المساعد الشخصي الرقمي

مشاهدة النسخة كاملة : &&&... ثــالــث عيـــادي ...&&&


محمد بن دحيلان
30-01-2006, 02:17 AM
السلام عليكم


متواضعه للتواصل



عسى الله يكتب لها قبول











http://www.alsuhol.net/lbaah111.rm





،،،
،،
،




لبيه ،، يا دم الشرايين ،، لبّيه = لبيّه ،، ياجوع المشاعر وزادي
لبيه ،، ياسيدالترف باشة التيه = العيد فـ اوصالك يا ثالث عيادي
انتي غرامك شي مدري شسميه = بس ادري انه صار نبض الفؤادي
القلب تحت أمرك ومتحكمه فيه = تسيّدي وسطه غلا يامرادي
وضميه ضمه كنها لاخذيته = امٍ تضم صغيرها بالايادي
وخليه لحظه ورجعي له وضميه = محتاج يدفى من صقيع البرادي
ولامن غفا تكفين خليه ،، خليه = على ذراعك يهتني بالرقادي
من راحته ،، ياراحته مايصحيه = غير الموادع لاطرى والبعادي
خليه غافي حلو الاحلام تسريه = وسري معي جو المواليف هادي
ولدي بوجهٍ جل ربٍ مسويه = سبحانه المعطي عليه اعتمادي
اللي كما بدر الدجا في مواريه = ويداعبه ليلٍ طغى بالسوادي
ليلٍ ليامن الهوى هب قافيه = قام يغشاني ريح عنبر وكادي
واحكي بصوتٍ خاثرٍ كل موحيه =اسرح معه واهيم في كل وادي
واقف على ثلجٍ غريمه يخاويه = واعلن خضوعي له وجيه انقيادي
واضيع ف السود المعاكيش واتيه = ضيعت وتر عود المغني عبادي
كوبليه رمش وللحجاجين كوبليه = ولصبي عينك بادي اليل بادي
خرسٍ هدبها ناعم الخد كاسيه = مثل السيوف المرهفات الحدادي
من صابته سلم ولا عاد يمديه = يذكر رسول الله ورب العبادي
وجسمٍ ليامنه انثنا كن تثنيه = غصنٍ يلاعبه الهوى بالحمادي
واليا مشا كنه يحسّب خطاويه = كنه غريب ديار تايه وغادي
مايلتفت للي وزانه يمشيه = تقول كن الناس حوله جمادي
فارق مثل فرق السما عن مواطيه = بالزين والاخلاق والحسن سادي
بدري على زين الصبايا يوازيه = لو يجتمع زين الحضر والبوادي
يضحك احجاجه كل ماجيت ناصيه = وانا اضحك بشوفة غلاي وودادي
هرجه يسليني وهرجي يسليه = وهرجٍ بغير لسان خلي دوادي
طيب وطيبه من عراقة ،، مجانيه = غالي ،، الأغلى منه عندي بلادي
الله عطانيّاه والله يخليه = ونا له اصفى من صفات (المهادي)
مادام يغليني وانا حيل مغليه = ماهمنا هرجت لسان المعادي
راسي سفه غيره لو انه يناديه = صوتٍ مهوب ابـ صوت خلي نكادي
دام الغلا مالك فؤادي وحاديه =بصد عن غيره واجيه امتحادي
احدٍ يفز القلب لا مر طاريه = وحدٍ يجي طاريه ويروح عادي
واحدٍ يناديني ولا كني اوحيه = واحدٍ اجي يمه بليا منادي
غصبٍ عليه لا توجّهة ناصيه = لانه غذى جوع المشاعر وزادي

،
،،
،،،
وسلامتكم


،



(المهادي) = قصّة القحطاني مع جاره مفرّج السبيعي



,

طلال
30-01-2006, 03:25 AM
ابن دحيلان ...

صح لسانك واعتلا شانك


جميلة بجمال روحك

والاجمل بالنسبة لي

أني اول الحاضرين ...!


