الشاعر المُجدد / عبدالله العليوي

[فهد الدباسي]

فجع الشعر و أهله بـ فقد من هيمن على الكلمة

و فرض نفسه بـ كل ثقة على الساحة الشعبية


استطاع أن يرغم الجميع بـ قبول ذلك التجديد الذي أتى به من كوامنه إلى أهل الشعر و الأدب

هو الشاعر الكبير / عبد الله بن عبدالعزيز العليوي

ولد في مدينة عنيزه عام 1373هـ

و حصل على الشهادة الثانوية و قد أقام أمسيتين في حياته

و استطاع أن يفوز ببطولة المملكة لـ القصة القصيرة في التسعينات الهجرية و جاءت بـ عنوان (( لمحة وفاء ))

هو شاعر شعبي وأديب ندر تواجد أمثاله في زمن الإعلام المبتذل

شاعر استطاع خلال 25 سنةأن يصور الآلام و أن يرسم أحزان الآخرين رغم عدم استطاعته النهوض من ثقل الأحزان التي فوق كتفيه لـ يرسم لنا الإبداع و الجمال


عمل مشرفا ثقافيا في النادي العربي بعنيزه و كان شعلة من النشاط

فـ حقق النادي في ذلك الوقت العديد من الإنجازات الثقافية

سواء داخل القصيم أو خارجه


صدر له ديوان مطبوع جاء بعنوان (( بقايا شوق )) ضم اكثر من 72 قصيدة و كان الإهداء إلى والدته


طويت بـ وفاته صفحة من أهم الصفحات في تاريخ الشعر الحديث



توفي رحمه الله يوم الخميس الموافق2/11/1424هـ و صلي عليه بـ جامع الضليعيه في مدينة عنيزه

رحم الله الفقيد فـ قد كان من أعمدة الشعر الشعبي المُجدد


و هذه بعض قصائد الراحل

[فهد الدباسي]

منـك انهتينـا يــا مخـيـب رجـانـا=الصبر طـال وعذبتنـا المشاويـر
في موت حبـك يجبـر الله عزانـا=بيـدك رميتـه لا تقـول المقـاديـر
لـــولاك حـنــا مـاتـبـدل غـلانــا=كـل الوفـا منـا ولا مـنـك تقـديـر
قلنـا سحابـه صيـف تعبـر سمانـا=وتزول ماله في سما الحب تأثير
غدرك على نسيـان حبـك حدانـا=هـذي سواتـك مـا تفيـد المعاذيـر
عفنـاك واللـي عالـم فــي خفـانـا=البعد عنك ارحم وقلبك مع الغير
تبيـعـنـا والـيــوم تـبـكـي هـوانــا=لايا عديم القلب فرقاك لـي خيـر

[فهد الدباسي]

ياللي نسيـت الحـب مثلـك نسينـاه=جرحي يهون لا ومذلة خضوعي
قصـرك بقلبـي طـاح ونهـد مبنـاه=لاتنتظـر مـنـي لحـبـك رجـوعـي
من عافنـا ننسـى غرامـه وذكـراه=لا واحسايف في غيابـك دموعـي
الغـدر فـي نظراتـك اليـوم شفنـاه=الـيـوم نظـراتـك لقلـبـي تـروعـي
مليت حب ضاع عمـري برجـواه=وهديت من زود الغرابيل روعـي
يا من قطع حبل الرجـاوي بيمنـاه=من دمعتك اشعلت طافي شموعي

[فهد الدباسي]

شفتك مع اللي صار عقبي حبيبـك=واحتارت العبره بعينـي وصديـت
مدري هي الصدفه لدربي تجيبـك=مدري انا اللي في دروبك تحريت
ملكتـنـي واقفـيـت ربــي حسيـبـك=مـا تعـرف الرحمـه بقلـب توليـت
يا قلب جرحـك سبتـه مـن طبيبـك=يا قلب ليتك بالوفـاء مـا تمـاديـت
مـن حبنـا كــل السـعـاده نصيـبـك=يـا فاقـد الاحسـاس عنـي تخلـيـت
وش فايـده لا قلـت عـنـي حبيـبـك=وانـت بحياتـك يـوم ماظـن حبيـت

[فهد الدباسي]

