عقد لولو .. يتقلد أسى .. !! ( قصة ) ......... روح المنابع [الأرشيف]

مشاهدة النسخة كاملة : عقد لولو .. يتقلد أسى .. !! ( قصة ) ......... روح المنابع

شيمة

23-02-2006, 06:47 AM

.
.

فتحت عيونها بتعب ..
حاولت ترفع راسها .. ماقدرت
حست انها فقدت راسها

قالت في نفسها /

ياترى كم الساعة ..؟
الحين صباح لو مسا ..؟
مدري وش فيّه .. موب قادرة حتى
أحرك ايديه أييب الموبايل اشوف كم الساعة ..!!

دفنت راسها في مخدتها من يديد
وحاولت تسترخي
وتتنفس بهدوء

بدت اتردد أذكار الصباح .. مع انها ما تأكدت
من وقتها وفي أي ساعة هي ..!!

غالبت تعبها وقامت بكسل .. مع بعض
الآلام في جسمها
ساعة الهاتف تقول انها 6 الفجر ..!!

يااااالله الحمدلله بعدنا الفجر
مافاتتني الصلاة ..!

أسرعت للوضوء
في مرايتها وقفت عند غسل ويهّا
شد انتباهها حمرة في عيونها
وبعض التورم تحتهن ..!
تذكرت انها نامت وهي صايحة ..!

كملت وضوءها ..
وسرحت شوي
طرى على بالها .. ذاك الوجع ومر الأسى
رشت ويهّا بالماي ..!
كأنها تريد مسح ألم تذكرته .

قبل لا تبدأ في الصلاة لاحظت جفاف ذراعها

أوووووووه
كالعادة .. كل مافكرت فيه
نسيت حتى تواتر الوضوء ..!!
ياربي ارحمني برحمتك .

ردت من يديد تعيد وضوء الفجر
اللي قرب يرحل وهي
فكرها راحل قبله ..

فرشت سيادتها .. وكبرت للصلاة .

خالد العتيبي

23-02-2006, 07:24 AM

.
.
.

كلُّ ماهنا ينبض بالروح .
منذ أحاسيس التعب .. وحتى العلاقة الروحية الأقوى مع الله .

http://www.shathaaya.com/vb/images/smilies/i.gif

لـ روحك .:)

شيمة

23-02-2006, 07:27 AM

.
.
.

كلُّ ماهنا ينبض بالروح .
منذ أحاسيس التعب .. وحتى العلاقة الروحية الأقوى مع الله .

http://www.shathaaya.com/vb/images/smilies/i.gif

لـ روحك .:)

.

للحرف روح .. تتنفس حضورك
سيدي
كن بالقرب .. لبقية الأجزاء
النبض بحاجة / لنور هنا ..!

خالد العتيبي

23-02-2006, 07:31 AM

.
.
.

وهاأنا ذا أول من يستمد النور القادم من هنا
.
.
وأتابع .:)

طفلة القمر،،

23-02-2006, 05:12 PM

غاليتي شيخه

أبدعتي بكل المواضيع

وبكل الأحرف رسمتيها بإتقان

سأكون قطرة من شمعتك المشتعله غاليتي

استمري

شيمة

23-02-2006, 06:04 PM

غاليتي شيخه

أبدعتي بكل المواضيع

وبكل الأحرف رسمتيها بإتقان

سأكون قطرة من شمعتك المشتعله غاليتي

استمري

.

كوني قطرة حنان
تحيي بقلبي / مليون شريان .

لاتبتعدي طفلة .

شيمة

23-02-2006, 06:05 PM

.
.

أنهت صلاتها .. ورفعت كفوفها
تطلب من الله .. وتشتكي خوفها ..!!

يارب .. وانت عالم بحالي .. مثلما
أسكنته فوادي على غير ميعاد ..!
اللهم .. عطني الجلد على بعده .. وحرماني منه
ومثلما .. ملكته نبضي ومشاعري ..
غصب عني .. اجبر عزاي .. ان ماكان لي به / نصيب .

