http://www.youtube.com/watch?v=FJdJDr87uoA




.

نخلة(ن) طالت وفي راسها جـات عوجـه = عدّت الشـارع وجـا خيرهـا للـي بعيـد
ادعموهـــــــا بالسنـايـد عسـاهـا تتّـجــــه = يـمّ مغرسهـا ومنهـا القرايـب تستفيـد
مـا رجينـــــا تمرهـا مـن خلقنـا بفرجــــه = مير والله يوجعـك كثـر غلطات البليـد
شـينها لا جـــا قريبـك عنيـد(ن) وعلجـــه = يبـدي الجفـوا لربعـه وللقاصـي وديـد
أشــهد ان جــور القرايب أمـرّ مـن حدجـه = يوجع الرجّال واثقـل عليـه مـن الحديـد
أبعـــد الخطـــوة وخـلّ البـواقـي مدمجـــه = بعدك امن معقّدين البشـر عيـد(ن) سعيـد
عــزّ نفسـك وارفـع الـراس واحـذر تحرجـه = وانصحك من مـدّة الكـفّ للنـذل الزهيـد
راكب اللي لا ابعد الدرب وارمس يسهجـه = المكينة إيت فكس آر مـن نـوع(ن) فريـد
لا اشتغل لا كنّ صوته جـراد(ن) بخرجــه = المراتب بـاردة لـوه فـي الحـرّ الشديـد
وجّهه شرق(ن) ودس بصمته ثـم ارهجـه = يمّ أبـو راشـد وكـبّ الوصايـا والبريـد
عقب ضيقة صدرك الشيخ والله ان يبهجـه = بالجناب الزيـن والعقـل والـراي السديـد
أكــرم العالـم طليـق المحيّــا والـوجـــــــه = الخليفـي وارث الطيـب والعـزّ التلـيـد
ظـلّ غــار(ن) مايقـارن بظـلّ العوسـجـه = الجبـل فيه الــذرى والكـلا والمـاء أكيـد
ياحمــد كثروا هل الـزور واهـل البهرجـه = الصدوق يعيش كنّـه علـى الدنيـا وحيـد
جاوك اهل الكـذب فوق الخيـول المسرجـه = ويش يسوى عندهم طارق(ن) وابن الوليد ؟
فيهـم اللي نافـق بمــدح ديـد(ن) يلهجـــه = وان غرز سبّه ودوّر على ديـد(ن) جديـد
أشهد ان الكذب لا جاء برجل(ن) يسمجـه = ابن عمّ الـذّل حبلـه ذراع(ن) مـا يزيـد

ليا جاك الحبردي يردي وش تعشيه ؟؟؟
قصــــة .. ومثـــل
عاش مطلق ابوسنون العتيبي مرحلة طفولته مع عوانيه ال سليم امراء عنيزة وعندما كبر لم يرد العودة الى القبيلة وفضل الذهاب الى ابن رشيد ومخاواته ،
وقبل ابن رشيد بخوته وكان يشاوره في كثير من الامور ونظرا لكثرة غزوات ابن رشيد على القبائل المجاورة والبعيدة كان كلما يشاور مطلق في الغزو على قبيلة عتيبة يختلق مطلق الاعذار ويحرف الغزو على قبيلة غير عتيبة.
وكان ابن رشيد على علم بعواطف مطلق تجاه قبيلته وفي احد المرات امر ابن رشيد شمر بالتحضير للغزو على قبيلة لم يسميها ولم ياخذ برأي مطلق ابوسنون في ذلك الامر .
وعندما اتجه ابن رشيد بجيشه جنوبا علم مطلق ان المقصود عتيبة وحال وصولهم إلى الموية اختار ابن رشيد خمسة من فرسان شمر للقيام بمهمة السبر واستقصاء الاخبار ، وكانت هذه فرصة مطلق لانذار قبيلته.
فطلب من ابن رشيد الذهاب مع السبر ولكن ابن رشيد لم يعجبه الطلب و مع الحاح مطلق وافق بشرط ألاّ يتكلم نهائياً وأكّد على فرسان شمر أن يتابعوا تنفيذ أمره ، ووافق مطلق على هذا الطلب .
ذهب السبر وسادسهم مطلق ابوسنون وفي طريقهم وجدوا غلمان يحطبون ، قام السبر بسؤال الغلمان: من انتم ؟
قالوا: حنا نفعة وشيابين! ( كلاهما من قبائل عتيبة) .
اخذوا اخبارهم واماكن مراتع الابل وغيره من اخبار العتبان ، وعندها قال مطلق: ياعيال ! انتم جوعى ؟
قالوا : ايه .. والله جوعى !!
فمد يده إلى خرجه وأخذ يرمي عليهم من التمر الصقعي وهو يقول : اكلوا من التمر.
وتمر الصقعي لايأتي إلا من العراق ، ولا يكاد يوجد آنذاك إلا مع ابن رشيد ولكن أحسّ مطلق بأن الغلمان لم يفهموا إشارته فسألهم : عطشى ياعيال؟
قالوا: ايه نعم !!
وكان على الذلول قربتين فتناول الغلمان القربة اليسرى ، فقال لهم : القربة اليمنى ابرد !!
واخذ يخبط على ورك الذلول الذي عليه وسم ابن رشيد، ولكن بآءت محاولة الانذار الثانية بالفشل وذلك لبرود الغلمان وبطء فهمهم فادار ذلوله واخذ يقصد:
قيّـــلت فــــــوق المـويـــه شويـــــّة ++ وروّحـــــت جاي لـــــها دنــــــداني
انا جيت بين الداب والحنش والحية ++ واستدار بك المحال القلب ياشيباني
ويقصد مطلق بالداب ابن رشيد, والحنش السبر اللي معه, والحية قبيلته عتيبة وكان امله الوحيد لتوصيل الانذار هو غلام شيباني كان مع المجموعة فرجع السبر ومعهم مطلق الى ابن رشيد فاعطوه الاخبار، وسألهم: هل تكلم مطلق؟ فقالوا: لا ..لكنه كان كريماً كعادته وأعطاهم تمر وماء !!
فقال ابن رشيد: عطاهم تمر؟ اجل يابعدي معاد بقى الايقول جاكم ابن رشيد!!!
وبالفعل عندما رجع الغلمان الى اهلهم اوصلوا الاخبار الى اهلهم وكان معهم بقية من التمر ، والشيباني قد حفظ البيتين فقام بترديدها ، وبعدها اتخذت عتيبة الحيطة والحذر وتراجعوا قليلاً الى حرة كشب لردع ابن رشيد وعندما صبّحهم ابن رشيد وجد عتيبة قد اخذوا العدة والمتاريس واحتاطوا للغزو وزبنوا الابل فرجع غاضباً إلى حائل واضعاً مطلق تحت الحراسة المشددة .
وبعد فترة عفا ابن رشيد عن مطلق ولكن مطلق تأثر مما حدث له ، وصمم على الرحيل ، فأهداه ابن رشيد ذلولاً وجارية.
عاد مطلق الى عوانيه امراء عنيزة في ذروة قتالهم مع ابن رشيد ، كونٌ هنا وكونٌ هناك (الكون هو المعركة القصيرة الخاطفة) ، وحالف مطلق أهل عنيزة على ابن رشيد ، وكان يُعرف عند اهل عنيزة باسم الحبردي وله مربط خيل وبوابة تُعرف ببوابة أبوسنون الحبردي .
وفي أول قتال بين أهل عنيزة وابن رشيد بعد التحالف ، قام مطلق بقتل الكثير من فرسان شمر مما حدا بابن رشيد أن يأمر بشرب فنجال الحبردي.(وشرب الفنجال هو إعلان للتحدي عندما يشرب احدهم فنجال فلان فهو يتعهد بمنازلته وأن يركز جهوده عليه إلى ان يصرعه أو يصرع هو)
وفي كل ليلة من القتال يقوم أحد الفرسان الشمامرة بشرب فنجال الحبردي ،وعندما يسأل ابن رشيد عن فارسه في الليلة التي تليها يجيبه قومه بأنه قد تعشاه الحبردي !!! حتى قتل ستةً من أشجع فرسان شمر ، وبعدهم نودي بشرب فنجال الحبردي إلا أنه لم يتقدم أحد لشربه ، حينها قال احد مستشاري ابن رشيد واعوانه المقربين : لم يبقى يالامير الا انا ولا انت !!
فقال ابن رشيد كلمته الشهيرة : (((( ليا جاك الحبردي يردي وش تعشيه ؟! ))))
فيكون الرد الوحيد عليها : أنت وأنا !!

