الجروح الا الطبيب المداوي

يالا لا لا يالا لال عندي الحل الوكاد
............................. يالا لا لا يالا لال وللصقور اوكارها

يالا لا لا يالا لال خلها خشـِـر وحصاد
............................. يالا لا لا يالا لال مع قياس عيارها

.
.

عادل السلطان

27-01-2006, 08:42 PM

عويد المغيليث

/

\

هلا وغلا فيك يالغالي ..

مرورك هو الروعه والابداع ..

لكن استماعك ومتابعتك فقـط لاتكفي ... فـ لابـد ان تلـزم صفّـي وانا اخوك مع فهد :( ضد الفرحان وابن بادي

ههههه ياهلا وغلا فيك وشرّفت ياعويد

تقديري لك

ضوى قطر

27-01-2006, 08:49 PM

,, متابعه ,,

سعود بادي

27-01-2006, 08:52 PM

.
.
فهد الدباسي
كل هالمجهود وشغلات ولا بقيت كنه مسوي شيء
ولانفع ..
المهم داري انا بالطبخه بس الهندي لاتحبه مره ثانيه انتبه للمحارم
واحمد ربك ماشفتك والا كان فيها ارقاب
وخل عادل ينفعك
تراه حجازي يزعل اذا تعيد عليه السلام مرتين ويخربها
والا انا لو تصحيني من النوم وتسلم عاااادي
خلك متواجد بس يافهد
والله يعطيك العافيه على الحضووور
.
.
.
.

هيلانــــــــــه

27-01-2006, 08:55 PM

ضحك لاينقطع ...

على هذه المحاوره

تحياتي لكما ..

سعود وعـــادل ..http://www.eqla3.com/vb/images/smilies/rose.gif
هيلانه

سعود بادي

27-01-2006, 08:56 PM

.
.
عويد المغلوث
يالله ياغااالي
انت الجمال وهذا نورك يارااائع
شرفتنا بتواجدك الجميل
هلا وغلا
وكل الود
.
.
.

سعود بادي

27-01-2006, 08:58 PM

.
.
عويد المغلوث
يالله ياغااالي
انت الجمال وهذا نورك يارااائع
شرفتنا بتواجدك الجميل
هلا وغلا
وكل الود
.
.
.

سعود بادي

27-01-2006, 09:01 PM

.
.
ضوى قطر
تصدقين لو تعديتك مارديت وتخطط الحادث الأمم المتحده
تطلعين انتي الغلطانه ..
ماشفت ردك الا بنظرات جدي الله يرحمه
كبري خطك شوي الله يجزاك خير فيه شيبان وعميان وغيره
هلا بك واضفتي الكثير ياضوى قمر
وتراي امزح
.
.
.
.

فهد الدباسي

27-01-2006, 09:01 PM

ابشر بسعدك يا سعود

محارمكم لكم الله يخليهم لكم و لا يغير عليكم :D

بـ صفك يا عادل و جالس انظم الصف

و محمد يهوجس و هو بـ صف سعود

.

.

الليل الليل

عادل السلطان

27-01-2006, 09:02 PM

هلا بك ياهيلانه ... وشكرا على مرورك النور والعطر ..

بس ترى به غلطه مطبعيه الظاهر :confused:

سعود وعـــادل ..http://www.eqla3.com/vb/images/smilies/rose.gif
هيلانه

عــادل وسـعـود ... لو سمحتي :cool: ---> اسلوب نرفزه واضح

سعود بادي

27-01-2006, 09:03 PM

.
.
هيلانه
هلا بك ونورتي
زين اذا الضحك على المحاوره لايقلب علينا شوي
من يدري ..
والظاهر بنردها تذاكر الفلوس زينه
هلا بك اختي وشرفتي
كل الود
.
.
.

جمال العتيبي

27-01-2006, 09:12 PM

ههههههههههههههههههههههههه

رب صدفة خير من الف ميعاد

دخلت مضيع مفتاح سيارتي

وشفت

كن الدعوى فيها فزعات الظاهر

انا بصف سعود انظم السير

هيلانــــــــــه

27-01-2006, 09:22 PM

سعود وعـــادل ..