واضيع ف السود المعاكيش واتيه
ضيعت وتر عود المغني عبادي

كوبليه رمش وللحجاجين كوبليه
ولصبي عينك بادي اليل بادي

سلمت ودمت ....


بكل التقدير / طلال

الغريبة شوق
30-01-2006, 03:36 AM
محمد

يسعد صباحك

وصح قلبك

رااائع وعذب

محمد الفرحان
30-01-2006, 04:56 AM
.

.

رائعه لايكفيها مرور واحد

.

.

حتما" سيكون لي عوده ان شاء الله

.

.

دواس البراهيم
30-01-2006, 07:52 AM
لبيه والله قوافيك يالغالي

صح لساااانك ولاهنت
يعطيك ربي العافيه

قاف وجزاله ومعاني فريده
لاعدمت احساسك يالغالي

ولاتحرمنا

تحيتي

فهد الدباسي
30-01-2006, 08:35 AM
الجزل جداً / محمد بن دحيلان



نصٌ رائع و مليءٌ بـ المشاعر و نبض الأحاسيس


سـ أعود له بـ ما يليق به

ظافر الأحمري
30-01-2006, 09:06 AM
سلمت وسلم نبضك على هالنص الراقي

سجل اعجابي ومتابعتي ولك تحياتي

جمال العتيبي
30-01-2006, 09:11 AM
محمد بن دحيلان


صح لسانك وكلك يامبدع


تقديري واحترامي

التميميه
30-01-2006, 09:27 AM
احدٍ يفز القلب لا مر طاريه
وحدٍ يجي طاريه ويروح عادي
واحدٍ يناديني ولا كني اوحيه
واحدٍ اجي يمه بليا منادي


الله

وانا اشهد والله

صح لسانك ولاهنت

ونين
30-01-2006, 09:55 AM
اخي محمد بن دحيلان السهلي

صح لسانك ملايين ولا يكفون و جاد بيانك

لا هنت ولا هان قلمك العذب

تحياتي

اختك ونين

فيصل العمري
30-01-2006, 04:35 PM
صح الله لسانك ملايين

أحسنت وأبدعت يا الغالي

أسجل إعجابي

عبدالله الرقاص
30-01-2006, 06:51 PM
الشاعر محمد

شاعر نا الجميل

والمتميز

لله درك

رائعه من شاعر

ولا اروع
هنا
لبيه ،، يا دم الشرايين ،، لبّيه
لبيّه ،، ياجوع المشاعر وزادي
لبيه ،، ياسيدالترف باشة التيه
العيد فـاوصالك يا ثالث عيادي
انتي غرامك شي مدري شسميه
بس ادري انه صار نبض الفؤادي
القلب تحت أمرك ومتحكمه فيه
تسيّدي وسطه غلا يامرادي
وضميه ضمه كنها لاخذيته
امٍ تضم صغيرها بالايادي
وخليه لحظه ورجعي له وضميه
محتاج يدفى من صقيع البرادي
ولامن غفا تكفين خليه ،، خليه
على ذراعك يهتني بالرقادي
من راحته ،، ياراحته مايصحيه
غير الموادع لاطرى والبعادي
خليه غافي حلو الاحلام تسريه
وسري معي جو المواليف هادي
ولدي بوجهٍ جل ربٍ مسويه
سبحانه المعطي عليه اعتمادي
اللي كما بدر الدجا في مواريه
ويداعبه ليلٍ طغى بالسوادي
ليلٍ ليامن الهوى هب قافيه
قام يغشاني ريح عنبر وكادي
واحكي بصوتٍ خاثرٍ كل موحيه
اسرح معه واهيم في كل وادي
واقف على ثلجٍ غريمه يخاويه
واعلن خضوعي له وجيه انقيادي
واضيع ف السود المعاكيش واتيه
ضيعت وتر عود المغني عبادي
كوبليه رمش وللحجاجين كوبليه
ولصبي عينك بادي اليل بادي
خرسٍ هدبها ناعم الخد كاسيه
مثل السيوف المرهفات الحدادي
من صابته سلم ولا عاد يمديه
يذكر رسول الله ورب العبادي
وجسمٍ ليامنه انثنا كن تثنيه
غصنٍ يلاعبه الهوى بالحمادي
واليا مشا كنه يحسّب خطاويه
كنه غريب ديار تايه وغادي
مايلتفت للي وزانه يمشيه
تقول كن الناس حوله جمادي
فارق مثل فرق السما عن مواطيه
بالزين والاخلاق والحسن سادي
بدري على زين الصبايا يوازيه
لو يجتمع زين الحضر والبوادي
يضحك احجاجه كل ماجيت ناصيه
وانا اضحك بشوفة غلاي وودادي
هرجه يسليني وهرجي يسليه
وهرجٍ بغير لسان خلي دوادي
طيب وطيبه من عراقة ،، مجانيه
غالي ،، الأغلى منه عندي بلادي
الله عطانيّاه والله يخليه
ونا له اصفى من صفات (المهادي)
مادام يغليني وانا حيل مغليه
ماهمنا هرجت لسان المعادي
راسي سفه غيره لو انه يناديه
صوتٍ مهوب ابـصوت خلي نكادي
دام الغلا مالك فؤادي وحاديه
بصد عن غيره واجيه امتحادي
احدٍ يفز القلب لا مر طاريه
وحدٍ يجي طاريه ويروح عادي
واحدٍ يناديني ولا كني اوحيه
واحدٍ اجي يمه بليا منادي
غصبٍ عليه لا توجّهة ناصيه
لانه غذى جوع المشاعر وزادي