ماني بساذج .. وتكــفى غيـّر اعذارك
ولاّ انـت يعني بعينك ويش شايفني؟

أدقّ دايـم عليك .. اسأل عن اخبــارك
تقـول: مشغول وادري بك تصرّفني

مشغول وشّو وانا اللي أعرف اسرارك
واعْرفـْك جدا ..ً وأكثر ممّا أعرفني

تراني افهــم عليك .. وكـــنّ أطـوارك
تقول شكلك زهقْـت وشبْــه عايفني

إذا وجــودي معــك ما يلفت انظــارك
فالأحسن امشي.. ولا أقعد وتنزفني

يجوز لامــن مشيـت .. الحال يتـبارك
أرتاح وانسى ويرجع للكرى جفني

صحيح.. ودي في هـذا العمر نتشارك
لكنّ وضعـي معـاك الحين يؤسفني

أنا طبــاعي كــذا مــن قبـل لا اختارك
ماقـطّ وجهي على اللي ما يوالفني

إمــا تجيــني .. وداري عِـــدّهـا دارك
والاّ على الوهم .. يكــفي لا تكلفني

تعبـــت والله .. ولا يمدينـــي اتـدراك
قطـار عمــر ٍ من اول معك طايفني

قلّي شسوّي إذا استبطــيت مشـوارك؟
الصبر يفني وبعـض الضيم مايفني

أخاف باكر يجي واغـْـدي "سِنمّارك"
ومن فوق قصـرٍ بنيته لك بتحذفني

واخاف تخلـف حـلاوة جنّتك .. نارك
واموت وحدي ولالْقى مين يسعفني

شف عاد لا من بــقالي غير تذكــارك
أحَــنّ مــن هالحيـاه .. بترْبتي دفْني

فارجوك تصْدق معاي وتكشف ْستارك
مـن دون احـلّفـْـك أو حتى تحلّـفني

سؤال واحـد .. وابيــك تجمّـع افكـارك
حتى تجاوب بكلّ وضوح وانصفني

إصـرارك اول علي هو نفسه اصرارك؟
ولاّ تغيّـرت ؟.. ياخي قول واتحـفني

ومن قبـل تحكـــي تأكـّــد إن مقـدارك
ما زال نفســه .. وما زالك تشرفني

واهـمّ حـاجه .. قبـــل تبـدي تِــعذّارك
عشان تسحـب.. وللذكرى تخلّـفْني

أبيك تعرف .. وتـدرك .. إنّ مسيارك
هذا أخيـــر .. وبعَـدْها منت شايفني

( إمشْ بطريقك!! " وانا بتجيني اخبارك " ) .. ..
لاعاد اعَـرْْفك.. ولاعاد انت تعرفني !!

رآآقت لـــــــي ..