لولا غيابك ياهـوى النفـس مـا ضـاق=صـدري ولا بانـت بنظراتـي الشـوق
لي قلب مثلك واسهـر الليـل واشتـاق=غـيـرك فــلا والله تمـنـيـت مـخـلـوق
بينـي وبينـك خـطـوة الـرجـل تنـعـاق=حسبي على اللي صار من بيننا عوق
اجرح وقلبي لك على الطول منسـاق=رمشك ملكني وساقنـي للهوى سـوق
كمّـل جمالـك والـي العـرش بأخـلاق=حتى الجروح اللي تجي منك له ذوق
كيف انتهت ذيـك المشاويـر بـا فـراق=العـام الاول كـا نــت احلامـنـا فــوق

[فهد الدباسي]

خــلاص لاتـرجـع تـرانــا سلـيـنـا=ما كنـت اصـدق يـوم انـي ابنسـاك
فــي بعـدكـم يـامــا علـيـكـم بكـيـنـا=واليوم ما تطري على البال طرياك
وانـا ادري انـك رغـم صـدك تبينـا=لاشك نـاس ضدنـا تقصـر اخطـاك
خــل الــذي غـيـر حنـانـك علـيـنـا=يعطيك مـن قلبـه ربـع مـا عطينـاك
وشـعـاد لا صــار الـسـلام بيـديـنـا=قلبـي وقلـبـك بينـهـا درات افــلاك
ودعـت مــا ضــي حبـنـا وانتهيـنـا=وقـلـب نسيـتـه يــوم لابــد ينـسـاك
من سكرة الحب الصناعي صحينـا=حتى المجالس عفتها خوف ذكراك
حــب جـديـد غـيــر حـبــك لقـيـنـا=حديتـنـي جـعـل اللـيـالـي تـحــداك

[فهد الدباسي]

انـا تقبلـت العـزاء بـك مــن الـعـام=كـن العزاءفـي مـوت حبـك تهانـي
ياما سهرت الليل لا غبـت مـا انـام=ترقد وانا ازرع في رجاك الاماني
واثر السعاده في رجاء حبك اوهام=لاطـاب جـرح صابنـي منـك ثانـي
جارت على قلبي شقـا ذيـك الايـام=اشكيـك للـي فـي غــلاك ابتـلانـي
سهـرت علـى عيـون ماظـن تنـلام=ذاك امس والا اليوم ماجـاء كفانـي
افــرح بطيـشـك والغرابـيـل قــدام=ياطاك مـن وقتـك مثـل مـا وطانـي

[فهد الدباسي]

ماجيت حب لك ولا نيب راجيك=ماجيت يمك في رجاء مد يمنـاك
جيتك مثل غيري بنفسك اعزيـك=مالك وجـود اليـوم مـت ودفنـاك
شربت منك المر واكتم واداريك=حتى عـدوي مـا يسـوي سوايـاك
الشاهد الله ما خبر جبت طاريـك=وان جالك الطاري بخير ذكرناك
عين بكت لك ما تلـد النظـر فيـك=غصب ٍ علينا من سواياك عفناك
عواذلـي قامـت تبيعـك وتشريـك=ارجوك تبعـد عيدنـا يـوم فرقـاك

[فهد الدباسي]

طبعك تحب بكـل جـرح التمـادي=توي دريت امسح دموع التماسيح
اول جروحك زارني قلت عـادي=سحابـة هلـت وزلـت مـع الريـح
تذلنـي بالحـب ويـن انـت غــادي=عند المذله نرفـع الـراس ونشيـح
ليت الزمـن بينـي وبينـك حيـادي=حتى الزمن وياك والله مـا اطيـح
يمـوت حـب ولاتمـوت المـبـادي=ابختنق في عبرتي بس ما اصيـح
مـع اللبـن حـنـا شربـنـا العـنـادي=ياليـت تبعـد كـان ترتـاح وتـريـح

[فهد الدباسي]

ماجيـت دربـك راضـي باختيـاري=لك خطوتي تنقـاد لا عنـي ابطيـت
ابعد عن الـي لـك يجيبـون طـاري=وان زارني طيفـك لزولـك تمنيـت
لانت بعيـد ولا طفـت منـك نـاري=فيك الامل لاهوب حـي ولا ميـت
تخطي واقدم عن خطاك اعتـذاري=حتى خطاك انساه ما كنك اخطيت
بين الرجا واليـاس طـال انتظـاري=والياس رحمه ياشقـى مـن توليـت
اعلنـت بالفرقـى عليـك انتصـاري=بالقلب اشوفك مثل غيرك تساويت