هيلانه

عــادل وسـعـود ... لو سمحتي ---> اسلوب نرفزه واضح

ياعادل تعاتبني على ترتيب حروف =اعتب على ترتيب الحروف الهجائيــــه

بيت يحتاج الي تجبيــــر من الكسور
بس هذا اللي طلع معي http://www.eqla3.com/vb/images/smilies/119.gif
هيلانــه

سعود بادي

27-01-2006, 09:28 PM

لاتصدقون السين مولود قبل العين وحتى لو كانت عين والا ثنتين
.
.
.
لو جيت من حقي تبي ربع ملي ///////// من دون مالي جاك راسي وكلي ////////// بس اترك اسلوب الحيل والتغلي //////// ما للجروح الا الطبيب المداوي
.
.
.
يالا لا لا يالا لال من يخاشرنا بزاد
............................. يالا لا لا يالا لال جاب قسم ديارها
يالا لا لا يالا لال سوقها حد البراد
............................. يالا لا لا يالا لال لايثور غبارها
.
.
.
.
.

عادل السلطان

27-01-2006, 09:28 PM

7

7

7

---> يقول ماتلقى مفتاحك ياجمال ان شاءالله :(

هلا فيك وغلا اخوي جمال وشرفت يالعتيبي هالمحاوره

وخلك بصف ابن عمـك سعود العتيبي ... وحنـّـا يالقصمان صفوفنا وحده :)

تقديري لك وشكري

سعود بادي

27-01-2006, 09:31 PM

.
.
هيلانه
ماعليك منه ولاتصدقينه أساليب إنتخابات مالتمشي على الناس
بس بصراحه بيت مكسور ولا يجبر في مستشفى الشميسي لو يجلس قرن كامل
ماعليش أدري صدمه ...
بس عااادي تصير كثير مو أول حادث
.
.
.
.

سعود بادي

27-01-2006, 09:35 PM

.
.
جمال العتيبي
هلا وغلا ونور المتصفح والصف وكل شيء
هلا بك وابرك الساعات
بس قلبي ينغزني من مفتاح مدري ليه ؟
ممكن توضيح شوي
على العموم هلابك ونورت والله ياجمال
لاتصدق عادل السلطان يقول انتم عتبان وحنا يالقصمان ياعمي اذا انت قصيمي أصير انا مواليد شتورا
والا الماني عااادي ..
لو تجلس بالقصيم يوم يصير سونادل
بلا نص ب عادل

.
.
.

محمد ال مهيد

27-01-2006, 09:36 PM

حضوور للمتاابعه

وبعد شوي باحدد مساري

كلكم غالين بس

اللي يدفع اكثر انا بصفه

هيلانــــــــــه

27-01-2006, 09:43 PM

سعود
^
^
تحطيـــم ..http://www.eqla3.com/vb/images/smilies/crooked.gif

خليت لكم الشعر انتم اهله http://www.eqla3.com/vb/images/smilies/060.gif

سعود بادي

27-01-2006, 09:50 PM

.
.
محمد آل مهيد
هلا وغلا
تعال معي في صفي ولانت بخسران
وخلك تعوض بدال الفرحان اللي يانايم يايفكر شكله توه طاب في الأسهم
ما على لسانه الا وين اقرب مركز هلال أحمر حاسه انه بينضرب في الاسهم
نورت يامحمد وياهلا فيك
واعذرنا على هالمحاوره اللي مدري وش اسميها
اهم شيء تواجدكم
.
.
.

سعود بادي

27-01-2006, 09:53 PM

.
.
هيلانه
لاعاااد أمزح معك لاتصدقين
يعني عادل السلطان من زين شعره كنه سواليف جندل ولد ابو جندل
اهم شيء تواجدك
وتراها مزووح يعني تروح
هلا فيك اختي
.
.
.
.

عادل السلطان

27-01-2006, 10:26 PM

ياخي السين ماتعلى على العين :cool:

وبعدين انت لاتتفلسف ..يابو كفاءه ليليه :eek: ههههه

الـهـنـدسـه والـجـبر والـنـحـو والـصـرف //

تـنـكـبـك فـالـمـلـي وفـالــجـذر والـحـرف

وانـت كـفـاءه لـيـلـي ..مـن درس تــقـرف ؟

مـال الـــجــروح الا الـطـبـيـب الـمــداوي

يالا لا لا يالا لال بــوش مـع احـمـد نـجـاد
............................. يالا لا لا يالا لال ضـايـعـات افـكـارهـا
يالا لا لا يالا لال ابشـر بـ ليـل ً سـواد
............................. يالا لا لا يالا لال مـع سـواد اقـمـارهــا..
.
.
.