طوت سيادتها مع شيلة الصلاة .. وقامت تستعد
للخروج لعملها ..
ما قدرت تتخلص من هذا الأسى الجاثم على أنفاسها
ولا تقاوم مرارة العبرة اللي كل شوي / تخنقها

دادا وينج ... ؟ <<<<<< ( مربية رافقتها عمر )

صباح الخير يابنتي .. ازيك النهارده ..؟
مالك كفى الله الشر .. ليه وشك مخطوف كده ..؟!!

قامت وحبتها على راسها ..

صباح الخير دادا
وش اصبحتي فديتج ..؟

أنا كويسة .. بس انتي مش عجباني ..
مالك .. إيه تعبك ياعنيه ..؟

تنهدت وعضت على شفتها
تقاوم رجفة اعتلتها .. مهددة بالصياح
وبلعت ريقها بصعوبة .. ومعاه عبرة / مرة

مافيه شي يادادا
بس تعبانة شويه .. لاتشغلين بالج

اشغل بالي .. ؟
واشغله في مين ان ماكنتش اشغله بيكي
دى انتي حبيبتي وبنتي ودنيتي كلها

أدري فديتج .. حبيبتي انتي يادادا
بس مابا أثقل عليج واتعبج اويايه

المهم فديتج جهزي لي الشاي
عشان اطلع تأخرت .

مش حاتفطري ..؟

مالي نفس يادادا
يالله يالله اشرب الشاي

طلعت عنها حزينة لحالها
تردد بعض الأدعية ان يحفظها الله
ويطمن قلبها .

مشطت شعرها .. وسرحت .. لين حامت روحها
صوبه .. مسافرة لدياره .
تذكرت حبه لشعرها الطويل .. وكيف كان يتمنى
لو ليلة يتلحف به ..!
ابتسمت .. وخرت دمعة مريرة على خدها
وسقطت على خصلات شعرها ..!!

تنهدت وقالت في نفسها ..

هذا الشعر اللي ماسقاه غير دهن العود
خسااااارة .. من عذابك .. صارت حتى دموعي
تغمره .. تسقيه .!!

لبست عباتها .. وطلعت للصالة
تشرب كاسة الشاي على عجل .

عبدالله العويمر

23-02-2006, 06:44 PM

سأتابع الجمال: شيخة

لفكرك ولقلمك

المتابعة والفرح

دمت ِ بخير

إيمان السعيد

23-02-2006, 07:16 PM

قصة رائعه

حروف نابضة

يسعدنى المتابعة

دمتى بود سيدتى

محمد الفرحان

26-02-2006, 06:33 AM

.

.

متابع لإبداع روح المنابع

الشيخه التي لاتحضر الابكل

جديد ومميز . .

شيمة

26-02-2006, 08:32 AM

.

نزلت .. و هي شاردة الذهن
عقب ما حبت راس ابوها وامها وكفوفهم .

ركبت السيارة ..
كانت الإذاعة تبث أخبار وجع العراق ونزفه ..!!

محيي لو سمحت غير المحطة ..
في نفسها ... ( موب مزدادة روحي ألم ولا جروحي نزف) ..!!

انبعث صوت القيثارة الفيروزي النغمات

كنا نبعت له مكتوب يبعت مكتوبين
شو قالوا لك يا محبوب مغيّر من شهرين ..!!

تنهدت بحرقة تقاوم عبراتها المزمنة

في طريقها مرت بشارع زايد الثاني
ويت عينها على قصر الحصن ..

ااااه ياويلي يابويه .. الله يرحمك يا الحنان
هذا بيتك ومرباك صغير
كل ما شفناه زادنا ويع ولوعة لفرقاك .

مسحت دمعة تحدرت تحت غشوتها
ما رامت لها حيلة
عشان تمنعها من النزول .

وصلت مكتبها ..

صباح الخير روضة

هلا يسعد صباحج فديتج

وش أصبحتم اليوم ..
وش آخر أخبارنا .. والوزارة اليديدة ..؟!!

سلامتج طال عمرج لا جديد
ترى نحن في عملنا واللي ياي حياه الله

صدقتي والله يا روضة
ربي يوفقهم بس .. للي فيه خير البلاد والعباد
هاه شو جدولنا اليوم ..؟!!