صح السانك ملاييييييييييييييييييييييييييين

تقبل تحياتي

عقاب النهار
31-01-2006, 01:06 AM
الغالى
تسلم
ويسلم لسانك على ما اتحفتنا به
صح لسانك مليون
ولايسدووووووون
ولاهنت
دمت بود

محمد الفرحان
31-01-2006, 04:46 PM
.

.

شاعرنا

محمد بن دحيلان

.

.

صح لسانك وجاد بيانك على هذه الرائعه

.

.

حضور جميل وتواجد يستحق الاحتفاء

وقصيده لاتمل . .

.

.

دمت مبدعا" بكل حالاتك ولاعدمنا

تواجدك . . .

.

.

تقبل فائق التقدير والاحترام

عويد المغيليث
01-02-2006, 12:25 AM
محمد بن دحيلان

صح لسانك ملايين يامبدع

رائعه بروعة حضورك البهي

دمت ودام ابداعك ولاهنت



لك إحترامي وتقديري
اخوك المغيليث

مزون المحمد
01-02-2006, 03:44 AM
بن دحيلان


عذبة تنساب بروعة حروفها


لله درك



دمت بخير

سلمان العتيبي
01-02-2006, 04:34 AM
الله الله

الشاعر الجزل

محمد بن دحيلان

صح لسانك مليون على هالقصيده الرائعه

دمت بخير ...

محمد بن دحيلان
28-02-2006, 02:47 AM
الاخ القدير طلال

صح ابدنك مروورك اسعدني ولاهنت يالغالي

حماد القريني
28-02-2006, 05:42 AM
محمد بن دحيلان

صح لسانك وجاد نظمك

لاهنت ولاهان راسك

تحياااتي

فهد الدباسي
05-03-2006, 12:46 PM
محمد بن دحيلان



دوماً تمتعنا بـ حضورك و حروفك


نصٌ شامخ من شاعرٍ تعودنا منه الجمال



صح لسانك و لاهنت

تقبل تحياتي

محمد بن دحيلان
11-03-2006, 01:09 PM
الاستاذة القديرة/الغرييبة شوق

صح ابدنك


اعسدني مرورك

دمتِ بخير

سليمان العقيل
11-03-2006, 02:12 PM
صح لسانك وتسلم يمناك يامحمد

حضور متألق جدا واروع من رائع


تحياتي لك ولقلمك المبدع