عادل السلطان

27-01-2006, 10:35 PM

هيلانه ..

ياسلام ماعليك من سعود ... اساسا ً سعود اختصاصه فوازير اكثر من شعر :)

وعادي لاتهتمي بالحروف الهجائيه .. أ ب ت ... الخ ،،، اهم شي ابجد هوّز ..او/ A..B...c ..etc :)

وبعدين الترتيب مو على اول حرف ... على ثاني حرف :)

هلابك ياهيلانه وشرّفتي ..وامسكي صفي بس

عادل السلطان

27-01-2006, 10:43 PM

حضوور للمتاابعه

وبعد شوي باحدد مساري

كلكم غالين بس

اللي يدفع اكثر انا بصفه

هلا ... وغلا يامحمــــــد

ارحب ارحب يالغالي والله لك وحشـه ... بغض النظر عن صفك المعروف اساسا بحكم العيش والملح :o

حياك الله يامحمد وشرّفتنا وابشرك ترى بيت منصور البلوي قريب من عندنا بس الليله الاتحاد مافاز :(

هلا وغلا فيك يامحمد

تقديري وشكري

سعود بادي

27-01-2006, 11:03 PM

.
.
لاتدعيه القول ونقول نصاااب ////// ونلبسك بدله ومن فوقها كاب ///////// وتصير مكسور أخره عند الإعراب /////// ما للجروح الا الطبيب المداوي .
.
.
.
يالا لا لا يالا لال قول داد تصير داد
.......................... يالا لا لا يالا لال ولعوا بخمارها
يالا لا لا يالا لال شيختة زين البلاد
.......................... يالا لا لا يالا لال من يفـك زرارها
.
.
.
.
.
.

عويد المغيليث

27-01-2006, 11:21 PM

يؤيؤيؤ السالفه فيها كاب انا فرحت احسب كباب وانا كل همي بطني هههههههه
اقول انا معك يالسلطان اشوف ابن بادي يرهبنا ولكن انطح الصياح بالصياح تسلم ههههههههه
المهم والله كلكم ذوق وكلكم غالين
بس نبي نصف مع السلطان نبي نشجعه لين نشعللها هههههههههههههههههههههههه
لاهنتو جميعا
وانا مادري انها سريعه انا مريت اليوم ولما رجعت الحين ماشاء الله لقيت اربع صفحات
ولكن خلاص ابي اضل واقف لين النهايه
الجلسه معكم ماتنمل

محمد ال مهيد

27-01-2006, 11:34 PM

ابشر بالسعد ياسعوود

الكفه مايله مع عادل

انا بصفك ياسعود ولا يهمونك

عادل السلطان

28-01-2006, 12:05 AM

.
.
//////

انت لسه حيّ هههههههههههه ياخي ذبحنا بعضناااا واذنبنا ههههه الله يرجك

حـكـم الـجـمـارك ..مـايـغـّـنـيّ (( مسـامـحـك )) :( //

و مـثـلك تـرى ..نـكـتـه ..وحـبـوّب ومـضـحـــك //

الـدعـوى مـاهي فـضــفـض..او..كـلّـم ..او أحــك// :o

ما للــجـــروح الا الــطـــبــيــب الــمــــــداوي .
.
.
.
يالا لا لا يالا لال ..مسـرحيـّـه مـع فــواد
.......................... يالا لا لا يالا لال اخـتـفـت بـسـتـارهـا

يالا لا لا يالا لال ..مـابـقـى شـاش وضـمـاد
.......................... يالا لا لا يالا لال وللـجـروح اعـمـارهـا
..
.
.
.

محمد الفرحان

28-01-2006, 06:13 AM

.

.

عدنا >> متأثر بسبيس تووون بلا أسهم بلاقلق

المهم :

من اللي فاز >> على باله مباراه

.

.

صفوف صفوف

الليل الليل

.

.

سعود بادي

28-01-2006, 02:14 PM

.
.
عويد المغيليث
جعلك والله تسلم على حضوووووورك المشرف للإمانه
تواجدك شرف ياغالي ..
ولو انك في صف عدوووول بس مو مشكله
هلا بك والله الف مره
نورت ياااغالي
.
.
.
.