يطول لي فعمرج .. المجمع الثقافي اتصلوا
بخصوص معرض صور ابويه زايد والترتيب له

ياااالله يا روضة لا تزيديني والله اني توني
مريت من جدّام قصر الحصن ولا تمالكت نفسي
ياويل قلبي لي متى هالحزن كل ماانذكر اسمه او شفناله صورة ..!!

ربي يرحمنا برحمته فديتج وش نسوي ..!
المهم .. اتصل بي بعد الشاعر الكبير ( ......... )
يسأل عن موضوع الأمسية اللي دعيناه لها
من ضمن فعاليات المعرض ..

انزين فديتج اتصلي به وحوليه عليه
وأنا بارتب اوياه موضوع قدومه و مكان الإقامة
ما نبا نتفشل مع شخصيات لها ثقلها في الساحة
الأدبية والإعلامية .

حاضر فديتج .. تامريني شي ثاني ..؟

سلامة روحج يا روضة .. وسامحيني أثقل عليج
لكن والله اني مدري لولاج وش سويت ..!!

فديتج عيوني لج .. بس المهم أشوف ابتسامتج
الحلوة ترجع من يديد .

تنهدت بحزن وهزت راسها
مثل اللي يقول ان شالله .

فهد الدباسي

26-02-2006, 07:14 PM

شيخة الشيخات

حتماً أنتي مختلفة

تكتبين بـ شفافيةٍ عجيبة

لـ هذا النص روحٌ لم اقرأها في نصٍ منذ زمن

دمتي كما أنتي

تقبلي تحياتي

ضوى قطر

26-02-2006, 08:19 PM

http://www.fileupyours.com/files/20751/s1.gif

متابعه بشغف..

http://www.fileupyours.com/files/20751/s2.gif

شيمة

28-02-2006, 07:35 AM

سأتابع الجمال: شيخة

لفكرك ولقلمك

المتابعة والفرح

دمت ِ بخير

.

دام فرحي .. بوصلك
ورقي حضورك .. كلي فخر ياابعدي .

شيمة

28-02-2006, 07:36 AM

قصة رائعه

حروف نابضة

يسعدنى المتابعة

دمتى بود سيدتى

.

دمتي نغم .. لأعذب بوح .

شيمة

28-02-2006, 07:37 AM

.

.

متابع لإبداع روح المنابع

الشيخه التي لاتحضر الابكل

جديد ومميز . .

.

متابعتك لأختك / أنفاس قلم
ولها .. روح .

شيمة

28-02-2006, 07:39 AM

شيخة الشيخات

حتماً أنتي مختلفة

تكتبين بـ شفافيةٍ عجيبة

لـ هذا النص روحٌ لم اقرأها في نصٍ منذ زمن

دمتي كما أنتي

تقبلي تحياتي

.

سيدي / الشهادة من قلم رائع
وأستاذ كبير مثلك .. لاشك تبعث في قلمي الروح

تدري ليش اختك مختلفة ..؟!!
أختك يا فهد مختلفة بكم ولكم ..
أنا كلي بعض من نبضكم الغالي .

كن بالقرب .

شيمة

28-02-2006, 07:41 AM

http://www.fileupyours.com/files/20751/s1.gif

متابعه بشغف..

http://www.fileupyours.com/files/20751/s2.gif

.

وأنا كلي شرف .. ياحبايبي ياهل قطر .

شيمة

28-02-2006, 07:42 AM

.

جرس الخط الداخلي للمكتب ..

الو .. هلا روضة .. لبيج عيوني .

غناتي فيه وحدة تبا تقابلج
على انفراد .

ما قالت هي من .. ؟

لا .. سألتها قالت .. صديقة قديمة .!!

انزين لا خليت منج خليها تقرب ..
وخلي سيد اييب لنا كابتشينو .. ترى أنا للحين بعدج ما ضيفتيني ..!!

تضحك مشاكسة لروضة ..

بس جذية .. ؟ فااااالج طيب الحين احلى كابتشينو .. لأغلى عيون .

