قـطــوف متـفـرّقـة..

[عبدالله العويمر]

حسبنا للوفا..لكن ، فشلنا والسنين شهود
...............................................تـن كـر من وفـيـنا له..وكنّا مـاوفـيناله

هقينا كثر طيبتنا مع اللي نعتقـد مـوجود

............................................تأثَّر والغـــلا يبقى على حلّه وترحاله

[عبدالله العويمر]

ألم من الوهم : همـي ، وشبّاك السـهـر مفتوح

..................................تنام نجوم ليلي في عيوني..والأرق صاحي

يطير من الهدب طير النعاس..ودمعتيني ضوح

................................ويغتال الورق رمح القصيـد..ونـزفه جراحي

[عبدالله العويمر]

جيتني ماجاك منّي غير شيّ

.......................................جيّتي ، طبعي يميني لليمين


ماهقيت ان الخطا مدّة يديّ

...................................ياخساره..ضاع ظّني من يدين

[عبدالله العويمر]

هزّيت بعضك ، وانتثر كل ماشلت

............................رجـّال سكبه ، والمخابر ولاشيّ

[عبدالله العويمر]

تسـألـيـني عـن مـسافـات الأمل
.........................والبلاد الصمت،والغربه : حكي!!

وينها الآمال؟!تسكن في جـُمـل
.......................قـالهـا مـنهـو يـواسي مـشـتـكي

[عبدالله العويمر]

الـــوقــــــتـــــ

.............قــــــــوتــــــ

.........................الألــــــم

[عبدالله العويمر]

ماقلتلك ياقايد الحر الأبي بالشعر شفت

..................................النص عاري ، والفكر عوره ، وحنّا ساكتين

شرّ البلية يضحكك ، بس البلا لامن وقفت

................................في دهشتك من شاعر ٍ شامخ ، ونااااااسه شامتين


ياشاعر الغفله تمنيتك تمعنت ، وقطفت

.............................كلمه بها كل المعاني باختصار :مهااااااايطيييين


نشّفت دم الناس ليتك قبل ماتكتب ، نشفت

............................ولاحملت السخريّه من ناااااس حولك فاهمين



أبيك تكتب لافته : ياشاعر الدجّه خسفت

.............................بالفكر ، ليتك تستره ، واحنا لفعلك شاكرين

[عبدالله العويمر]

عـِـزّة النفس عندي فوق كل اعتبار

.................................ماتهـون الكـرامه ، دام فيني حياة

لعـنبـوها حياة إليـا نـقـصهـا وقـار

..............................لاهي اللي حياة ، ولاهي اللي وفاة

[عبدالله العويمر]

ألا يـالـله كـان الـلي حـصـلي مـغـفــره لـذنـوب

.............................................طلبتك لايروح الاّ غسل نفسي من ذنوبي

انا عبدك واعرف انه ســترني في زمـاني ثوب

...........................................ولكن ماسـترني عـن جلالك بالـزمن ثوبي

واعرف انّك على موتي تبي تقدر،وهو مكتوب

...........................................بأمرك ..واعرف اني للمقابر باخر دروبي

[عبدالله العويمر]

ياشينها لاصاروا الناس لاشيء
...................................تاخذ قشور ، وفوقها تصدر الحكم

[عبدالله العويمر]

يعـنـي من العـنوان أصـدرت حكمك؟

.......................................طيّب وش اللي شفت من دون عنوان؟

يـاخـي قــسـم بـاللـه عــمّـيـت ظلـمك

......................................مـاكل ظـاهـر في عــيـونك هو الشان

اقرى السطور ، وخل حربك وسلمك

................................تـرا الـنقـاش احـيـان يـجـمـعـبـك اخوان

[عبدالله العويمر]

ماشلت همي من عدوّي ولكن

........................همي من اللي يضحك ان شافني جيت



جيت الأماكن بس ليت الأماكن

.......................لاجا المنافق علمتني ... وصديت

[عبدالله العويمر]

الحر..يبي حر ٍ يساويه يالبــــــوم

...........................ماانتب كفو نزعل..ونركب زعلنا

[عبدالله العويمر]

من يشعل الشمعه ، ويقتل فراشه؟!