سعود بادي

28-01-2006, 02:18 PM

.
.
محمد آل مهيد ياهلاوغلا
في صفي هذا الشرف كله
تسلم وعلى الهقوه ياراائع
خلك بس موجود وازهلهم لايهمونك
تسلم يامحمد
.
.
.
.

سعود بادي

28-01-2006, 02:37 PM

.
.

انت لسه حيّ هههههههههههه ياخي ذبحنا بعضناااا واذنبنا ههههه الله يرجك
/
\
لاشارع سيدين هههههههه
.
.
المهم كيف حالك ؟
واستلم
المساله بانت وتحكي ملامحك /////// لكن قل توبه بعد ذي وأسامحك ///////// بالصوت والصورة وبالحرف شارحك ////// ما للجروح الا طبيبٍ يداوي

يالا لا لا يالا لال .. بألإلوف وبإلأحاد
........................... يالا لا لا يالا لال .. ماتكـب أعذارها
يالا لا لا يالا لال .. بين جد وإعتقاد
........................... يالا لا لا يالا لال .. من يعد أضرارها
.
.
.

.

عادل السلطان

28-01-2006, 03:38 PM

.
.

:cool:

ذكرتني بشارع السلامه اللي بالطايف :( تذكره ؟

المهم .. بخير .. والاهم .. انك ماتبت .. والاهمين ..مالك دوى :

:

الـخـطـّـه والـتـكـتـيـك يـاتـركـي 2000

تــدوم وتــبــقــــى 4 - 4 - 2

وانـت بـلا دنـيـا ...وخـطــّــه ..ولا ديــــن

ما لــلـــجــروح الا طـــبـــيـبٍ يـــداوي

يالا لا لا يالا لال ...للـفـواتـيـر ..الـسـداد

........................... يالا لا لا يالا لال .. والـبـقـى لـ انـمـارهـا

يالا لا لا يالا لال ..دام زايـد لـه زيـاد
........................... يالا لا لا يالا لال .. مـن يصـرّ اصــرارهـا ؟؟
.
..

.

سعود بادي

28-01-2006, 04:21 PM

.
.
يالربع لاتدققون هاليومين الله اعلم بالحال على الطحينيه وابو قوووس فرح
مافيه جبن الله يعين ....
استلم ياعااادل واهم شيء شارع السلامه مالك شغل فيه لانهم قلبوه شارع الندامه
من بعد زيارتك المنحوسه ...
والا ترا بجيب العيد وابق كل شيء
حلوووه أبق ..
.
.
.
.
الله يامحمد خلاوي يعينك /////على لطافة قلبك ورق زينك ///////// ليتك تجوّوود في عروقك بدينك
ماللحون الا محمد خلاوي .
.
يالا لا لا يالا لال من تشحبه الجهاد
............................ يالا لا لا يالا لال هي تفيد أغفارها
يالا لا لا يالا لال من يصيدونه يصاد
............................. يالا لا لا يالا لال والبقى لاخياراها
.
.
.
.
.

سلمت ياعااادل غثيت الناس بهالمحاوره من البارح وانت نااطور
ماقصرت ومن أجمل وأنقى ما لعبت ياعادل والله
الف صح لسانك ..
والفين شكر لمن كان هناااا بدون إستثناء
كل الود
.
.
.
.

سعود بادي

28-01-2006, 04:25 PM

.
.
.
.
كل الووود لمن كان هنااا
ولقلب الغالي
ع
ا
د
ل
.
.
.
.
.
.

محمد الفرحان

28-01-2006, 04:47 PM

.

.

لاهنتوا ياشعرائنا وبيض الله وجيهكم

واتمنى مانقطع المحاورات بينكم . .

وكل الشكر لمن مر على هذا المتصفح

وتواجد في هذا المحاوره . . .

.

.

لكم فائق الود وباقات الورود

ضوى قطر

30-01-2006, 02:10 AM

سعود بادي

03-02-2006, 05:36 PM

.
.
ضوى قطر
هلا ولاهنتي على هذا الحضووور
ايييه الحين واضح الصوت ..
قصدي الخط
اما سالفة الجبن ماتعرفينها كثري منها
المهم انتي وش سالفة الابيات المقتبسه يعني مافيه الا هي ؟؟
هلا بك ياضوى ونورتي والله
كل الود
.
.
.