لغـــــــــــــــز ... خفيّف!!!

[خليل الشبرمي]

وش بنات(ن) دايم(ن) بصفوفهنه = الدهر كله لياليه ونهاره

ما يهرجن والنبيه ينبهنه = حارساته من يمين ومن يساره

مايهرجن لين يدعس روسهنه = يوقظنّه لا نعس واغدى مساره

[محمد الفرحان]

عندي رمعه بس اخاف انها مجنبه الصح

قبل الرمعه :

هم بنات ولابنتين ؟

[خليل الشبرمي]

لابالله .. ما هن بنتين ..

بنات وبالمئات والآلاف والملايين

[خالد العتيبي]

.
.
.
صباح الخير .. للجميع ..

طبعاً منيب راعي ألغاز .. ونعمه يوم أقرأ شعر ..

بس دام هالبنات ملايين .. ومن يمين ومن يسار وينبهنّه ..

فأعتقد أنها ( عيون القطط ) على الطرق ..


والله أعلم ..< يحس انه مفتي الحين ..:)


تحياتي وتقديري اخوي خليل والجميع ..

[خليل الشبرمي]

.


بيض الله وجهك يالعتيبي ...





نعم ( عيون القطط )

[جمال العتيبي]

تحياتي للجميع

[مشاعل ابراهيم]

حلو اللغز ياخليل






الله يعطيك العافية






لا تحرمنا من الغازك




دمت بألف خير

[محمد الفرحان]

.

.

لامانع من الرفع للإستفادة

[همس القوافي]

السلام عليكم ورحمة الله وبركاته

أسعد الله مساء شاعرنا بالمسرات

بالتوفيق في شاعر المليون و فالك البيرق

لغز جميل

هات آخر غيره

تقبل أصدق الود