..........................هذي فراشه..لكن الشمع طافي

[عبدالله العويمر]

http://www.fkrah.com/web/101004.BMP


على الشاطي وقف جزرك ومدك يابحر شوقي
........................ لك الله يابحر جزرك يشابه مدك القاسي


تخيّل كل ماشفتك اشوف الموووت بعرووقي
.......................يبي يجري ، يبي يقتل غيابك كلّ انفاسي


واذا شفتك بعيني يابحر اكتب لك طروووقي
.......................ولا اشوف البدايه غير حبر ٍ جا بكراسي


تبي منّي نهايه يابحر؟ ماشفت معلوووقي
.....................يشيل الحب لين الله يكتب موووت في ياسي


دخيلك يابحر باسمع صدى موجك ، على ذوقي
.....................اباكتب للغلا شعري وبارفع بالغلا راسي


لعلّي لارفعته شفت في عيني مدى شوقي
....................لعل اللي احبه يعترف في قلبه القاسي

[عبدالله العويمر]

مــايجـــرح خدود الـورق غير الاقلام



....................... ....... ولايقـتل الفرحه سوى دمــع غـالي

[عبدالله العويمر]

أثر المشاعر عندها كالمراجيح

..........................وانا اعتبر ضحكاتها لي هدايا!!!

[عبدالله العويمر]

لو للشتا رحمه رحم عاري الناس

..........................ولو للوفا سلطه قتل خاينينه

[عبدالله العويمر]

أكبر مصيبه: يصبح الفكر هو: كفر


..........................واكبر مصيبه يبتليك الصغيّر


ان جيت تجمعها والا الناتج الصفر

.......................وان جيت تطرحها وش اللي يتغيّر

[عبدالله العويمر]

ماغير اسولف للسهر عنك ، وينام
........................على يدي طاري منامي..ولانمت

[عبدالله العويمر]

آه ياكبـر الــمـصـيـبه بـيـن اكـون أو لاأكـون



....................... وين اباهـرب دام نفسي يالمواجع سائله ؟



إن كتبت الشعر كنت ، وعشت حاير ومغبون



....................... كـنت يعــني يـاقصـيدي :نفس صارت زايله



وان سكتّ القى الهويّه ضايعه وسط الضنون



....................... يمكـن القاها ! ويـمكن عن ديـاري راحـله!

[عبدالله العويمر]

بنت وتبي تكتب اسم يبهر الكون

.............................تقول انا لي أمنيات وطموحات


تعلّمت فن الكتابه بلا لوووون

.........................وتحوّلت في آخر الدرب لـ شـتات


يازينها قبل الشعر تسحر عيون

.....................وبعد الشعر صارت فتاة الدعايات


فتاه تحسب جنسها..جرت لحون

..................ويوم انتهت قالولها أنتي فـِتــــــــــات

[عبدالله العويمر]

الأرض جــدبــا..والــســنابل تـهـاوت

......................والريح صرخه..والأمل موتتة اغياب

وشوفة سراب الأرض عندي تساوت

......................مع بـيــر خالي ..والـدلو فـاقـد احباب

[عبدالله العويمر]

تدري؟


..........ياعلّ عيون ماهي عيونك.


........................................تِعمى ، إذا ترفضك تامر وتنهى

[عبدالله العويمر]

............................... الاحتضار


................................................:

.................................................ل حظات

.................................................. ......... ولادة

.................................................. ..................الموتــــــ

[عبدالله العويمر]

لاتسأل المجروح عن سبّة الجرح



...................... ولاتسأل الضايق عن اسباب ضيقه





ولو حاول المجروح يبدي لك الشرح



...................... يضـيـع بـين الـسالـفه والـطـريقه





اللي حسبته باول العمر لي صررح



...................... انهار في لـحظة وضــوح الحقيقه





ياليت قبل الجمع حسّبتها طرح



...................... ولاشـفــت عـيني بالمدامع غريقه

[عبدالله العويمر]

لاصــــار عـندك من تولىّ الذيابه

..........................: الهيــــس ، خابت بالليالي هقاويك


هـــذا زمـــن مـــادلّع إلا : كــلابه

.........................والحــــر ياسلمـــــان ســــاووه بالديك


شف كيف قفّل دون هالذيب بابه!!


......................والـكـــلب طلّ من الفرح من شبابيك !!

[عبدالله العويمر]

لايــازمــن ماعـادوا احـــباب يســوون


.............................اللي من اول قلت : يسوون عيني


حكمت عقلي ، واصدر الحكم..وشلون؟

...........................وشلون احب اللي تجاهل حنيني



ياكثر ماجتــني من ايــديـهم اطعون

.........................وياكثـر ماجــتهم بطـيـبي يديني


وياقـل ماشفـت الوفـا فيهم يكون


......................وياقــل ماغابوا عن الشوق فيني

[عبدالله العويمر]

يابنت لاطحتي من عيون رجّـــال


....................خلي الحثاله فيك تهنى وترقىى


والاّ أنا أضحك على بعض الاشكال

...................اللي برسايل منك يابنت غرقىى