[فهد الدباسي]

قلـي علـى الله وابتعـد عنـك وارتـاح=قلي على الله بـس مـن غيـر تجريـح
من شب نار الشوق ياشـوق ماصـاح=واللي وطاها يشرح الجيـب ويصيـح
لولا الغلا مـا هانـت النفـس ياصـاح=محبـتـي لــك مــا وراهــا مصالـيـح
وشلون تنسى يالغضـي كـل مـا راح=مركب غرامك سار مع وجهة الريح
القلـب فـي يمـنـاك ياعـزوتـي طــاح=وحنا على شـط الامـل بـك مجاريـح
جرحتنـي واحسـبـك للقـلـب جــراح=اشـوف بعيونـك علـى الصـد تلمـيـح

[فهد الدباسي]

مابي حياتي لا خلت منـك تنعـاف=وش الليالـي لاخلـت مـن قمـرهـا
جرحتني واليـوم مـا عـاد تنشـاف=عيـنـي تمـنـى شوفـتـك يانـظـرهـا
ياصاحبي قلبي على جال ميهـاف=الـروح يالغـالـي تـزايـد خطـرهـا
ماترحم اللي للشقـا صـار ميـلاف=لـك فرحـة الدنـيـا وحـنـا كـدرهـا
تبكي عليك الدار يازين الاوصاف=لـيـت النهـايـه مــا تبـيـن خـبـرهـا
ايام قربك يالغضـي مابـي خـلاف=راحــت لـيـالـي حـبـنـا ياقـمـرهـا

[فهد الدباسي]

اشـوفـك ماسـألـت وقـلـت طــوّل=عـسـى مـاشـر زولــك مانشـوفـه
عـسـى قلـبـك لغـيـري مـاتـحـوّل=مـــادام انـــك بـقـلـبـي لاتـلـوفــه
عــذول (ن) بينـنـا قــال وتـقــوّل=تجـي وتـروح والعيـن امخطوفـه
تـذكـر فــي ربـيـع الـعـام ألاوّل=تـذكـر قـبـل تجـرحـك الحسـوفـه
لاجـا فـي خاطـري هـمّ وتـجـوّل=وانا أرجي من ورا الظالم مروفه
بقلبـي حــب لــو صـابـك تـهـوّل=تعرف الحب ! يمكن من حروفـه

[فهد الدباسي]

ثار السكون وبالسمـاء لمعـت بـروق=زمـت سحابـه وأمـطـرت ذكريـاتـك
هلت مدامع حسرتي وأبرض الشوق=ابكـي جنـونـي فـيـك وأذكــر ثبـاتـك
فــز النـهـار وكـنـه اللـيـل مـلـحـوق=والنـوم حتـى النـوم ســوى سـواتـك
ياسـارق أحـلامـي تمـاديـت بالـبـوق=عنـي وعـن هالـحـال طــال التفـاتـك
مالـلـحـزن مـعـنــى ومـالـلـنـدم ذوق=اللـي حصـل تعبيرعـن حسـن ذاتــك
جيتك بقايـا حيـل فـي قلـب محـروق=وشلون هديت السكـون بحصاتـك !!

[فهد الدباسي]

مـدري متـى صـارت جروحـي تسليـك=عـقـب الـوفـا وشـلـون غـرتـك دنـيــاك
يـامـن عـلـى الـيـوم كـثـرت طـواريــك=نـهـايــة الــغـــدار مــاظـــن تـخــفــاك
فــي حـبـك الثـانـي عـسـى الله يهـنـيـك=حـنــا مـــع الأيــــام نــدلــه ونـنـســاك
كنـت الرجـا واليـوم خـاب الرجـا فيـك=ارخـصـت ماضيـنـا وغـيـرت مـبــداك
ويــن الحـنـان الـلــي مـقــره محـانـيـك=ويـن الضميـر اللـي عـن الغـدر ينـهـاك
غالي الدموع ارخصتها لك وانا ارجيك=ابـنــي لـــك بـدمـعـي وتـهــدم بيـمـنـاك
يكفـيـنـي مـاقـاسـيـت مــنــك وتـغـلـيـك=منـتـب عـلـى قلـبـي وصـــي ومـــلاك