دخلت الضيفة .. ووقفت تلقي السلام ..

عرفتيني ..؟!

لاوالله .. الصوت موب غريب عليه .. بس شلي الغشوة عشان أشوفج
كيف باعرفج وأنا ماشفتج بعدني .. !!

هاه عرفتيني الحين ..!!

أووووه / فددددديتج .. موزة ..!! ..

تحضنها بود ووله قديم .. وبحرارة لقاء تأخر سنين .

الموز .. من متى ماشفتج .. وين دارج .. وليش ماتنشدين عني
نسيتي أيام الجامعة .. والسكن الداخلي ..؟؟!!
نسيتي العين .. وطلعتنا كل أسبوع من بوظبي للجامعة
وسوالفنا و أحلامنا اللي كنا نرسمها ارباعة ..؟!!

لا والله فديتج ما نسيت لكن الدنيا .. تاخذ المودمي من عمره ..
هاه .. طمنيني عليج .. وش أخبارج وش مسويه مع الأيام
بعدج حساسة مثل ما أحيدج .. ودمعتج قريبة ..؟!!

هيه والله يا موزة .. الا أكثر بعد .. كنا نظن لي كبرنا بنقسى
وبيشتد عودنا .. وتقوى قلوبنا ..!!
الظاهر ياغناتي .. كل ما كبرنا من كثر الجراح ضعفنا زيادة
ولا عاد للقلوب قوة على جمع الألم وتضميد النواح ..!!
انتي خبريني وش أخبارج وين صرتي ..

فديتج أنا توضفت في المجمع الثقافي .. ومستقرة هناك
والعمل مريح .. ونتعامل مع طبقة مثقفة .. ونستضيف ناس
تدرين على مستوى فكري معين ..
انتي بعدج تكتبين مثل يوم كنا بالجامعة ..؟

هيه نعم بعدني أكتب بس على خفيف .. لزحمة العمل
وكثر المسؤوليات ..
وهذه الأيام نحن نرتب لمعرض عندكم لصور الغلا ابويه زايد
ومستضيفين عدة كتاب وشعراء على شرف المعرض ..

انزين عشان جذيه أنا يايه أنسق اوياكم بهالخصوص
وكم استانست يوم دريت انج انتي اللي ماسكة الموضوع .

حياج الله ملايين والله ياموزة .. الساعة المباركة فديتج
وفديت هالمعرض اللي خلاني أشوفج .. وأتطمن عليج ..
تفضلي فديتج .. اشربي هالكابتشينو الفنان .. ترى مابتلقين
حد يسويه مثلنا .. على قولة أخوانا المصريين .. ولا أجدعها كافيه
يسويه بهالزين .. تفضلي غناتي بالعافية .

سرحت ثواني .. لحظة داعبت أنفاسها رائحة القهوة
تذكرت يوم قالت له ..
لحظة ما تتقهوى فنيالك الصباحي .. أنا أشم أنفاسك
بصدري .. وعلى البعد أحسك بشراييني مع الأنفاس تجري .

ابتسمت بحزن .. وانتبهت ان موزة كانت تكلمها .. !!!

