منتديات منابع الأدبية

مسآآآء الخيـــر ~
أخوي شلونك؟؟
مشتاقة لك يا أخوي..
مشتاقة لمبسمك وعيونك..
فراغ الكون بعدك..
يا هو كئيب البيت من دونك
**********
يا هو مشتاق لجنونك.. لا تسألنا عن الحال..
حالنا بعدك والله حال..
تبي تسمع أخبار؟؟ تبي تدري ش اللي صار..؟؟
أنا بعدك كرهت الدنيا ومافيها.
حتى شوارعها ومبانيها

رحلت يا أخوي لكن حسك مارحل....
تغني ..تضحك..وتسرح..
تعصب ..تتضايق ..وتفرح..
وإذا جاني الليل..
أصير أسمعك أوضح..
تناديني
نامي..
ذبحك السهر يابنت..
لا عاد هالأنترنت!!
خذا عقلك وتفكيرك..
تعالي نسولف شوي..
تعالي با أقول لك شي..
وأدري ماعندك شي..
بس من يومنا نحب السهر والحكي..
حتى يطلع الضي..
أه يابعد ناسي..
فقدتك والله فقدتك..
من بيسألني و شسويتي اليوم....ووشلونك؟؟
من بيرد لي إذا ناديت..يالبيه ..سمي ..وياعونك..
ويوم اشكي لك من اخوانك..
تقول أبشري بالحق والله..
أحوسهم حوس عشانك..
تدري ؟!!
**********
ألعب على نفسي..
أقول يابنت أنسي..
بتمشي الأيام وتمر..وبيمشي العمر..
أكذب على نفسي أدري..
تونا بدري..
ماراح من السنة غير شهر..
الله يساعد..الله يعين..
تدري ياخوي وش بيدي الحين..
بيدي صورتين..
وحدة وحنا صغار..
يوم كنا صغار..
ما عدنا الاثنين الصغار..
مشى الزمن فينا والوقت دار..
وصرنا كبار..
تبي تسمع بعد أخبار؟؟
تبي تدري بعدك شاللي صار؟؟
أمك..
سيرتها من مشيت..
ياليتني ماخليته يروح..ياليت وياليت..
وينه حبيبي؟؟وينه شمعة البيت؟؟
من أبسأل وين أنت؟؟وشسويت؟؟
متى راجع؟؟..ولاتتأخر علي..ومن وين جيت؟؟!!
لا تسرع يا أمك..وشوي شوي إن مشيت..

وأبوك..
تصدق ..توقعته أقوى..
أثره على فراقاك مايقوى..
كل يوم يودي بسيرتك ويجيب..
وأخوانك
بقعدتهم خالي مكانك..
تعال وشوف حاله في بعدك..
ملوا كل شي بعدك..
لا طلعات..لامشوار....

فقدنا قعدتك معانا..
كان السهر معك غير.
كان الليل يجمعنا..
ليش السهر الحين؟؟
ماللسهر طعم..ماللسهر معنى..

آووواه يا بعد روحي..
وين انت يالغالي؟؟
يقولون أبالغ وأكبر الموضوع..
ماشافو حالك وحالي..

آآه يالفرقا ذبحتيني..
بكل حملك هالمرة جيتيني..
بقولك شي يافرقا..وطيعيني..
خذيني..ولأخوي ودّيني..
بعدين أنسيني..
يافرقا..تسمعيني؟؟!!!

اقسى شعور ممكن ان يواجه الانسان هو الشعور بالفقد والفراق
شعور مخيف جداً وقاسي كنت اهرب منه واحاول عدم التفكير فيه ابداً
دائما يطرأ
لاادري مالسر كنت أحس دائما اني سوف افقد شيء عزيز
وكنت دائمة الترديد ان كل مااحبه دائما افقده
لدرجة اني اصبحت اخاف التعلق بأي شيء خشية فقدانه

ولكن الفقد هذه المره كان غالياً جداً ..... جــداً
وكأنما اُنتزع قلبي من بين اضلعي
فقدٌ اشعرني بالانهيار والضياع

آآآه يا اخي
آآآه ياشمعة البيت
آآآه يااغلاهم واحبهم لقلبي على الاطلاق
كيف لا وانت آخر العنقود وانت بسمة الدار ونورها
صاحب اعلى الضحكات ورفيق الدرب ومن يحمل بين ضلوعه اطيب قلب
مااقسى فراقك ولست احمل ذكرى الآن تكاد تسيطر على مخيلتي سوى ذكرى وداعك
كنت انظر الى تلك الاماكن
هنا جلس
هنا اكل
هنا كان يضحك
هذه غرفته ... غرفتك التي الى يومك هذا لم ادخلها ابداً ياقطعه من قلب اختك .
آآآه ياريحانة قلبي
كرهت هذا الايميل الذي ماان افتحه الا وارى علامة الماسنجر الخاص بك باللون الرمادي
وهو الذي كان دائما باللون الاخضر ويزرع الفرح في قلبي ماان تفتح تلك المحادثه معي
وتضع لي صوت قوي لتزعجني وتنرفزني ومع ذلك كنت تضحكني وتبهجني

من مثلك يااخي
من مثلك في حنانك وعطفك على الجميع

لم ارى دموع ابي واخوالي سوى بعد سفرك
كنت ارى ابي دائما ذاك الصامد
ولكن لتراه الآن .. فلم يعد سوى بقايا انسان ..

اما امي فلن اتحدث كثيراً عنها
اسأل الله لها دوماً الصبر ففراقك اضناها واثقل كاهلها
**********