[فهد الدباسي]

حاولت اعزي مثل غيري من الناس=لقيـت نفسـي استـحـق الـعـزاء فـيـه
ياموت مالك قلب ماعنـدك احسـاس=ماشفت حال اللي فقد شـوف غاليـه
ياموت ماترحم طـوى حالـي اليـاس=قلبـي جـريـح مالـقـى مــن يواسـيـه
ياموت لوتشرب من الهـم لـو كـاس=تـرحـم وحـيـد هـــم قـلـبـه يـبـاريـه
قالـوا مـقـدر قـلـت يـانـاس لابــاس=اصبر وهمي في حشا القلب مخفيه
امر قضاه الله علـى العيـن والـراس=خلـونـي انـسـا لاتجـيـبـون طـاريــه

[فهد الدباسي]

مـرثـيـة الشـاعـر / سـلـيـمـان الـسـلامـة



ماعابني دمعي على الخـد لـو جبـت=علـيـك دمــع وســم بـخـدي أحــدود
ياللي عليك الدمع لـو فـاض ماعبـت=عينـي ولكـن الصبـر طـبـع محـمـود
الـمـوت ماغيـبـك عـنـا ولــو غـبـت=ذكرك على صفحات الابداع موجود
أرجـي عسـى ربـي كـثـر ماتعـذبـت=يرحمـك بالجنـة عـن ايامـك الـسـود
ماطـابـت الدنـيـا بعيـنـك ولا طـبــت=مايوم في ساعة فـرح كنـت محسـود
اول حيـاتـك فــي همـومـك تغـربـت=واخــر حيـاتـك مـابـقـى للـعـنـا زود
دنـيــا الـشـقـا ودعـتـهـا مـاتـطـربـت=منهـا بغيـر الـهـم والـحـزن مــردود
صديت عـن قاصـي ودانـي وجنبـت=وقتـك معـزة ماهـو برغـبـة صــدود
وتـركـت هالدنـيـا لغـيـرك وغـربـت=مـالـك محاسـيـفٍ ولا شــئ مـفـقـود
عسى العوض ياللي من الهـم شيبـت=فـي جـنـة الرحـمـن وبـظـل مـمـدود

[مزون المحمد]

فهد الدباسي



مجهود رائع نشكرك عليه


متصفح يحمل الوفاء لشاعر كبير


لاهنت يافهد


دمت بخير

[محمد الفرحان]

.

.

رحم الله الشاعر المجدد عبدالله العليوي

وأسكنه فسيح جناته . .

وكل الشكر لك اخي فهد على هذا المتصفح

المتميز والذي سأكرر التردد عليه . . .

.

.

دمت كماتحب

.

.

تقبل فائق تقديري واحترامي

[فهد الدباسي]

مزون المحمد


شكراً على هذا الحضور



الوفاء أكبر من أن نذكره هنا


فـ هذا واجب

أما الوفاء نحاول أن نصل إليه جميعاً مع من يستحق


شكراً لـ حضوركِ أختي

تقبلي تحياتي

[جمال العتيبي]

رائع موضوعك اخي فهد

وطرح لشاعر جميل سلمت اناملك

اخوك

[سليمان العقيل]

متصفح يحمل الوفاء لشاعر كبير


لاهنت يافهد

[إيمان السعيد]

رائعه استاذى

واتمنى ان تكلمها لنا

لك الود والتقدير

نغم

[فهد الدباسي]

محمد الفرحان



شكراً لك على هذا الحضور العاطر



و ماهذا المتصفح

إلا لمسةُ وفاءٍ لـ من قدم لـ الشعرِ الكثير و حقهُ علينا الوفاء



تحياتي

[مشاعل ابراهيم]

لي عووووووووودة

[بروق السحايب]

رحم الله الشاعر المجدد عبدالله العليوي

وأسكنه فسيح جناته


بارك الله فيك أخي فهد الدباسي على هذه الوقفة الوفية والتي يستحقها شاعرنا رحمه الله تعالى