نايف آل عبدالرحمن

28-02-2006, 04:33 PM

سيدتي

شيخة الشيخات

كنت أتمنى

أن أستطيع أن أكتب

بعض المفردات

لتعبر عن شعور أصابني

وأنا أستمع إلى إيقاع عزفكِ

ناهيكِ عن حروفكِ

التي رسمتي بريشة من ذهب

سيدتي

لا أريد أن أخدش زجاج لوحتكِ بخربشتي

لكن أسمحي لي أن أكون مع المتفرجين

على معرض إبداعكِ

وأسمحي لي أن أغترف بيدي

من بحر إبداع تنهلين منه

فقد تروي عروقي العطشى

لكِ أرق تحية

اسير الوفاء

28-02-2006, 04:54 PM

هلمي سيدتي

فمحراب ليل الصلوات يغازل ترنيمة العشق في تلاوة صلاتك

اركعي في مهبط الاماني

واسجدي في غيهب الحضور

استمري في ابتهالاتك

فرنين الحرف في معبد عشق يغرق ذاتك

ما احيلاها جمالات نبض

تكتب في الشعر صفاتك

شيختي

دام ربيع احساسك

اسير

شيمة

01-03-2006, 01:37 PM

ضوى قطر

01-03-2006, 06:22 PM

http://www.fileupyours.com/files/20751/s1.gif

سرحت ثواني .. لحظة داعبت أنفاسها رائحة القهوة
تذكرت يوم قالت له ..
لحظة ما تتقهوى فنيالك الصباحي .. أنا أشم أنفاسك
بصدري .. وعلى البعد أحسك بشراييني مع الأنفاس تجري .

:(

http://www.fileupyours.com/files/20751/s2.gif

شيمة

04-03-2006, 12:55 PM

شيمة

04-03-2006, 12:57 PM

http://www.fileupyours.com/files/20751/s1.gif

:(

http://www.fileupyours.com/files/20751/s2.gif

.

ف

د

ي

ت

ج

:)

شيمة

04-03-2006, 12:58 PM

.

انتبهت لصوت موزة يناديها

هاه فديتج .. شوكنتي تقولين ..؟

وييييييه يا طفلة .. من متى أرمّسج ..
وانتي ولاهوب اويايه ..!!
شوه .. أخاف حب يديد يا غناتي وداسّة علينا .!!

ابتسمت طفلة .. بحزن .

ياااااااالله يا موزة وين الحين اللي يستاهل الحب
والحب من الأصل وينه ..؟
اقري عليه الفاتحة يا شيختي ..
على قولة خالد الفيصل ..
عقب القصور أمست بيوته خرايب .!!

عيل أنا حظي أحسن من حظج ..

جيف ..؟

أعيش أعذب قصة حب .. وكأني في عالم ثاني
ما تتصورين حاسة اني انولدت من يديد .

الله يهنيج ويسعدج فديتج
ما نتمنى لج غير الراحة لاخليت منج .

وصل صدى صوته لقلبها .. وسرحت من يديد
ناداها الماضي .. حين أوصل لها إحساسه
لأول مرة .

شيختي أنا معجب بج فوق ما تتخيلين .

وأنا أعتز طويل العمر .

هزت راسها بحزن
وتنهدت بألم دون ماتدري .

نبهها صوت موزة ..

أفا .. بيعينا في السوق ياطفلة
وش هالتنهيدة اللي احرقت يوفج
عسى ماشر ياقلبي
أقدر أساعدج في شي ..؟!!

لالا غناتي .. بس تذكرت موقف قديم
انتهى هو وأصحابه .. لا تشلين هم .

انزين أرويج شي يسعد قلبج وينسيج الهم ..؟

ياليت .. والله ياموزة محتاية أفقد الذاكرة
مش بس أنسى ..!!
هاه رويني وش عندج .

شوفي اقري هالمسج الغاوية من عند الغالي

توقف نبضها للحظة
وتحجرت نظرتها على شاشة الموبايل
حاولت تتكلم .. ما لقت صوتها

دقات قلبها ردت للخفقان بسرعة شديدة
لدرجة خافت لاتسمعها موزة

ترقرقت دمعة في عيونها
وابلعت عبرتها بعد جهد مع أنفاسها

موزة .. من وين يت هالمسج .؟

ترى فديتج قلت لج من عند الغالي

ياربي أسألها عن اسمه
لا
مااقدر وش باتقول عني
بس .. موب معقولة هذي المسج أنا صغت حروفها
وأنا نزفتها من قلبي
و أرسلتها له .!
كيف وصلت لحبيبها وأرسلها لها ..!!

لالا
أكيد مثل باقي المسجات تداولوها
لين وصلتها
ليش احرق قلبي وهو ابروحه موب ناقص .

مسحت بيديها على ويها

أشهد أن لا إله الا الله .

!

!

وسط ذهول موزة .

مزون المحمد

06-03-2006, 05:35 AM

شيخة الشيخات

حرف راقي استمتعنا بروعته

لله درك

دمتِ مبدعه